حجزت أكسنت rb 2013 و شوية استفسارات مهمة...

اولاً رمضان كريم و كل عام وأنتم بخير.....
انا الحمد لله حجزت اكسنت 2013 RB الوكيل اللي فيها ABS+Air Bag و الصراحة لحد الأن مش عارف بالظبط ايه مواصفتها لان كل مرة اسأل اسمع كلام مختلف....
انا على حسب ما عرفت ان الفتيس 6 سرعات هل دا صحيح ولا اربع نقلات؟ المواصفات على النت شوية 4 و شوية 6 ومش عارف يالظبط.... ثانياً هل العربية فبها اموبلايزر ولا لا؟ انا شفت لمبة حمراء بتعمل فلاش في الكاسيت هل دا له علاقه ولا مجرد اشتغاله؟؟ ثالثاً وده الاهم انا على حسب ما شفت الموتور كان سير الكاتينة جنزير بس لما دخلت و بحثت لقيت حاجات غريبة لقيت في حد بيتكلم عن طقم كتينة و بلي !!!
يا ريت حد يفيدني لان المندوب اللي في المعرض من الواضح انه مش عارف مواصفات السيارة الحقيقية و هيتوهني معاه.....
اخوكم كان معاه BYD و قبليها بولونيز و حاسس اني تايه يا ريت حد من الوحوش يفيدني بدل التوهان اللي انا فيه دا....
و شكراً .... رمضان كريم

الاكسنت فتيس 6 سرعات ومحرك قوي 124 حصان ومفيهاش ايموبلايزر دة الي اعرفة عن الاكسنت ار بي بس كرأي لية مفكرتش بالسعر بتاعها تجيب عربية تانية زي كيا ريو فيها مواصفات امان اكتر بمراحل و اوبشن اعلي او حاجة ياباني زي لانسر بومة

اقتباس:

---

المشاركة الأصلية كتبت بواسطة M I D O

الاكسنت فتيس 6 سرعات ومحرك قوي 124 حصان ومفيهاش ايموبلايزر دة الي اعرفة عن الاكسنت ار بي بس كرأي لية مفكرتش بالسعر بتاعها تجيب عربية تانية زي كيا ريو فيها مواصفات امان اكتر بمراحل و اوبشن اعلي او حاجة ياباني زي لانسر بومة

---

-لا خاب من استشار

-أنا معايا ال RB و بقوللك أنها 4 سرعات بس:10D5C8w1107:

اخر كلام يا جماعة 4 ولا سته للموديل 2013؟؟ امال 6 دي بناء على ايه؟؟ و يا ريت حد يقول اللمبة اللي في الكاسيت الي بتعمل فلاش احمر دي ايه هي تحت الجانب الايمن من شاشة الكاسيت....
يا ريت يا استاذ toty_305 تقولي موضوع سير الكاتينة ده جنزير ولا كاوتش....
شكراً

الاكسنت فتيس 4 سرعات زى فتيس الكيا ريو .... و العربيه مفيهاش ايموبلايزر ... وسير الكاتينه جنزير
واى استفسار تانى تحت امرك ... بس ليه مفكرتش فى حاجة تانيه تكون فيها وسائل امان اكتر ..

الصرحة ركبت الريو مع احد الاصدقاء كانت عفشتها ناشفة و كمان انا حسيت الاكسنت اوسع و خفت من البيجو 301 بسبب قطع الغيار و سعر اعادة البيع في مصرنا الحبيبه.. بصراحة على حسب ما سمعت ان الهيونداي قطع غياره متوافرة خارج التوكيل بكثرة

يعني كدا المندوب اللي كان بيبيع لي العربية مش فاهم حاجه و انا اتخدعت ولا هل في فعليا فتيس 6 سرعات؟ انا بصراهت مش فاهم ايه الدوخة دي

طيب سؤال غبي هو ايه اللمبه اللي في الكاسيت دي؟ و ايه وظيفتها؟
انا عارف اني متقل عليكم جيعاً جزاكم الله كل خير

وانا بدور على النت لقيت في منها 6 سرعات اتوماتيك؟ طيب الفرق في ايه تحديداً؟ وتتعرف ازاي انها 4 ولا 6؟

الفتيس 4 سرعات و مفيش اموبيلايزر ، عموماً هى عربية حلوة و صيانتها سهلة ، بس يعيبها قلة عوامل الأمان و عدم وجود اموبيلايزر ، عموماً الكيا ريو أحسن فى رأيي لو عايز كورى ، و الافضل بيجو 301 لو عايز أوروبى و على فكرة قطع غيارها فى التوكيل أرخص من الأر بى لو من التوكيل برضه ، و شوف الأسعار بتاعة قطع الغيار فى التوكيلين و قارن و انت تعرف.....

