طلب نصيحة من الخبراء لعمل طقم شنبر لنوبيرا 2003

**nader_nader** · 18-07-2013 04:58 PM

السلام عليكم
انا اشتريت عربية نوبير 2003 من حوالي سنه وحالتها كويسة جدا وكانت كل صيانتها في التوكيل ومع ذلك لقيت فيها مشاكل بردو وعاوز استشارة ضرورية من الخبراء في المنتدى

أول مشكلة قابلتها
هي نقص المياه وتقريبا غيرت كل حاجة ليها علاقة بنظام الماية زي ترمبة الماية والريادتير واكدت على الخراطيم وكل حاجة تقريبا ومبقتش تنقص زي الأول بس بردو الماية لسه بتنقص بمعدل ربع لتر يوميا او كل يومين

تاني مشكلة قابلتها
هي نقص الزيت بمعدل نص كيلو مثلا كل 2000 كيلو

مع العلم
أن استهلاك البنزين حوالي 10 لتر لكل 100 كيلو مع التكييف وفي المدينة
أن صوت الماتور ناعم ولا يوجد اي تخبيط او ترزيع وتسارعها ممتاز
العداد عامل 230 الف كيلو

لما رحت للميكانيكي قاللي هنعمل طقم شنبر بحوالي 1000 جنية وهتحل مشكلة الزيت والماية

والسؤال
هل طقم الشنبر هيحل المشكلة نهائيا ولا بشكل مؤقت وازاي اعرف حاجة زي دي؟

ويا ريت تدلوني على ميكانيكي متخصص ومجرب في موضوع العمرة وطقم الشنبر للنوبيرا ويا ريت يكون قريب من جسر السويس او مصر الجديدة او مدينة نصر

شكرا وجزاكم الله خير ورمضان كريم

**broadband** · 18-07-2013 10:30 PM

انا عندى نفس المشكلة و مستنيي لما الموتور يجيب اخره و ابقى اغيير شورت بلوك او موتور كامل
و بعض الاراء بقول ان الكورى لا يعمر

و انا مع تغيير الموتور و ليس تعمييره

و انا اعرف ميكانيكى ممتاز بمدينة النهضة
راسلنى لو حابب تروحله

**Ahmed Nasser** · 19-07-2013 01:17 AM

طقم الشنبر هيرجع الموتور زيرو بس محتاج مكانيكى فاهم
بس لو الشمايز والكرنك والبساتم سلية

بس موضوع المية دة اكبس دورة التبريد عشان تعرف فية تسريب ولا لأ

**blazer** · 19-07-2013 08:26 AM

انا برده نفس القصه

**amr anwar** · 19-07-2013 03:08 PM

واضح ان المنتدى كله هيعمل شنبر انا برده محتاج شنبر بس انا عندىلا مشكله مجننانى (البنزين )العربيه بتعمل 150 كم فى ال20 لتر يريت حديقولى الشنبر يعالج الموضوع ده غير ان العربيه بترزع (الماتور يعنى )بعد 120 كم

**Ahmed Nasser** · 19-07-2013 03:45 PM

المشاركة الأصلية كتبت بواسطة amr anwar

واضح ان المنتدى كله هيعمل شنبر انا برده محتاج شنبر بس انا عندىلا مشكله مجننانى (البنزين )العربيه بتعمل 150 كم فى ال20 لتر يريت حديقولى الشنبر يعالج الموضوع ده غير ان العربيه بترزع (الماتور يعنى )بعد 120 كم

استهلاك البنزين شوف ممكن يكون رشاشات او حساس شكمان
الموتور بيرزع ازاى بعد 120 ؟؟؟؟

**nader_nader** · 20-07-2013 12:46 PM

طيب بما إن ناس كتير هتعمل شنبر
عاوزين حد يدلنا على ميكانيكي متخصص في عمل الشنبر وسعره معقول

**حسام السويدي** · 20-07-2013 10:12 PM

انا قبل مغير الماتور كذا ميكانيكي قلي بلاش عمره مش مضمونه
وكذا واحد قالي ماتور مضمنوش

المهم اتكلت علي الله واتفقت مع الميكانيكي يبص عليه ويفتحه وهوا بيحل وطلع معمر قبل كده فقلي نجيب واحد احسن
والحمد الله غيرته

وانا كنت لسه مشتري العربيه وعملت طاقم سيرفيس والماتور منه لله الي باع العربيه كان حاطط زيت تقيل عشان ميبنش انه بيرزع

**tarek_2005** · 21-07-2013 11:41 AM

الميه غالباً عيب جوان وش سلندر وملهاش دعوة بموضوع الشنبر
نقص الزيت لابد وان يستتبعه دخنة من الشكمان او بخرة علي خرطوم العمة علشان اقول انها عايزة شنبر ولابد من معرفة ايه الاسباب الي بني الميكانيكي فكره عليها ان الموتور محتاج طقم شنبر