قراءه العداد - لانسر بومه

**Egy_fan** · 18-07-2013 11:48 AM

السلام عليكم. عربيتى لانسر بومه 2007 شاريها من فتره و حاسس ان قراءه العداد ملعوب فيها. هل فى طريقه حد يقلى هى القراءه دى مظبوطه و لا لأ؟؟؟

شكرا

**ahmedteam** · 18-07-2013 12:31 PM

ممكن تروح التوكيل و تشوف بيانات العربيه لو متسجل ليها تاريخ اخر صيانه و تقارنها بقراءه العداد عندك

بس نصيحه بلاش تدور ف الموضوع ده علشان نفسك ما تقفلش من العربيه المهم تكون حالتها كويسه و ربنا يباركلك فيها

**Egy_fan** · 18-07-2013 12:58 PM

يا باشا ما هى دى المشكله. انا عربيتى عامله حوالى 90 بس بغير فيها حاجات متغيرتش فى عربيات عامله فوق 100

هل ده طبيعى لو الاستهلاك مختلف ؟؟؟

**MITSUKERO** · 18-07-2013 01:32 PM

حسب استخدام الشخص اللي قبلك و اهتمامة و صيانته

ده غير ان الانسر البومة في صيانه ال 80 الف بتغير حاجات ب بتاع 5 الاف جنية ( قواعد موتور و اتياش عفشة و جلب مصقات و طقم سيور و كاتينة و بلية شداد و اويل سيلات و زيت فتيس و فلتر بنزين)

والله اعلي و اعلم

**Egy_fan** · 18-07-2013 02:53 PM

ما شاء الله يا باشا. انا فعلا غيرت كل الحاجات دى بس مش عند 80. لأ متقطعين و كمان فوقهم اتنين طرمبه بنزين و اتوماتيك مارش

**salah_86** · 19-07-2013 11:44 AM

عااااادى انا عربيتى اللى انا محسوك فيها وشاريها من الزيرو غيرتلها 4 مساعدين فى بناء على تقرير من توكيل المصرية وكانت عاملة 74 الف كيلو
اقول انا ايه وطلع بعد كدا المساعدين الاصلى سليمة ومفيهاش حاجة