ارجو المساعدة. تركب لمبات زينون ونظام صوتي جيد كياريو 2013

في البداية بحب اشكر كل افراد الادارة والاعضاء علي المجهود الرائع القائم في المنتدي

الحمد لله استقريت وجبت كيا ريو سيدان خليجي 2013 والسيارة تحفة في كل شيئ

اولاً : انا عاوز اركب لمبات زينون بدل اللي نازل في العربية

- نوع الزينون ورقمة اللي وعدد ريش المبات وايه اللي يتوافق مع العربية
- هل يمكن تركيب عدسات ولا الزينون اضائتة تكفي بدون عدسات

ثانياً : عاوز اظبط الكاسيت شوية لان الصوت مش كويس خالص واطي

- هل ممكن تغيير الكاسيت الاصلي
- هل ممكن تغيير السماعات للأعلي
- هل ممكن تركيب صاب او g.m

منتظر ردكم يا شبـــــاب

الكاسيت الاصلي لو غيرته فانت هتخسر ال Multifunction وكمان هتشوه منظر التبلوه !!

لكن بالامكان انك تركب جي ام وسماعات وصبات وكل اللى انت نفسك فيه

لازم بس الاول تتاكد هل الكاسيت فيه مخرج RCA ولا لاء

لو فيه يبقى هتركب الجي ام بدون مشاكل لو مافيهوش هتحتاج انك تجيب RCA convert

وعشان تعمل عدة صوت كويسة لازم تحط الميزانية اللى انت عايز تدفعها

وكمان لازم تقول نوع الصوت اللى انت عايز تسمعه !! ؟ يعني عايز صوت نقي وبيز خفيف ؟

ولا عايز بيز وهبد ورزع وصبات والكلام ده ؟ ؟

بص ياباشا اولا مبروك على العربية ثانيا الزينون لو ركب هيعمي الناس اللي قدامك لانك معندكش عدسات على عكس كشافات الهاتش باك اللي فيها عدسات .... ومش هينفع تركب عدسات عشان انت جايب عربية جديدة وملهاش لازمة تفتح الفانوس الفابريكه وبعدين انت الاضائة عندك كويسة جدا ... بس لو حابب تركب انت نوع اللمض عندك h4 العالي والواطي في لمبة واحدة .... والفوجات h8 .... امما بالنسبة للصوت مش عارف ازاي انت حاسس انت الصوت واطي انت عندك اربع سماعات في الابواب و 2 تويتر في القوايم انت بس حاول تظبط الصوت من الكاسيت ومنصحكش تركب سماعات عشان كده كده مش هتعرف تشغل اكتر من اربع سماعات بس فلو ركبت سماعتين ورا هتضطر تشيل اللي في الابواب .....

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

اقتباس:

---

المشاركة الأصلية كتبت بواسطة 2CODE

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

---

انا معرفش هو ايه ال Arkamys ده الصراحة بس انا خليجي والصوت عندي زي الفل مفيش اي مشاكل والصوت نقي جدا ..... طب نتأكد ازاي من استاذ Arkamys ده موجود عندنا ولا لا ؟

فيه بس حاجه مهمه
فى الوكيل الهاى لاين فيه ست سماعات ,أنما بقيه الفئات فيها أربع سماعات بس زى حالاتى (أنا معايا الفئه ألى قبل الهاى لاين سيدان و مفيهاش غير أربع سماعات بس )

اقتباس:

---

المشاركة الأصلية كتبت بواسطة prooo

بص ياباشا اولا مبروك على العربية ثانيا الزينون لو ركب هيعمي الناس اللي قدامك لانك معندكش عدسات على عكس كشافات الهاتش باك اللي فيها عدسات .... ومش هينفع تركب عدسات عشان انت جايب عربية جديدة وملهاش لازمة تفتح الفانوس الفابريكه وبعدين انت الاضائة عندك كويسة جدا ... بس لو حابب تركب انت نوع اللمض عندك h4 العالي والواطي في لمبة واحدة .... والفوجات h8 .... امما بالنسبة للصوت مش عارف ازاي انت حاسس انت الصوت واطي انت عندك اربع سماعات في الابواب و 2 تويتر في القوايم انت بس حاول تظبط الصوت من الكاسيت ومنصحكش تركب سماعات عشان كده كده مش هتعرف تشغل اكتر من اربع سماعات بس فلو ركبت سماعتين ورا هتضطر تشيل اللي في الابواب .....

