معروض عليا اوكتافيا 2009 مانوال بسعر 70 الف!!!!

**draboeyad** · 19-07-2013 01:30 AM

[OVERLINE]

السلام عليكم ورحمه الله وبركاته
كل عام وانت بخير
انا نويت اشترى عربيه عائليه ودى اول عربيه ليا المهم وصيت ميكانيكى قريبى من بعيد فقالى فيه اوكتافيا 2009 حالتها حلوه جدا ومش راشه خالص وعدادها معداش 100 الف مع عضو مجلس شعب وعامله 70 الف ......
كلمت واحد صاحبى معاه اوكتافيا استغرب جدا من السعر وقالى العربيه دى اكيد فيها حاجه

انا بصراحه معرفش هيا A4 ولا A5 بس بيتهيالى انها هتكون اكيد A4 لان ال A5 شوفت المستعمل بتاعها على كونتاكت كارز لقيتها بتيتدى من 100 الف وانت طالع !!!!!!
تنصحونى بايه لانى مقلق اوى ؟؟؟؟
على فكره انا من المنصوره

[/OVERLINE]

**forti** · 19-07-2013 02:05 AM

تقلق لان 2009 و عداد قليل تستدعى انه يطلب فيها اكتر من كده 80 الف مثلا و فى الى بيطلب اكتر من كده بكتير كمان

**YahiaAshraf** · 19-07-2013 02:53 AM

السعر مريب جدا

وحتى لو a4 برده لا السعر رخيص عليها مش ده سعرها فى السوق فعلا اكيد فيها حاجه

**Mamoud salah H** · 19-07-2013 03:58 AM

عليييييك وعلي كشف التوكيييل ومش اي المركز التوكيل فقط لا غير ارتوك اوتو
وقبل الشرااااا تعمل اسعلام امني وتاخد نسخ من ورق العربية اة تعرف بيانتها وعلي المرور تجيب قرارها هنااك وياسلام لو ليك واسطة حلوة في المرور هيجبلك كل حاجة عنها وتعمل عنها استعلام امني ولو كل حاجة طلعت تمام كشف وورق يبقي خلص فيها فورا بالسعر دة والموديل والعداد دة

**Mostafa.Mahran** · 19-07-2013 04:03 AM

الموديل ده لو حالته كويسة و كيلو متر قليل بيبقى فى حدود 90

اكشف عليها كويس جدا و على ورقها فى المرور و حاول تفحصها عند التوكيل

**draboeyad** · 19-07-2013 09:57 AM

انا شاكر لحضراتكم جدا
صاحبى قاللى ممكن تكون معاقين؟؟؟؟؟ ايه رايكم هل ده ممكن يفسر نزول السعر بالشكل ده
واتمنى لو حد يعرف اقرب مركز خدمه معتمد للسكودا بجوار المنصوره علشان اكشف على العربيه فيه ان شاء الله

**Land_Cruiser** · 19-07-2013 10:42 AM

المشاركة الأصلية كتبت بواسطة draboeyad

انا شاكر لحضراتكم جدا
صاحبى قاللى ممكن تكون معاقين؟؟؟؟؟ ايه رايكم هل ده ممكن يفسر نزول السعر بالشكل ده
واتمنى لو حد يعرف اقرب مركز خدمه معتمد للسكودا بجوار المنصوره علشان اكشف على العربيه فيه ان شاء الله

سعر مريب ... اللي بيبيع سياره معاقين بيقول علي الموضوع ده من البدايه يا فندم . لازم تتأكد من حالتها كويس قوي و كمان وورقها و حاول توصل لصاحبها و تسأله لان احتمال كبير يكون بيبيعها بالسعر دهرو هو قاصد لان فيها مشكله و بناء عليه قدرها بالثمن ده و احتمال تطلع موديلها اقدم من كده و اللي قالك عليها اتلغبط

**elmo7areb** · 19-07-2013 02:28 PM

هو مش توكيل هو مركز خدمة هو على الطريق ما بين طلخا والمحله شفت هناك مركز كبير وعلية علامة اسكودا

السعر غريب جدا

ليا معرفه شاري عربية معاقين من بورسعيد موديل 2005 ب 70 الف

سعرك جميل جدا لو العربية سليمه من جميع النواحي