العربية بتسخن و عداد الحرارة مش بيرفع

**hawary2** · 17-07-2013 08:58 PM

السلام عليكم

انا معايت دايو ﻻنوس موديل 99
العربية عندى بتسخن و عداد الحرارة زى ما هو على الوضع الطبيعى مش بيرفع لما العربية تسخن
انت كنت عايز اعرف المشكلة دى ممكن تكون من ايه و ايه الى ممكن عايز يتغير
ارجو اﻻهتمام

شكرااااااااا

**rotanamasoud** · 17-07-2013 09:45 PM

حاجه من اتنين يا العداد سليم وانت بتشتغل نفسك(طيب ايه اللى عرفك انها بتسخن ازيد من اللازم)
يا العداد بايظ بس ازاى بيرفع لحد درجه الحراره الطبيعيه وبعد كده بيبقى قارى غلط

**حسام السويدي** · 17-07-2013 10:15 PM

انا كنت خايف زيك واتاكدت ان العداد تسليم عندي
والاعضاء هنا طمنوني خصوصا ان ده في الصيف وشئ طبيعي
قدام العداد سليم وبيجي عند العلامه

**hawary2** · 18-07-2013 02:02 PM

المشاركة الأصلية كتبت بواسطة rotanamasoud

حاجه من اتنين يا العداد سليم وانت بتشتغل نفسك(طيب ايه اللى عرفك انها بتسخن ازيد من اللازم)
يا العداد بايظ بس ازاى بيرفع لحد درجه الحراره الطبيعيه وبعد كده بيبقى قارى غلط

عرفت علشان وانا ماشى بالعربية العربية فجاه بطلت منى و نزلت فتحت الكبوت و بصيت على الموتور لقيت خرطوم المياه ضرب و العربية مفيهاش مية و الموتور سخن و كان المفروض عداد الحرارة يرفع لكن مرفعش

**rotanamasoud** · 18-07-2013 10:37 PM

المشاركة الأصلية كتبت بواسطة hawary2

عرفت علشان وانا ماشى بالعربية العربية فجاه بطلت منى و نزلت فتحت الكبوت و بصيت على الموتور لقيت خرطوم المياه ضرب و العربية مفيهاش مية و الموتور سخن و كان المفروض عداد الحرارة يرفع لكن مرفعش

بالنسبه لعربيتى مكان حساس الحراره فوق عند مكان اخد الهوا وده له تفسير عندى معرفش ينفع التفسير عندك ولا لا
مكان الحساس العالى لو حصل نسبه هوا او نقص فى الميه الحساس حيقيس درجه المعدن وليست درجه الماء وهنا حيحصل تهييس واعطاء قرائات خاطئه
عشان انا حافظ نظام عربيتى بعرف اذا كانت اخده هوا ولا لا من عداد الحراره
يعنى ممكن العداد عندك قاس قياس طبيعى بس للمعدن مش لدرجه المياه لانها كانت ناقصه فمظهرش عندك خطء فى العداد

**aldesha989** · 17-07-2013 10:14 PM

متابع

**monamize4** · 17-07-2013 10:44 PM

عرفت منين ان العربية بتسخن اكتر من قراية العداد ؟؟؟؟

**sakr_skoda** · 17-07-2013 11:49 PM

حساس الحرارة اللى راكب على كوعة المية هو المسؤل عن نقل الاشارة الى العداد بدرجة حرارة الميه وتلفة يتوقف عن اعطاء اشارة صحيحة....*

على فكرة دا انا مسمية اللهو الخفى بجد دوخنى وكلفنى كان عداد الحرارة فول لدرجة انى كنت بمشى 5 كيلو واقف لحد ما تبرد وفى النهاية توصلنا الى السبب وكان اللعين حساس الحرارة اشتريتة لفيفورتى ب 55 جنية وركبته بنفسى فى الشارع من قرفى صاحب المحل قال لو ركب مش حيرجع قلت يارجل جات على دى دا انا صرفت حوالى 1500 ومافيش فايدة واول ما ركبت الحساس بسم الله مشاء الله العداد ظبط ....