---

لا يا باشا هيركب سماعات ورا من غير مايجي جمب سماعات الباب

انا مش عارف الريو بتنزل بسماعات بيضاوي ورا ولا لاء !! ؟

لو مش بتنزل فهو هيسيب الاربع سماعات الفبريكة بتوعها زي ماهما وهيقوم عامل رف خشب ورا يحط عليه سماعتين بيضاوي او اربعة هو ومزاجه وهياخد الخرج بتاعهم من جي ام مش من الكاسيت

اما لو بتنزل بسماعات بيضاوي ورا فهو هيسيب سماعات الابواب وهيغير السماعات اللى ورا

اقتباس:

---

المشاركة الأصلية كتبت بواسطة 2CODE

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

---

اقتباس:

---

المشاركة الأصلية كتبت بواسطة prooo

انا معرفش هو ايه ال Arkamys ده الصراحة بس انا خليجي والصوت عندي زي الفل مفيش اي مشاكل والصوت نقي جدا ..... طب نتأكد ازاي من استاذ Arkamys ده موجود عندنا ولا لا ؟

---

اقتباس:

---

المشاركة الأصلية كتبت بواسطة Tmhami

فيه بس حاجه مهمه
فى الوكيل الهاى لاين فيه ست سماعات ,أنما بقيه الفئات فيها أربع سماعات بس زى حالاتى (أنا معايا الفئه ألى قبل الهاى لاين سيدان و مفيهاش غير أربع سماعات بس )

---

انا طبعا مع احترامي الشديد لإرائكم بس فيه حاجة مهمة

مهما كانت العربية نازلة بنظام صوتي كويس فهو بيبقى غير كاافي لواحد متعود يسمع Sound system صح !!

واقصد بيه (جي ام / بازوكا وصب وهبد وترزيع) هو بيبقى متعود على صوت معين مش بيعرف يغيره او يسمع اقل منه مهما كان الصوت بتاع العربية الاصلي كويس

اقتباس:

---

المشاركة الأصلية كتبت بواسطة ahmod

الكاسيت الاصلي لو غيرته فانت هتخسر ال multifunction وكمان هتشوه منظر التبلوه !!

لكن بالامكان انك تركب جي ام وسماعات وصبات وكل اللى انت نفسك فيه

لازم بس الاول تتاكد هل الكاسيت فيه مخرج rca ولا لاء

لو فيه يبقى هتركب الجي ام بدون مشاكل لو مافيهوش هتحتاج انك تجيب rca convert

وعشان تعمل عدة صوت كويسة لازم تحط الميزانية اللى انت عايز تدفعها

وكمان لازم تقول نوع الصوت اللى انت عايز تسمعه !! ؟ يعني عايز صوت نقي وبيز خفيف ؟

ولا عايز بيز وهبد ورزع وصبات والكلام ده ؟ ؟

---

باشا شكراً ردك للاستفسار

هو فعلا كلامك صح لو الكاست اتغير شكل التبلوه هيبقي مش ظريف

بس هو انت تقصد ايه بـ rca واعرف ازاي اذا كان في او لاء

المزانية في حدود 2000 جنيه بالنسبة الصوتيات

فعلا صوت نقي والبيز خفيف ايه المطلوب علشان الكلام ده

اقتباس:

---

المشاركة الأصلية كتبت بواسطة prooo

بص ياباشا اولا مبروك على العربية ثانيا الزينون لو ركب هيعمي الناس اللي قدامك لانك معندكش عدسات على عكس كشافات الهاتش باك اللي فيها عدسات .... ومش هينفع تركب عدسات عشان انت جايب عربية جديدة وملهاش لازمة تفتح الفانوس الفابريكه وبعدين انت الاضائة عندك كويسة جدا ... بس لو حابب تركب انت نوع اللمض عندك h4 العالي والواطي في لمبة واحدة .... والفوجات h8 .... امما بالنسبة للصوت مش عارف ازاي انت حاسس انت الصوت واطي انت عندك اربع سماعات في الابواب و 2 تويتر في القوايم انت بس حاول تظبط الصوت من الكاسيت ومنصحكش تركب سماعات عشان كده كده مش هتعرف تشغل اكتر من اربع سماعات بس فلو ركبت سماعتين ورا هتضطر تشيل اللي في الابواب .....

