زيت الماتور بقى لونه اسود مع انه عامل 850 كيلو متر فقط
اما الزيت اللى انا حاطه هو زيت شل تقيل الاحمر 3000 كيلو
عرض للطباعة
زيت الماتور بقى لونه اسود مع انه عامل 850 كيلو متر فقط
اما الزيت اللى انا حاطه هو زيت شل تقيل الاحمر 3000 كيلو
مع العلم ان الكربارتير كان وسخ جدا وكان محتاج تنظيف وبالفعل روحت امبارح نظفته لانه كان بيهرب بنزين زيادة فمش عارف ممكن يكون ده هو السبب والا لأ
كان عندى نفس المشكلة الكربراتير كان متوسخ والبوجيهات كانت بتودع والبنزين كان مش بيحترق بالكامل داخل الموتور وكان بيطلع دخان لونه اسود من الشكمان وريحته وحشه وطبعاً بيعمل رواسب على جدران المحرك.
وبما أن زيت شيل زيت محترم ونضيف فالزيت بيشيل الرواسب دى كلها وبيسود ولو عمل غير كده يبقى زيت اى كلام وملهوش لازمة .
لازم تغير الزيت طالما اسود وأنسى خالص انت حاطه على كام كيلو لآن كان عندك مشكلة فى دورة الإحتراق . أنا كنت حاطط شيل اصفر 5000 وغيرته بعد 400 كيلو وفوراً بعد ما اكتشفت المشكلة وعالجتها
ملوش اى لزمه يغير الزيت عشان لونه اتغير الطبيعى ان لون الزيت يتغير مع الوقت ممكن هنا اتغير بسرعه عشان كانت العربيه مش مظبوطه بس ده ميعبش الزيت فى حاجه
شكرا على الردود السريعة يا جماعة
ومش عارف بصراحة اغير الزيت والا لأ
فيه ناس بتقول مش مهم لون الزيت فعلا اهم حاجة درجة اللزوجة بتاعته وده من رأى الميكانيكى برده
وفيه ناس بتقولى لازم تغيير الزيت عشان العربية تظبط معاك وده من رأى بتاع الكربراتير
طب بتاع الكربراتير شال خرطوم متوصل بالكربراتير وقالى خالى الفايز بتاعه يرمى بره عمة الكربراتير وقالى يا ريت اجيب خرطوم اطول عشان يرمى برة العربية خالص
الكلام ده صح والا غلط
كده غالبا عندك المكنه خفيفه وبتطلع بخارة زيت علي الكاربرتري وعشان مايتسدش بيشلو وبيرمي اخره من تحت
نصيحة في تغيرة الزيت القادمة تغير لموبيل دلفاك ام اكس 3 ب 105 جركن 5 لتر مع كانزو ابرو ب 15 ولما تغير البوجيهات هاتها سن قصير ده لو فعلا اتأكد ان المكنه خفيفه شوية
طبيعي جدا ان لون الزيت يتغير بس مش لدرجة ان بعد 400 كيلو يبقي اسود يعني هو بيغمئ شوية شوية لحد مايبقي اسود وبردو عادي طالما الزوجة بتاعته كويسه
انت عاوز ايه من الزيت غير انه يحافظ علي اجزاء المتور والزوجة طالما كويسه يبقي كده بيحافظ علي المتور
ياراجل ده انا اعرف ناس بتسيب الزيت وتمشي بيه ب 20 الف كيلو طبعا انا مابقولش ان ده صح بس سيبها بركاوي وربك يسترها
....طبعا الباشا الدكتور اكتشف الخطأ الشنيع اللى عمله الخواجه اللى صنع العربية وهوه توصيل فايظ زيت المكنة بعمة الكاربرتير فأفتى بأنه يتلغى !! ياسيد محمود الفايظ الواصل للعمة مهم جدا فى تكويت طبقة من بخار الزيت على فلتر الهوا والعمة من جوا عشان تمسك فى اى اتربة او شوائب من انها تخش الكاربرتير