مشكلة فى استهلاك البنزين كورسا 95 1200

**amr.mohamed85** · 16-07-2013 11:05 AM

انا معايا كورسا 95 1200
من فترة فيها مشكلة فى استهلاك البنزين ورحت الصفا و الدخنة راحت بس العربية لسه بتاكل بنزين جااامد ولو فكرت انك تدوس على دواسة البنزين مرة واحدة للاخر حتى لو وهى واقفة تبرجل وممكن تبطل (زى ماتكون شرقت ) وكان فى الملفات الجامدة الطرمبة مبتسحبش بنزين ففتحت التنك امبارح وطلع فعلا ان الطرمبة مش راكبة مكانها كويس وعانيت اربع ساعات على مظبطها (على فكرة الطرمبة لقيت مكتوب عليها هيونداى ) بس نفس الطرمبة وكده وضغطها عالى
المهم ياباشا فى حساس لونه اسود على اليمين تحت العمة من الجنب داخل فيه فيشة ثلاثية الفيشة بتاعته كانت متهربدة غيرتها بالمرة بواحدة جديدة
الوضع الان : دخنة سودا بطريقة شديدة جدا
العربية مخنوقة جامد جدا مش عارف امشى بيها خطوتين لازم عشان امشى اطلع سنة سنة ولو تقلت رجلى على البنزين ولو حاجة بسيطة تتخنق ومتمشيش قولولى اعمل ايه

منتظر ردكم على احر من الجمر :(
ومتشكر لسعة صدركم

**Gelgel2004** · 16-07-2013 11:12 AM

راجع الصفا لضبط الكمبيوتر

**lidosasa** · 16-07-2013 12:58 PM

المشكلة بسيطة بإذن الله
واضح إنهم فى المركز لما رحت ليهم أول مرة ما أكتشفوش إن العيب من طربمة البنزين قاموا مزودين تدفق البنزين اللى داخل لغرف الأحتراق فى الموتور ودا السبب اللى بيخلى فيه دخان لونه اسود وريحته وحشة يخرج من الشكمان ( بنزين غير مكتمل الإحتراق ) إرجع ليهم تانى يظبطوا خليط الهوا والبنزين اللى داخل غرف الإحتراق .

**lidosasa** · 16-07-2013 07:03 PM

المشاركة الأصلية كتبت بواسطة amr.mohamed85

بس ياباشا الكورسا فيها حساسات بتظبط نفسها اوتوماتيك
واعتقد ان العيب في حساس من دول

أنا أسف كنت فاكر العربية على كربراتير . بس المشكلة تظل فى إن الوقود مش بيتحرق بالكامل داخل غرف الإحتراق يبقى السبب حيكون حساس أو بوجيهات يعنى الحجات اللى ليها علاقة بإشعال الوقود أوكمية الوقود اللى داخلة غرف الإحتراق