السلام عليكم ورحمة الله وبركاته
اصدقاء المنتدي الكرام ازيكوا وكل عام وانتم بخير .
انا ان شاء الله ناوي اشتري سيارة جديدة ( باركو لي :10D5C8w1107: ) بس بقالي 3 اسابيع عمال ادور واقارن و الف علي معارض و بصراحة تعبت فعلا .
انا معايا مبلغ 80000 جنيه وعايز اجيب عربية كويسه شبابي واهم حاجة تستحمل تقعد معايا سنين لاني بصراحة مش من هواة التغيير إلا لو العربية فيها حاجة , انما لو حلوه يبقي ممكن تقعد معايا لحد ما اجيب اخرها .
المهم الناس طبعا بتحاول تساعدني ف وصلت وبعد طول لف ودوران للعربيات دي ( المناسبة للفلوس اللي معايا ) :
1- جيلي ايميجراند
2- بريليانس frv
3- شيفرولية لانوس
ورجع الناس تقولي حرام عليك تدفع 80000 في لانوس ( هي كويسة وكل حاجة بس المبلغ كتير عليها ) وانا ماعرفش الماركتين التانين كويسين من حيث قطع الغيار والصيانة والاعتماد علي السيارة ولا لأ ؟؟
الله يخليكوا انا عايز النصيحة . هل اجيب بريليانس frv وهي عاجباني شكلها بصراحة... ولا جيلي ايميجراند