عاجل : كم تبلغ جمارك التويوتا ياريس 2006

**Everlasting** · 04-07-2007 04:12 AM

السلام عليكم
فيه واحدة قريبتى عايزة تنزل سيارة تويوتا ياريس هاتشباك 1300 كاملة أوتوماتيك من أبو ظبي وهي هتنزل نهائي ان شاء الله .. فهي كانت عايزة تعرف اد ايه جماركها بضريبة المبيعات بكل حاجة :?: والسيارة كانت شرياها في حدود 45000 درهم تقريبا.
وشكرا لكم

**memo_hefnawy** · 04-07-2007 08:10 AM

والله يا أحمد قبل حساب الجمارك لو جينا فكرنا فيها شرياها ب 45000 درهم = 72000 جنيه

يعنى لو على أقل تقدير هايفعوها جمارك إن شاالله 25000 ده غير الشحن يعنى مش هاتجيب همها

أنا صراحة مش عارف جماركها كام بالظبط بس عامة لازم تقولنا هى موديل كام لأن بيتخصم نسبة إستعمال عن كل سنة ولازم تكون هيه أول يد + العربية ماتكونش موديل 2006 مثلا و هى إشترتها 2007 .... دى معلوماتى عن الجمارك و أتمنى حد يقدر يفيدك أكثر منى إن شاء الله

الموقع ده ممكن يفيدك :

http://www.customs.gov.eg/index.html

موقع مصلحة الجمارك

**Islam_galal** · 04-07-2007 09:22 AM

ثق تماما انها في الاخر حيكون سعرها اغلي من هنا
علي هذا المبدأ توضع الجمارك لأي سيارة
دفع الجمارك يتم لحاجة من اتنين
1-السيارة امكانياتها اعلي كتير من اللي متوافر هنا
2-السيارة لها ذكريات اغلي من فرق السعر

غير كده تبيعها هناك احسن دائما

**Everlasting** · 04-07-2007 12:32 PM

شكرا على التوضيح يا شباب ... مصاريف الشحن حوالي 2500 جنيه والعربية شرياها سنة 2006 (وهي كانت شرياها لغرض الإستعمال هناك ) وأول يد ليها فلو قولنا 25000 جمارك + 2500 شحن = 27500 جنيه أعتقد كده يبقى معقول!!! لانها لو باعتها هناك هتخسر فيها ده غير انها هتحتاج سيارة هنا في مصر.

**memo_hefnawy** · 04-07-2007 01:22 PM

والله يا أحمد أنا معرفش كام أنا رقم 25000 ده أنا بضربلك مثال تقديرى حاول تفتح الموقع إللى بعته ليك أكيد هاتلاقى هناك معلومات تفيدك

+ إنها 2006 يبقى لو تستنى شهر يناير تجيبها هايتخصم منها سنتين إستخدام مش سنه و ده حلو جدا جدا لأن السنة إستعمال بتخصم تقريبا 10% أو 15% مش متذكر بس لو خصم 30% يبقى ممتاز

حاول تبص فى ملحق أهرام الجمعه بيكون فيه إجابات على الجمارك على حسب الأسئلة المبعوته و أكيد هاتلاقى حد سائل على 1300 سىسى شوف محسوبة نسبة كام من القيمة و الضرايب كام و خصم إستعمال كام و إنت هاتعرف إن شاء الله :)

**أبوسيف** · 04-07-2007 01:36 PM

جمرك السيارة يتم حسابه كالآتى:

40% من تمن العربية جمارك ------> 72000 * 0.40 = 28800
ضريبة مبيعات 15% من (تمن العربية + الرسوم الجمركية) ------> 72000 + 28800 = 100800 * 0.15 = 15120 جنيه
وفى كمان 3% رسم تنمية موارد يعنى حوالى 3000 جنيه
يبقى المجموع 72000 + 28800 + 15120 + 3000 = 118920
أعتقد هايكون فى خصم 10% فرق الموديل يبقى تقريبا هاترسى على 110000 جنيه
طبعا رأيى تبيعها وتشترى من هنا أحسن.

**hazem_khidr** · 04-07-2007 02:01 PM

متهيالي جماركها حتبقي في حدود 40 الف او كده علشان انا متذكر اني قريت حاجه مابهه في اخبار السيارات من كام شهر.
بس هيا فعلا لو باعتها هناك مش حتجيب اكتر من 38 الف درهم انا كنت هناك و عارف الاسعار عامله ايه تمن المستعمل بينزل بطريقه جامده.

**Abdallah** · 04-07-2007 03:41 PM

يا ابو سيف لخبطت الراجل
40% من القيمة سيف وارد = 28800
ضريبة مبيعات 15% من القيمة سيف = 15000
3% رسم تنمية : 3000 جنيه
تبقى القيمة الاجمالية حوالى 47000 جنيه مصرى
ولو اسنت لاول السنة هيبقى فى خصم 30% استخدام يعنى حوالى 14000 يبقى الجمارك الى هتدفعها حوالى 33000 جنيه مصرى دة غير الاكراميات والتخليص.

**hazem_khidr** · 04-07-2007 03:58 PM

ولو اسنت لاول السنة هيبقى فى خصم 30%

مفيش 30 % دي خالص يا عبد الله اول سنه 10% و كل سنه بعد كده 5% بحد اقصي 50% دا اللي انا اعرفه

**محمدايهاب** · 04-07-2007 05:09 PM

بص يا everlasting أنا عندي يارس و كنت بفكر أني أنزلها من أبوظبي لكن كانت أغلى و من غير ضمان صحيح الامكانيات أعلى لكن قلت أنها لا تستهال

الموضوع: عاجل : كم تبلغ جمارك التويوتا ياريس 2006

LinkBack

أدوات الموضوع

عرض

عاجل : كم تبلغ جمارك التويوتا ياريس 2006 - انشر الموضوع فى :

-

-

-

-

المواضيع المتشابهه

عندى مشكلة فى التويوتا ياريس

بكام سعر علامه التويوتا ياريس الى ادام يا جماعه ؟؟

ارتفاع سعر التويوتا ياريس 2010

جمارك ياريس هاتشباك

سؤال مهم عن التويوتا ياريس

الكلمات الدلالية لهذا الموضوع

المفضلات

المفضلات

ضوابط المشاركة