الموضوع: اعمله ازاي

اعوذ بالله من قولة انا
سلامو عليكم
رمضان كريم يا جماعه
انا جالي شغل بره ويا رتني ما جيت مش هقولكم الراتب ضعيف والكلام دا هقولكم العيشه زباله بمعني الكلمه الي هي حياة المواقع سكنك في الموقع
المهم فوق دا كله ربنا كرمني وعرفت اجهز لنفسي غرفه مستقله كبيره مقسمها اوضه وصاله وحمام ومطبخ
بس ربنا رزفني بواحد من عيلة ولدي عايش في البلد باستمرار وقارفني في حياتي وعشتي كلها
عايز يعمل فيها مدير علي الناس كلها لدرجة ان مفيش حد في الشغل بيحبه وعيزين يضربوه ومفيش غيري انا وهوه المصريين الي هنا وكلام في سركم انا كمان عايزه اضربه بس قريبي
الشخصيه كالتالي
بخيل جدا في الاكل وانا غير كدا خالص يعني لازم اكلي يكون علي مزاجي يعني لو صرفت مرتبي كله علي الاكل مش فارق معايا
بيحب يتحكم في الي معاه ويكون مسيطر وقيادي علي كل الاشخاص والكل ينفذ تعليماته طبعا حاول يعمل كدا معايا ملقاش مني فيده فقالي انت لو مسمعتش الكلام بالزوق هتسمعه بالعافيه كلمت واحد قريبه بحيث اننا اكون عملت الي عليه عشان لما اسمعه الاه محدش يقولي انت غلطان
المهم خاله قالي كل واحد حر قولتله هربطه في السرير حاول يسمعني بالعافيه قمت مفرجه العافيه عامله ازاي بس مش ضرب اعصاب من الاخر عرفته ان انا مش ضعيف ومن بعدها بطل موضوع التحكم
الكبرياء واخده اوي يعني يكلمك من منخيره كدا تحس ان هوه فوق الناس كلها وكان نفسه يكون وكيل نيابه ومخلص حقوق في 7 سنين اي نعم احنا عندنا كوسه في العيله بس مش للدرجه
فكرت كتير اضربه بس قولت هنبقي اتنين مصريين وقرايب شكلها بايخ والمشكله اني معرفش اعامل حد علي انه اقل مني دا حتي مين لمؤخذا ان العامل الي بيجبلي الشاي لو طلبت منه يجبلي ببسي بخليه يجيب لنفسه واحده عمري ما حبيت احسس حد اني اعلي منه
اعمل فيه ايه
بالنسبه للعمل انا الي بعد السعودي في المؤسسه يعني هو كل شغله ماسك اقامات وجوزات واستمارات سيارات يعني شؤن اداريه والحجات دي مش حاجه الواحد ممكن يعملها في كام شيت اكسيل وهو قاعد وخلصنا

المشاركة الأصلية كتبت بواسطة Ahmed_Adham

انت مسافر بقالك أد ايه؟ انت كده دخلت في الدوامه بسرعه. أنا رأيي ان اختيار شريك السكن في الغربه أصعب من اختيار الزوجه ربنا يعينك. أنا كان ليا تجربه مع شريك سكن بخيل كنت باكل معاه اللي بنجيبه من حساب الميس وأكمل من بره على مزاجي أي حاجه أنا نفسي فيها وكنت احيانا بجيب حاجات على حسابي (خصوصا الفواكه) وأخليه ياكل معايا عادي. بالرغم من كده هوه كان شخص محترم وأرحم من ناس تانيه فيها عيوب التعامل معاها أصعب واحنا لسه على اتصال لحد دلوقتي مع اني رجعت مصر من سنه ونص.

تعامل يا باشا وربنا يعدي أيامك على خير...

حضرتك عارف لو هو المعمله كويسه اقولك اكل وشرب علي حسابي مفيش مشاكل انما ده معاملته مش كويسه تخلي الي قدامه يكره
حضرتك عارف الي هو بيقولك انا اشاور بصباعي اعمل كل حاجه مفكر ان الناس شطرنج وهو بيحرك فيهم
ولو اشتريت حاجه نضيفه يأنبك عليه انا طبعتي لو اشتريت حاجه وباظت خلاص مليش نصيب في الفلوس دي
هو لما انا اتكلمت مع خاله قالي هو صعب التعامل دا لبسني في الحيط مع خاله دا اول ما وصلنا هنا
والي فاقع مررتي انه مش بيعمل الغلط ويقولك انا مش غلطان وممكن يعمل حاجه غلط وينصح غيره ميعملهاش وهو يبعملها
يعني في يوم قولتله انا سامع ان الناس هنا عايز تتكلم مع صاحب المؤسسه انك بتعاملهم وحش قالي انا مبخفش من حد وبعدها بنص دقيقه كان بيقولي انا عايزك متتعصبش مع انه متخانق مع اتنين من الي شغلين معانا ولو انا مدخلتش والناس دي بتحبني كان زمانه اكل ضرب

اهو ده حال المصريين فالغربة.

اتعامل ياباشا ودوووووووووس عاللي يقف في طريقك بس متكونش غلطان.

زميلك فالغربة المرة برده.

المشاركة الأصلية كتبت بواسطة minicooper20

يا عم انتا فين
انتا هنا فى جده و لا فين متقولى انتا فين و انا اجيلك عايز ارحب بيك يا عم
و لو عايز سكن هوفرلك ابعتلى تلفونك بس
انا فاكر انك كل ده فى مكه زى مقولتلى

عاااااااااااااااااااااااا ااااااااش يارجالة.

هي ده رجالة الغربة الصح. مش اللي بيلبسو بعض.

تحياتي.

المشاركة الأصلية كتبت بواسطة mr_vampire

اهو ده حال المصريين فالغربة.

اتعامل ياباشا ودوووووووووس عاللي يقف في طريقك بس متكونش غلطان.

زميلك فالغربة المرة برده.

ما هو خلاص لعب في عداد عمره

المشاركة الأصلية كتبت بواسطة ياسر مصطفي

اتبارد عليه . ولو حب يشوف نفسه قدامك ويترسم عليك . اتحول قدامه 160 درجة صدقني والله هيخاف منك ويعملك مليون حساب ولو قريبك ومينفعش انك تدهموله اوي يبقي كفايه الزعيق والشخط . في ناس مبتجيش الا بكدة لو عملتهوم كويس يكرهوك

معرفش اتبارد علي حد ومش بحب الزعيق والشخط هو هيشد قدامي فهضربه وانا مش عايز اضربه بس لو طلبة انا جبتله مضرب امبارح بتاع جولف بس مركه نضيفه وحبل عشان لما يتكلم اربطه في اقرب حاجه جمبي وجبت كمان لزق عريض عشان ميطلعش صوت اكتفه واجيب قريبه يجي يفكه