رأيكوا في هندسه خاصة

**khaled_bibo** · 19-07-2013 11:06 AM

بما ان التنسيق هيودينا في داهية و هيدخلني حاجة انا مش مقتنع بيها ففكرت بصراحه في هندسه خاصه اولا لأني بحب مجال هندسة الالكترونيات بالذات و انا من النوع اللي لو حب حاجة بتفوق فيها انا جايب 91% و الجامعه الخاصه اللي اقتنعت بيها هي جامعة مصر للعلوم و التكنولوجيا دلوقتي ايه رأيكوا اتكل على الله و اقدم و لا فيه جامعه خاصه احسن علما باني عاوز كليه مش معهد و تكون فيها دراسه من نار

**Dr_Mido** · 19-07-2013 11:13 AM

خش جامعه مصر هينفخوك هناك ولو حابب خش،ترم صيفي كمان تبقي سنتك 3 ترمات

**khaled_bibo** · 19-07-2013 11:16 AM

طب زي الفل بدام نفخ في حاجة بحبها يبقى تمام

**ahmed_h_g** · 19-07-2013 11:26 AM

أنصحك الأول تسأل على أعتماد المعهد العالى اللى هتدخله من نقابة المهندسين ولا لأ
ثانيا" عايز تفكر فى معهد خاص أنصحك بمعهد العاشر من رمضان ثم أكاديمية الشروق
(نصيحه من أخوك مهندس الكترونيات وأتصالات )

**ahmad--ezzat** · 19-07-2013 12:10 PM

الشروق افضل شيء حاليا ونفس نظام عين شمس

**Lifz_Good** · 19-07-2013 12:45 PM

متابع

**eng.m7md.ali** · 19-07-2013 02:40 PM

نصيحة من اخوك مهندس الميكانيكا بلاش معهد العاشر ده اكتر حاجة نفخ وهتندم لو دخلته

**Angel_wolf** · 19-07-2013 03:32 PM

بس علشان نبقى فاهمين حاجة العبرة مش بالنفخ حضرتك ولا التكدير انا ممكن اشرحلك نظرية معينة او تكنولوحيا و اخليك استاذ فيها وانت قاعد مبسوط وفاهم و فى وقت قليل وممكن احسسك انى بقلك السر العسكرى الصعب المبهم الى لازم حضرتك يطلع عينك وعين اهلك فيه علشان تفهمة مفيش حكمة من كدة على فكرة العلم لا يكيل بالبتنجان حضرتك الموضوع مش موضوع خنقة انا خريج الاكادمية البحرية اتصالات والكترونيات وليا اصحابى عين شمس والحمد لله انا عارف انا فاهم ايه وعارف وهما ايه احنا للاسف بنقيم الجامعة بكم التعقيد مش اكتر ودة مش صح

وعلى الفكرة المهندس الشاطر المتطور self study اوعى تفتكر انه بالجامعة ايا تكون حضرتك المناهج الى فى كل جامعات مصر تقريبا واحدة بل يا سيدى انا القسم عندى واخدة المعادلة الامركية ودى مش واخدها غير الاكادمية البحرية والجامعة الامريكة بس تقريبا

وبردوا المناهج عاوزة تطوير على مستوى مصر كلها ودعة بيعتمد عليك انت عاوز تموت نفسك فى العلم اقرا واتعلم ونزل محاضرات بتاعت جامعات برة وخلى الجامعة بالنسبة ليك تاسيس مش اكتر لان الكل واحد والله العظيم الموضوع معتمد عليك انت مش على الجامعة

لو عاوز حاجات كويسة عندك : الاكادمية البحرية - مصر الدولية - معهد العاشر بتاع العاشر سيبك من بتاع 6 اكتوبر - الشروق دى على حسبك مجموعك لانها بالتنسيق ومحترمة فعلا - فى الجامعة اليابانية لسها جديدة بس حاجة بقى شد السيفون على كل الباقى بس انا قريت عنها لكن معرفش حد فيها

وربنا يوفقك ويكرمك ان شاء الله

**mostafa mahmod** · 19-07-2013 03:32 PM

لو عايز شغل من نار .............. العاشر وش بس اقولك هتتنفخ :)))
لو عايز تعليم كويس الشروق ....... بس اللى اعرفه هناك مدنى كويس معرفش الكترونيات
.
اخوك مهندس مدنى :)

الموضوع: رأيكوا في هندسه خاصة

LinkBack

أدوات الموضوع

عرض

-

-

-

-

-

-

المواضيع المتشابهه

يعني ايه هندسه

اريد كورسات هندسه

ادعولي ادخل هندسه

عايز أقدم علي ماجستير هندسه؟

مساعده فى الميكانيكا ( هندسه )

الكلمات الدلالية لهذا الموضوع

المفضلات

المفضلات

ضوابط المشاركة