صامو عليكو

صباح الخير جميعاً وكل سنة وانتو طيبين وهابي نيو ثورة وعيد سعيد الخ .

طبعاً أنا عارف إنكو بارعين وعظماء في التيكنيكال فيوز للبايكس والدراجات النارية والهوائية والبرمائية لذلك أنا هدخل في الموضوع على طول ...

أنا شاب عمري 22 سنة ان شاء الله وعايش في المحلة ، خبرتي مع الموتسيكلات كانت على موتسيل صيني ان شاء الله ابو 4 تلاف ده كان بتاع واحد صاحبي وزي بتاعي بالظبط بعرف أسوق كويس الحمد لله ومعملتش أي حوادث قبل كده
دلوقت انا بنزل القاهرة باستمرار ومبحبش العربيات ونفسي اسافر على موتسيكل والريس طبعاً مش عملي غير ان قعدته اكيد مُهلكة فشخ -ولامؤخذه- ومتعبة للضهر
لذلك انا بفكر في موتسكل هارلي او حاجة كبيرة تريح في الطريق وكمان تبقى تقيلة في المشي والجري وموتورها حلو ويستحمل الهرس نظراً لان المسافة مية كيلو رايح مية كيلو راجع
غير اني حتى لو هروح اشتري علبة حليب المراعي ونص كيلو زتون من اي سوبر ماركت هاخد الموتسيقل معايا

انا معرفش اي حاجة عن الهارلي او النوع ده تحديداً اسمه ايه !
ومعرفش بيتجاب منين واسعاره فلو حد عنده الخره يجاوبني يبقى كتر خيره بس الفكرة اني عايز نصيحة قبل كل حاجة لاخوكو الصغير ، هل السواقة على الطريق الدائري الزراعي بحاجة زي دي هتبقى خطر اوي وبلاش احسن
وانا اخترت الهارلي او الموتسكيلات الكبيرة علشان الخطر بصراحة انا بحب الريس بس شايف الكبير ده هيبقى كويس
وطبعاً لو الاسعار هيبقى مبالغ فيها لو حد بيبع قسط عرفوني وهل هيبقى كويس برده ولا لأ
شكراً مقدماً وأدام الله عليكم العز والوز وهنأكم ببلوغ رمضان واللهم بلغكم مقاصدكم وحبشتكناتكم التي تبغونها .