---

الله يبارك فيك وشكراً علي زوقك

انا مستبعد فكرة فك اني افتح الفانوس علشان اركب عدسة

يعني لما اجي اشتري اسأل علي لمبات زينون h4 العالي والواطي h8 للفوجات طب هما كام ريشه

هو ممكن اغير سماعات الابواب الخلفية علشان الصوت يزيد ويكون عالي شويه بس السوال هل اي سماعات تركب عليها (دائري او بيضاوى) وعلشان اركب سماعات في التبلوه الخلفي لازم اعمل فتحه في التبلوه

اقتباس:

---

المشاركة الأصلية كتبت بواسطة Ahmod

لا يا باشا هيركب سماعات ورا من غير مايجي جمب سماعات الباب

انا مش عارف الريو بتنزل بسماعات بيضاوي ورا ولا لاء !! ؟

لو مش بتنزل فهو هيسيب الاربع سماعات الفبريكة بتوعها زي ماهما وهيقوم عامل رف خشب ورا يحط عليه سماعتين بيضاوي او اربعة هو ومزاجه وهياخد الخرج بتاعهم من جي ام مش من الكاسيت

اما لو بتنزل بسماعات بيضاوي ورا فهو هيسيب سماعات الابواب وهيغير السماعات اللى ورا






انا طبعا مع احترامي الشديد لإرائكم بس فيه حاجة مهمة

مهما كانت العربية نازلة بنظام صوتي كويس فهو بيبقى غير كاافي لواحد متعود يسمع Sound system صح !!

واقصد بيه (جي ام / بازوكا وصب وهبد وترزيع) هو بيبقى متعود على صوت معين مش بيعرف يغيره او يسمع اقل منه مهما كان الصوت بتاع العربية الاصلي كويس

---

اقتباس:

---

المشاركة الأصلية كتبت بواسطة 2CODE

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

---

شكراً لمتابعتك الجيد للموضوع وواضح انك عندك فكرة عن الكيا بصفة خاصة

هو انا عندي الخليجي بس مش الهاي لاين عندي اربع سماعات فقط في الابواب

قصة الـ GM ايه المعقول اللي يناسب السيارة وصوت يكون جيد (النوع-الفئة) التكلفة مش مهم

ايه هو بقي Arkamys ؟؟؟

الكاسيت بيفرق كتير على فكره. أنا لما بركب mp3 على جاك ال aux بيبقى الصوت أعلى وأنضف بكتير من صوت الكاسيت وعلى نفس التراكات. بس طبعا لو عايز بيز عالي لازم GM.

اقتباس:

---

المشاركة الأصلية كتبت بواسطة hossamlabib

باشا شكراً ردك للاستفسار

هو فعلا كلامك صح لو الكاست اتغير شكل التبلوه هيبقي مش ظريف

بس هو انت تقصد ايه بـ rca واعرف ازاي اذا كان في او لاء

المزانية في حدود 2000 جنيه بالنسبة الصوتيات

فعلا صوت نقي والبيز خفيف ايه المطلوب علشان الكلام ده

---

ال RCA ده وصلة Audio / Audio يمين وشمال ودي من خلالها بتقدر توصل ال GM للكاسيت

انا مش عارف بصرحة اذا كان كاسيت الريو فيه الامكانية التوصيل بال RCA ولا لاء

عموما لو فيه يبقى هتجيب الجي ام وتوصل علطول

مايفش هتحتاج تجيب وصلة rca convert

بالنسبة للصوت فانا هديلك كذا اختيار

بما ان حضرتك مش عايز بيز شديد يبقى هنستبعد الصب والبوازيك لان دي حجات البيز بتاعها قوي

حضرتك هيبقى قدامك اما انك تجيب

سماعتين كينود 500 وات اندونيسي ودول عاملين 590 جنيه

او سماعتين كينود 400 وات دبل بيز ودول عاملين 600 جنيه

او سماعتين كينود دبل بيز 600 وات ودول عاملين 850 جنيه

انا افضلك الكينود ال 400 دبل بيز الا لو عندك استعداد تدفع وتجيب ال 600 الدبل بيز

في حالة لو هتجيب الكينود ال 400 وات دبل بيز او الكينود ال 500 وات

فانت محتاج جي ام اما تجيب بايونير 400 وات 2 شانيل وده عامل 480 جنيه

او جي ام كينود 350 وات 2 شانيل

اما لو هتجيب ال 600 وات فانت محتاج جي ام قوي حبتين

سعتها قدامك البايونير ال 820 وات او الكينود ال 500 وات والاتنين 2 شانيل

----

فيه حل تاني انك تجيب سماعتين بايونير 550 وات فتنامي دول عاملين 360 جنيه

مع بازوكا بايونير 1300 وات عاملة 570 جنيه او بازوكا JPL 1000 وات ودي عاملة في حدود ال 620 جنيه

