عرض للطباعة
السلام عليكم
فيه واحدة قريبتى عايزة تنزل سيارة تويوتا ياريس هاتشباك 1300 كاملة أوتوماتيك من أبو ظبي وهي هتنزل نهائي ان شاء الله .. فهي كانت عايزة تعرف اد ايه جماركها بضريبة المبيعات بكل حاجة :?: والسيارة كانت شرياها في حدود 45000 درهم تقريبا.
وشكرا لكم
والله يا أحمد قبل حساب الجمارك لو جينا فكرنا فيها شرياها ب 45000 درهم = 72000 جنيه
يعنى لو على أقل تقدير هايفعوها جمارك إن شاالله 25000 ده غير الشحن يعنى مش هاتجيب همها
أنا صراحة مش عارف جماركها كام بالظبط بس عامة لازم تقولنا هى موديل كام لأن بيتخصم نسبة إستعمال عن كل سنة ولازم تكون هيه أول يد + العربية ماتكونش موديل 2006 مثلا و هى إشترتها 2007 .... دى معلوماتى عن الجمارك و أتمنى حد يقدر يفيدك أكثر منى إن شاء الله
الموقع ده ممكن يفيدك :
http://www.customs.gov.eg/index.html
موقع مصلحة الجمارك
ثق تماما انها في الاخر حيكون سعرها اغلي من هنا
علي هذا المبدأ توضع الجمارك لأي سيارة
دفع الجمارك يتم لحاجة من اتنين
1-السيارة امكانياتها اعلي كتير من اللي متوافر هنا
2-السيارة لها ذكريات اغلي من فرق السعر
غير كده تبيعها هناك احسن دائما
شكرا على التوضيح يا شباب ... مصاريف الشحن حوالي 2500 جنيه والعربية شرياها سنة 2006 (وهي كانت شرياها لغرض الإستعمال هناك ) وأول يد ليها فلو قولنا 25000 جمارك + 2500 شحن = 27500 جنيه أعتقد كده يبقى معقول!!! لانها لو باعتها هناك هتخسر فيها ده غير انها هتحتاج سيارة هنا في مصر.
والله يا أحمد أنا معرفش كام أنا رقم 25000 ده أنا بضربلك مثال تقديرى حاول تفتح الموقع إللى بعته ليك أكيد هاتلاقى هناك معلومات تفيدك
+ إنها 2006 يبقى لو تستنى شهر يناير تجيبها هايتخصم منها سنتين إستخدام مش سنه و ده حلو جدا جدا لأن السنة إستعمال بتخصم تقريبا 10% أو 15% مش متذكر بس لو خصم 30% يبقى ممتاز
حاول تبص فى ملحق أهرام الجمعه بيكون فيه إجابات على الجمارك على حسب الأسئلة المبعوته و أكيد هاتلاقى حد سائل على 1300 سىسى شوف محسوبة نسبة كام من القيمة و الضرايب كام و خصم إستعمال كام و إنت هاتعرف إن شاء الله :)
جمرك السيارة يتم حسابه كالآتى:
40% من تمن العربية جمارك ------> 72000 * 0.40 = 28800
ضريبة مبيعات 15% من (تمن العربية + الرسوم الجمركية) ------> 72000 + 28800 = 100800 * 0.15 = 15120 جنيه
وفى كمان 3% رسم تنمية موارد يعنى حوالى 3000 جنيه
يبقى المجموع 72000 + 28800 + 15120 + 3000 = 118920
أعتقد هايكون فى خصم 10% فرق الموديل يبقى تقريبا هاترسى على 110000 جنيه
طبعا رأيى تبيعها وتشترى من هنا أحسن.
متهيالي جماركها حتبقي في حدود 40 الف او كده علشان انا متذكر اني قريت حاجه مابهه في اخبار السيارات من كام شهر.
بس هيا فعلا لو باعتها هناك مش حتجيب اكتر من 38 الف درهم انا كنت هناك و عارف الاسعار عامله ايه تمن المستعمل بينزل بطريقه جامده.
يا ابو سيف لخبطت الراجل
40% من القيمة سيف وارد = 28800
ضريبة مبيعات 15% من القيمة سيف = 15000
3% رسم تنمية : 3000 جنيه
تبقى القيمة الاجمالية حوالى 47000 جنيه مصرى
ولو اسنت لاول السنة هيبقى فى خصم 30% استخدام يعنى حوالى 14000 يبقى الجمارك الى هتدفعها حوالى 33000 جنيه مصرى دة غير الاكراميات والتخليص.
مفيش 30 % دي خالص يا عبد الله اول سنه 10% و كل سنه بعد كده 5% بحد اقصي 50% دا اللي انا اعرفهاقتباس:
ولو اسنت لاول السنة هيبقى فى خصم 30%
بص يا everlasting أنا عندي يارس و كنت بفكر أني أنزلها من أبوظبي لكن كانت أغلى و من غير ضمان صحيح الامكانيات أعلى لكن قلت أنها لا تستهال
اقتباس:
المشاركة الأصلية كتبت بواسطة Abdallah
لا ياريس ضريبة المبيعات بتكون على القيمة سيف + الجمارك مش القيمة سيف بس :)
والتخفيض زى ما حازم قال:
دة لينك قديم شوية فيه طريقة حساب الجماركاقتباس:
مفيش 30 % دي خالص يا عبد الله اول سنه 10% و كل سنه بعد كده 5% بحد اقصي 50% دا اللي انا اعرفه
http://www.sayaratmisr.com/info/temp5_9.htm
على فكرة الرقم اللى ذكرته هو إجمالى تمن العربية بعد الجمارك ، يعنى مش هو دة اللى هايدفع جمارك فى الحالة دى يبقى الجمارك اللى هاتدفع 119000 - 72000 = 47000 جنيه
يبقى كلامك صح ياعبدالله :) بس انا بس حبيت اصحح معلومة ان ضريبة المبيعات بتتحسب على القيمة سيف + الجمارك
لو حسبنا الجدوى الاقتصادية للموضوع دة يبقى قدامنا اختيارين:
1- باعتبار ان الجمارك + الشحن و الاكراميات حوالى 50 ألف و يبقى مع حضرتك ياريس 2006 كاملة أوتوماتيك بدون ضمان
2- باعتبار انها حتتباع فى الامارات بـ 36 ألف درهم يعنى حوالى 54 ألف جنيه و تشترى فى مصر ياريس كاملة زيها بـ 98 ألف موديل 2007 بضمان 3 سنين يبقى حضرتك دفعت فرق البيع و الشراء اللى هو 44 ألف جنيه فقط
و كدة واضح ان الحل التانى أفضل من حيث توفير 6000 جنيه و الحصول على سيارة زيرو موديل 2007 و بضمان 3 سنين و البعد عن تعقيدات و اجراءات الجمارك ... و الحل التانى يظل أحسن طول ما حضرتك حتبيع العربية الحالية بأكتر من 32 ألف درهم ... لو جابت أقل من كدة يبقى الحل الأول أوفر.
ألف شكر ليكم يا جماعة على تفاعلكم مع الموضوع ... وكده فعلا مافيش داعي إنها تجيبها مصر :? وتجيب زيرو من هنا أحسن.
شكرا ليكم مرة تانية.
اخى ابو سيف, انا لم اقصد التعديل عليك وكلامنا واحد تقريبا , بس انا حبيت اوضحلة الجمارك بتاعتها لوحدها .
والله يا حازم مش فاكر بس عموما موقع الجمارك للاسف كان واقع فانا قلت الى انا فاكره.