انا بصراحة مش فاهم يا جدعان انتو بتقولو اي كلام ............يعني الراجل حجزها و فيها airbag و abs تقلولوا لا شوف حاجة تانيا فيها وسائل امان كانها حاجة محفوظة ..........الفتيس 4 سرعات و اللمبة دي مش عندي فمش عارف هيا ايه ...................مبروك يا فندم ربنا يباركلك فيها ان شاء الله

هو ايه ميزه ان سير الكاتينه جنزير يا جماعه ؟

يا باشا الف شكر و شكراً لمرورك الكريم....
معلش انا هصدعكم هو أنا متأكد 100% ان في فتيس 6 سرعات و ان في 4 سرعات و المعلومة من على سايت هيونداي بس الامريكي(موتور gdi) المشكله في المندوب اللي بيبيعلي العربية بيقولي 6 و بيأكد أن فيها أموبلايزر وأنا مش فاهم طيب هل دي حاجه غير الي في السوق ولا في تعديل في موصفات السيارة بالدفعة اللي هستلم فيها؟
طيب أنا لو دورت العربية في المعرض هتبان كام غيار؟ وهل في طريقة لمعرفة مواصفات العربية ؟؟؟
كفالكم الله شر الفتايين و مندوبي المبيعات الهجاصين

من واقع تجربة تلات عربيات سير الكاتينة الجنزير بيعيش و تقريباً مش بيتغير. في بعض السيارات سير الكاتينة كاوتش و له بلي و المجموعة بيتغير كل 40,000 و بيصل سعرة بالمجموعة ل 700 جنيهاً....
و بالتالي اعتماديه اعلى و راحة بال

الفتيس ال 6 سرعات مابينزلش غير مع الموتور ال GDi , موجوده فى كوريا وأمريكا/كندا فقط

لكن فى مصر او اى دوله تانيه 4 سرعات

بالنسبه للايموبليزر هاتلاقى لمبه لونها اصفر فى التابلوه عباره عن عربيه جواها مفتاح لو موجوده يبقى فيها

شكراً جزيلاً يا استاذ Hosam_Optrawy بجد انا مش عارف اشكرك ازاي انا هجرب موضوع المفتاح بكره ان شاء الله....
طيب معلش في طريقه اعرف انها 4 ولا 6 عشان انا المندوب مفهمني انها 6 ... عشان لو اربعه يبقي اتضحك عليا و ألحق فلوس الحجز قبل ما تروح

يا ريت لو في طريقه للمعرفه الفتيس 6 ولا اربعه فبل ما استلم

مش عارف هتنفع ولا لا بس اقلبها ستيبترونك و انقل و شوف في العداد هيوصل لكام ................................ بس هيا في مصر 4 نقلات

ياباشا تليفون صغير لغبور وانت تعرف انا معايا العربيه الفتيس اربع سرعات ولما دخلت علي كونتكت كار لقيته 6 سرعات موديل 2013 علشان تتاكد صح كلم خدمه العملاء 16661 وكويس ان الفءه دي فيها وسائل الامان انا كنت شاري اول فئه مكنش فيها وشكرا

شاكرين مهللين اتصلت النهاردة بغبور و قالوا لي ان الاتوماتيك 4 سرعات و لا يوجد اموبلايزر بها...
الواضح ان المندوب بتاع المبيعات كان بيفتي بس الحمد لله على كل حال .......
رمضان كريم

فتيس الار بى 4 سرعات
مفيش ايموبيليزر
لو المعرض مفهمك غير كدا الغى الحجز
وهات الريو :) لانها بايموبيليزر
عربية من غير ايموبيليزر فى الزمن دا حرام بجد

والله انا بفكر جدياً في الريو بس عن تجربه ركبت فيها العفشه ناشفه من ورا وكنت قاعد على الكنبة الخلفية في مشوار سفر و الصالون اصغر بنسبه بسيطة من الأكسنت.....
والله ما عارف اعمل ايه

مع الريو ممكن تبصلك بصة على بيجو 301 أو سيتروين سى ايليزيه ، لو فى دماغك موضوع اعادة البيع أوى يبقى فكك من السيتروين و خليك فى البيجو ، هما كده كده نفس العربية بس هى دى ثقافة السوق للأسف ، و اللانسر بومة فى نفس الفئة معاهم طبعاً هى شكل قديم بس اعتمادية جداً و اعادة بيع ممتاز لو الموضوع ده حيوى بالنسبة لك ، انزل معرض فيه ال 4 عربيات و اركبهم و شوف الأوبشنز و صلى استخارة و خد قرارك....

شكراً جزيلاً يا استاذ hamaka و ان شاء الله هنزل بعد الفطار عند المصريه اشوف العربيات الثلاثه....
جزاكم الله كل خير

العربية برة موتور GDi و 6 سرعات
هنا لأ 4 بس، و تتأكد لما تنقل الفتيس ستبترونيك
انا معايا الفئة اللى فيها ABS + Air Bag زيك و لقيت فيها علامة الايموبلايزر، شوف الموضوع ده كمان هتلاقى انى روحت عند محل مفاتيح كبير و اكدلى ان المفتاح فيه شفرة و العربية فيها ايموبلايزر
قولنا العلامة اللى فى الموضوع فى العربية اللى فى المعرض ولا لأ
http://www.nilemotors.net/Nile/35180...mobilizer.html

غير كده، اختيار موفق لأنك جمعت مميزات الRB و كان ناقصها الأمان ف جبت الفئة اللى فيها ABS + Air Bag انا عملت كده برضه، توكل على الله و استمتع بيها

انا لسه جاي من المعرض حالاً و اكتشفت الاتي:
العربية فيها اموبلايزر و بيظهر صورة لعربية لون اصفر وداخلها مفتاح لما تيجي تدور لما حاولت اجيب الاستيبترونك و هي واقفه ماجبتش اكتر من 2 وللاسف معرفتش ادور لان مكانش فيها بنزين و العربية قدام فيها تيل و ورا فرامل قباقيب........
الاستاذ matantawy شكراً لمرورك الكريم و ربنا يكرم و استلم اخر الاسبوع....