وتركب السماعتين والبازوكا على جي ام كينود 720 وات 4 شانيل وده عامل 750 جنيه

اقتباس:

---

المشاركة الأصلية كتبت بواسطة ahmod

ال rca ده وصلة audio / audio يمين وشمال ودي من خلالها بتقدر توصل ال gm للكاسيت

انا مش عارف بصرحة اذا كان كاسيت الريو فيه الامكانية التوصيل بال rca ولا لاء

عموما لو فيه يبقى هتجيب الجي ام وتوصل علطول

مايفش هتحتاج تجيب وصلة rca convert

بالنسبة للصوت فانا هديلك كذا اختيار

بما ان حضرتك مش عايز بيز شديد يبقى هنستبعد الصب والبوازيك لان دي حجات البيز بتاعها قوي

حضرتك هيبقى قدامك اما انك تجيب

سماعتين كينود 500 وات اندونيسي ودول عاملين 590 جنيه

او سماعتين كينود 400 وات دبل بيز ودول عاملين 600 جنيه

او سماعتين كينود دبل بيز 600 وات ودول عاملين 850 جنيه

انا افضلك الكينود ال 400 دبل بيز الا لو عندك استعداد تدفع وتجيب ال 600 الدبل بيز

في حالة لو هتجيب الكينود ال 400 وات دبل بيز او الكينود ال 500 وات

فانت محتاج جي ام اما تجيب بايونير 400 وات 2 شانيل وده عامل 480 جنيه

او جي ام كينود 350 وات 2 شانيل

اما لو هتجيب ال 600 وات فانت محتاج جي ام قوي حبتين

سعتها قدامك البايونير ال 820 وات او الكينود ال 500 وات والاتنين 2 شانيل

----

فيه حل تاني انك تجيب سماعتين بايونير 550 وات فتنامي دول عاملين 360 جنيه

مع بازوكا بايونير 1300 وات عاملة 570 جنيه او بازوكا jpl 1000 وات ودي عاملة في حدود ال 620 جنيه

وتركب السماعتين والبازوكا على جي ام كينود 720 وات 4 شانيل وده عامل 750 جنيه

---

طب تفتكر لو السماعات بس اتغيرت من غير تركيب بازوكا ولا صب ولا جي ام الصوت يتحسن؟ ولا السماعات لوحدها مش هتفرق أو هيبقى فرقها بسيط؟

تمام كلامك وشكراً علي الشرح الواضح جداً

هي الكيا ريو سيدان خليجي عندي اربع سماعات 2 في باب خلف و2 باب امامي

السؤال هي السماعات بيضاوي ولا دائري

اقتباس:

---

المشاركة الأصلية كتبت بواسطة ahmed_adham

طب تفتكر لو السماعات بس اتغيرت من غير تركيب بازوكا ولا صب ولا جي ام الصوت يتحسن؟ ولا السماعات لوحدها مش هتفرق أو هيبقى فرقها بسيط؟

---

بتفرق بس مش اوي !! والفرق بيعتمد على حاجتين

الاولى : الخرج بتاع الكاسيت عندك !! لان السماعات بدون جي ام بتبقى واخدة قوتها من خرج الكاسيت

فلو خرج الكاسيت عندك ضعيف هيبقى فيه مشكلة

التانية : لو انت ماعندكش سماعات ورا وهتغير سماعات الابواب مش هتحس بفرق كبير لان سماعات الابواب غالبا مابتبقى نازلة بنوعية محترمة مع العربية الا بعض العربيات اللى بتبقى نازلة بسماعات تعبانة

انا مش معاك في انك تعمل كده في العربيه وخصوصا انها لسه جديده وكمان عشان العربيه دي البطاريه بتاعتها ضعيفه
وبالنسبه للصوت انا شايف ان الساوند سيستم بتاعها مرضي انت عندك اربع سماعات في الابواب واتنين في القوايم . انت ممكن يكون مش عاجبك عشان انت متعود علي صوت معين بس لما تتعود عليه هتلاقيه تمام . انا معايا الهاتش باك هاي لاين وبصراحه شايف انها مش محتاجه اي حاجه .

