الموضوع: ماتريكس وشوية استفسارات ...برجاء المساعدة من الخبراء ومن الجميع ضروري

ايه يا جماعة هو الموضوع صعب للدرجة دي ....محتاج مساعداتكم ضروري

طيب حتى يا جماعة حد يقولي مراكز الخدمة الكويسة انا سمعت عن سبييد كاسم بس فين وظروفه وكده ياريت تساعدوني وشكرا

المشاركة الأصلية كتبت بواسطة m.abdeen

السلام عليكم ورحمة الله وبركاته
بعد اقتناء كيا بيكانتو وبدون مقدمات قلنا نغير والعين اتحطيت على الماتريكس اللي كنت واخد عنها زمان مفهوم خاطىء المهم ربنا وفقنا بماتريكس 2010 اوتو من السوق والحمد لله كانت محتاجة لشوية حاجات بسيطة تيل امامي وخلفي وبوجيهات وزوايا وترصيص وزيت وشوية فلاتر المهم اللي جاب معاي العربية دلني على واحد في شارع دمشق وجبت من عنده الحاجة بس طبعا مش الاصلي بس الكوري والحمد لله الدنيا تمام بس كنت عايز من حضاراتكم شوية استفسارات وملحوظات ومعليش انا جيد في عالم هيوانداي
1- في صوت طقة او خبطة بسيطة بس مش محسوسة قوي في الفتيس لما اجي انقل لل r سواء النقل مع الضغط على الفرامل او عدم الضغط والصوت مايل للناحية الشمال شيكت على قواعد الموتور الميكانيكي قال كويسة خلت بقى في سكة الفتي اللي يقول ترس في الفتيس واللي يقوللي ده الفتيس عايز عمرة واللي يقول ده صوت من الكوبلن الداخلي مش عارف حاسس اني متضايق ومش عارف اوصل لحل رغم الموضوع مكانش في الدماغ قوي بس بعد الكلام ده الموضوع بقى في الدماغ على طول واحد قاللي روح لبتاع فتيسات اتوماتيك مشهور في صقر قريش اسمه سعداوي او عمر وشوف هيقولولك ايه فياريت انتم تساعدوني انا بره غيرت الزيت بس الصوت مع النقل لل r موجود وعلى فكرة انا لما اشتريتها وحطيطها على الجهاز بتاع الاعطال قال ان الفتيس مفيهوش حاجة

2-انا معاي سيراتو 2008 والحمد لله والسحب والتجميع فيها ما شاء الله لما باركب الماتريكس واشد او احرق بحس بفرق وطبعا انا عارف ان في فرق في المحركان بس بحس ان الماتريكس بتعل او بتخنق شوية في التجميع فهل ده طبيعي ؟؟ انا مغير فلاتر وبوجيهات وزيت

3-بحس مع المشي عند سرعة مابين 40 ل 70 في رعشة شوية في العجل رصصت عند كدا واحد ولسه في رعشة بسيطة اللي يقوللي لا ده كده في حاجة في العفشة واللي يقوللي ده الكاوتش ملووح وفيه عالي وواطي واللي يقولي ده ممكن يكون الكبالن الداخلية مش عارف يا ترى ده برده ايه

4-عايز اعرف من حضاراتكم برده مراكز خدمة يكون كويس ومتخصص لهيوانداي واسعاره تكون حنينة لان التوكيلات بصراحة بقت قمة في الافتراء والغلاء

عموما العربية بشكل عام واسعة والصالون واسع ومريح جدا والشنطة واسعة ومعقولة والعفشة بصراحة ناعمة ومش ناشفة وعموما انا فعلا ندمت اني مجبتهاش من زمان وكنت واخد موقف سلبي منها .... عموما معليش دوشتكم بس استحملوني من فضلكم وشاكر حسن تعاونكم

والسلام عليكم جميعا وكل عام وانتم بخير

الاخ الفاضل
انا اتشرف ان حضرتك سمعت عننا كل خير و الحمد لله و ياريت نتشرف بالزياره و باذن الله ستجد مايرضيك و كل سنه و حضرتك طيب