بلتوفيق انشاء الله بس نصيحه ليك خلي بالك اوي من ابعاد العربيه في الركن الخلفي وحاول الاول تسقها في اوقات ميكنش فيها عربيات كتيره لحد متتعود علي ابعادها وشكرا

خلاص مدام فيها ايموبيليزر اتكل على الله

بص ياباشا هيه ده الصورة اللي بتظهر في التابلوة ولو بتظهر عندك يبقى عندك ايمبولايزر وانا معايا اكسنت والحمد لله موجود عندي ايمبولايزر برضه وده الصورة

http://lh4.ggpht.com/_JEq00hGAiwU/S6...mmobilizer.jpg

فعلاً الصورة دي موجوده بالتابلوه من الناحية اليمني...
شكراً

اقتباس:

---

المشاركة الأصلية كتبت بواسطة x_gomgom

انا لسه جاي من المعرض حالاً و اكتشفت الاتي:
العربية فيها اموبلايزر و بيظهر صورة لعربية لون اصفر وداخلها مفتاح لما تيجي تدور لما حاولت اجيب الاستيبترونك و هي واقفه ماجبتش اكتر من 2 وللاسف معرفتش ادور لان مكانش فيها بنزين و العربية قدام فيها تيل و ورا فرامل قباقيب........
الاستاذ matantawy شكراً لمرورك الكريم و ربنا يكرم و استلم اخر الاسبوع....

---

الحمدلله و ربنا يباركلك فيها مقدما ان شاء الله :wink::tumb:

اقتباس:

---

المشاركة الأصلية كتبت بواسطة x_gomgom

يعني كدا المندوب اللي كان بيبيع لي العربية مش فاهم حاجه و انا اتخدعت ولا هل في فعليا فتيس 6 سرعات؟ انا بصراهت مش فاهم ايه الدوخة دي

---

6 سرعات مانول 4 اوتوماتيك

اقتباس:

---

المشاركة الأصلية كتبت بواسطة amagroup

6 سرعات مانول 4 اوتوماتيك

---

5 مانيوال و 4 أوتوماتيك

الريو هى اللى 6 مانيوال و 4 أوتوماتيك

بجد فيها ايموبللايزر ياااااه انت فرحتني :d
سؤال خارج الموضوع المفتاح بتاعها طي ولا عادي ؟؟

اقتباس:

---

المشاركة الأصلية كتبت بواسطة mshmshm3

بجد فيها ايموبللايزر ياااااه انت فرحتني :d
سؤال خارج الموضوع المفتاح بتاعها طي ولا عادي ؟؟

---

مش كل الفئات فيها، اتأكد من العلامة اللى بتظهر فى التابلوه اما تدخل المفتاح
مفتاحها عادى مش طى

الحمد لله انا استلمت العربيه من حوالي 4 ايام بس الظروف لم تسمح عشان اكتب هنا ....
العربية جميلة جداً وواسعة بس اللي نكد عليا اول ما في حد بيقعد ورا مع أول مطب او مطب هوا العربيه بتحك و أنا حاجز صيانة أن شاء الله يوم الجمعة و ربنا يسهل..
غير كده الحمد لله العربيه جميله جداً و استهلاكها للبنزين جميل بس أنا لاحظت ان الكومبرسور بتاع التكييف بيفضل شغال على طول مش بيفصل فهل دا عادي؟..
شكراً

اقتباس:

---

المشاركة الأصلية كتبت بواسطة x_gomgom

بس أنا لاحظت ان الكومبرسور بتاع التكييف بيفضل شغال على طول مش بيفصل فهل دا عادي؟..
شكراً

---

لأ مش عادى طبعا يفضل شغال على طول بس لو متأكد يبقلى بلغ فى الصيانة و هما هيتصرفوا ان شاء الله

اولا الف مبروك
ثانيا انا صعبان عليا المبلغ
دة فغبووووووور
حضرتك مشوفتش البيجو الجديدة
او حتى الريو فالكيا
واللله انا عن تجربة اى حاجة من غبور تغور بجد
وربنا يوفقك يارب ويسعدك باختيارك

الكيا عربية جميلة بس مشكلتها العافشه ناشفة جداً و ده عن تجربه سفر مع صديق حوالي 4 مرات....
البيجو ب 124 و الاستلام بعد 40 يوم لو عايز فوري 130 دا غير عدم الانتشار و العربية لسه ما مشيتش....
الحمد لله على كل حال و ربنا يوفق كل واحد للصالح