اقتباس:

---

المشاركة الأصلية كتبت بواسطة Ahmod

بتفرق بس مش اوي !! والفرق بيعتمد على حاجتين

الاولى : الخرج بتاع الكاسيت عندك !! لان السماعات بدون جي ام بتبقى واخدة قوتها من خرج الكاسيت

فلو خرج الكاسيت عندك ضعيف هيبقى فيه مشكلة

التانية : لو انت ماعندكش سماعات ورا وهتغير سماعات الابواب مش هتحس بفرق كبير لان سماعات الابواب غالبا مابتبقى نازلة بنوعية محترمة مع العربية الا بعض العربيات اللى بتبقى نازلة بسماعات تعبانة

---

أصل أنا عندي mp3 محترم لما بوصله على الكاسيت من ال aux بيبقى صوته أنقى كتييييير عن صوت ال usb على كاسيت العربيه وهيه نفس التراكات اللي في ال usb وال mp3 فتقريبا كده الكاسيت هيبقى مجرد كوبري كأن ال mp3 واصل على السماعات مباشره ولا أنا كده فاهم غلط؟ ويبقى فاضل بس تغيير السماعات بس زي ما قلتلك خايف أغير السماعات متفرقش أو يبقى فرق ضعيف ميستاهلش المصاريف.

موضوع ال gm والبازوكا والصبات هيبقى صعب في الكارينز عشان كده بفكر في السماعات بس.

اقتباس:

---

المشاركة الأصلية كتبت بواسطة Ahmed_Adham

أصل أنا عندي mp3 محترم لما بوصله على الكاسيت من ال aux بيبقى صوته أنقى كتييييير عن صوت ال usb على كاسيت العربيه وهيه نفس التراكات اللي في ال usb وال mp3 فتقريبا كده الكاسيت هيبقى مجرد كوبري كأن ال mp3 واصل على السماعات مباشره ولا أنا كده فاهم غلط؟ ويبقى فاضل بس تغيير السماعات بس زي ما قلتلك خايف أغير السماعات متفرقش أو يبقى فرق ضعيف ميستاهلش المصاريف.

موضوع ال gm والبازوكا والصبات هيبقى صعب في الكارينز عشان كده بفكر في السماعات بس.

---

ممكن اعرف نوع mp3 ده لان دايخ علي حاجه نظيفه وخرجها قوي لان معايا سماعات هاند فري قويه ومحتاجه خارجي قوي من mp3

اقتباس:

---

المشاركة الأصلية كتبت بواسطة medo_sirion

ممكن اعرف نوع mp3 ده لان دايخ علي حاجه نظيفه وخرجها قوي لان معايا سماعات هاند فري قويه ومحتاجه خارجي قوي من mp3

---

اسمه Cowon iAudio 7 شركه كوريه وتصنيع كوري بس أنا كنت شاريه من 2008 من بره ودلوقتي بقى موديل قديم بس الشركه بتاعته منزله موديلات جديده تحفه

ده الجهاز اللي عندي
JetAudio

دي المنتجات بتاعتهم كلها
[ Digital Pride COWON ]

وده أخر جهاز من نفس السلسله iAudio 10
[ Digital Pride COWON ]

طبعا الايبود حلو برضه بس أنا مش بحب أتعامل مع منتجات أبل بس ميزه أجهزه كوون ان شاشتها صغيرها فبتستفيد من كل قدره البطاريه في تشغيل الجهاز مش تشغيل الشاشه زي الايبود.

احب ارد عليكم عن تجربه
انا ركبت سماعتين بيضاوي سوني ٤٠٠ وات او ٤٥٠ مش فاكر و ركبت عليهم ج م علشان يقومهم. و ركبتهم على بورد خشب
وبعدين ركبت بازوكا سوني ١٤٠٠وات مع ج م
الصوت دلوقتي تحفه بس في مشكله واحده قرفاني ان لو انت طلفي الكاسيت بتسمع صوت زنه ال ج م طالع من السامعات و دي حاجه بالنسبالي موقرفه جدا

انا معايا ريو خليجى 2013 سيدان اللى قبل الهاى لاين
انا ركبت نور زينون عند عربكوم بس ممتاز
الجهاز صينى فيه moduleعلشان يحل اى مشاكل فى العربية او اى تشفير لان فى عربيات مش بينفع تركبلها زينون غير لما تحل التشفير ده
الجهاز اتركب فى 10 دقايق من غير اى مشاكل ولا غيرنا حاجة ولا شلنا حاجة ولا تكسير او اى حاجة
بتشيل بس اللمبات وتحط الجديدة فى نفس مكان القديمة بنفس الفيشة بتاعت القديمة من غير اى مشاكل
بجد شغل نضيف جدا
الطقم كان عامل 950 بالتركيب وعليه ضمان سنة باللمبات كمان وشغال معايا زى الفل بقاله 3 شهور

بالنسبة بقى للصوت
كان عندى نفس المشكلة
الصوت ضعيف ومش نقى
فيه اوبشن فى الكاسيت لما بتشغله بتحس ان السماعات اللى ورا بايظة
ممكن اى حد يجربه وهيتفاجىء بالصوت
جرب تشغل surroundوبعدين حول الصوت على السماعات اللى ورا بس
المهم غيرت سماعتين الابواب اللى ورا
هما دائرى مقاس 16 سم
اللى كانوا راكبين كانوا حاجة اعلى من الزبالة شوية
ركبت اتنين بايونير محصلش اى تغيير فى الصوت
الخلاصة بقى انت لو عاوز تعدل الصوت فالحل انك تركب جى ام
ده طبعا هيظبط الكلام اوى
لان المشكلة هى ان الكاسيت هوا اللى تعبان
فجرب وشوف
لو لسه الصوت مش عاجبك ابقى زود بازوكا
بس نصيحة
ولا تيجى جنب الرف اللى ورا ولا تقطع فيه او فى الصاج
لان لو حبيت ترجع كل حاجة زى ما كانت هتشيل البازوكا وال جى ام وخلاص
انما لو قطعت مهترجع زى ماكانت تانى
شكرا

على فكرة نسيت اقولكم بالنسبة للزينون اللى انا ركبته
مش بيأذى المقابل
لان الفانوس فيه عاكس امام اللمبة
انا حطيت عينى فالفانوس وهوا شغال ماضيقنيش ابدا
بالعكس انا كنت مفكر اول ما شغلته انه فيه عيب او الاضاءة ضعيفة جدا وان واقف قدام العربية
بس لما ركبت العربية ومشيت بيها لقيته حاجة تانيى خالص
وعلى فكرة شكل الفانوس والزينون شغال احلى من الفانوس اللى فيه عدسة

اقتباس:

---

المشاركة الأصلية كتبت بواسطة moryomar

على فكرة نسيت اقولكم بالنسبة للزينون اللى انا ركبته
مش بيأذى المقابل
لان الفانوس فيه عاكس امام اللمبة
انا حطيت عينى فالفانوس وهوا شغال ماضيقنيش ابدا
بالعكس انا كنت مفكر اول ما شغلته انه فيه عيب او الاضاءة ضعيفة جدا وان واقف قدام العربية
بس لما ركبت العربية ومشيت بيها لقيته حاجة تانيى خالص
وعلى فكرة شكل الفانوس والزينون شغال احلى من الفانوس اللى فيه عدسة

---

ياااه اخيرا لقيت واحد مركب زينون في السيدان .... طمنتي ياراجل المهم ممكن اعرف نوع الزينون اسمه ايه ورقمه كام وعاوز اعرف برده بياخد وقت اد ايه عشان يسخن

اقتباس:

---

المشاركة الأصلية كتبت بواسطة prooo

ياااه اخيرا لقيت واحد مركب زينون في السيدان .... طمنتي ياراجل المهم ممكن اعرف نوع الزينون اسمه ايه ورقمه كام وعاوز اعرف برده بياخد وقت اد ايه عشان يسخن

---

بص هوا صينى
بس نضيف اوى
هحاول اجيبلك اسمه العلبة كان لونها اسود
بياخد حوالى 5 ثوانى عقبال ما بيشتغل كويس
بس هوا موجود عند ارابكوم
اتوكل على الله وروح ركبه
ممكن تلاقيه ارخص بره
بس مش هتلاقى نضافة الشغل اللى عندهم

اقتباس:

---

المشاركة الأصلية كتبت بواسطة moryomar

بص هوا صينى
بس نضيف اوى
هحاول اجيبلك اسمه العلبة كان لونها اسود
بياخد حوالى 5 ثوانى عقبال ما بيشتغل كويس
بس هوا موجود عند ارابكوم
اتوكل على الله وروح ركبه
ممكن تلاقيه ارخص بره
بس مش هتلاقى نضافة الشغل اللى عندهم

---

انا روحتلهم فعلا قبل كده والله وكنت هركب نوع كده اسمه كوبرا 5000k بس الصراحة قلقت انه مفيش عدسات وقلت الضوء هيتشتت وبعدين خفت العاكس ده يقلل الضوء .... بس بدال انت عملت كده وعن تجربة لما انزل اجازة ان شاء الله هروح اركب