sos sos sos

**lancerevolution** · 30-08-2008 09:43 PM

بصوا يا جماعة أنا دلوقتى بدور على عربية جديدة " انا من عشاق أوبل الفئةb" بس خايف من قطع غيارها الى كل لما أسأل حد ميكانيكى من الى جنبى يقعد يقولى قطع الغيار "الريداتير بحوالى 3000 جندى" و غالية و الحوارات دى فا،ا عندى سؤال دلوقتى الأوبل فكترا مو 2000-2002 حتستحمل الإستعمال الغبى لحد لما أخد عليها ؟ ولا حتخسع بسرعة ردوا عاليا ويا ريت لو حد عنده نفس الموديل لو يقولى عنها معلومات زيادة كمان وشكرا

.................................................. ...........
ممنوع إشتخدام اللون الاحمر لإنه مخصص للإدارة فقط

المشرف

**abdelaziz-waleed** · 31-08-2008 04:19 PM

اولا اهلا بحضرتك اخ عزيز معانا
ثانيا ممنوع استخدام اللون الاحمر لانه مخصص للادارة فقط
ثالثا: انا معايا اوبل فكترا 97 وبصراحة ممتازة جدا وقطع الغيار مش حاسس انها غالية مقارنة بالموديلات التانية في نفس الفئة.
بس لو حضرتك عاوز تعرف معلومات عن الفيكترا 2000 - 2002 ممكن استاذ محمد مختار يفيدك في الموضوع ده لأنه صاحب العربية ديه.

**ENG\AHMED** · 31-08-2008 05:59 PM

الفكترا ال B من اول 96 الى 2003 كل الفرق انهم عدلو الفوانيس والاكصدامات وفرش الابواب من اول 2000 ونزل منها الاوتوماتيك ب موتور 2 كامة ايكوتك غير
كد العربية واحد

اسعار قطع الغيار فى التوكيل غالية ... زيها زى اى عربية المانى بس هتغير وتنسى

فى مواضيع كتير عنها هنا

موضوع تخسع بسرعة دى عمرك سمعت عن المانى بيخسع بسرعة !! اهتم بالصيانة وقطع غيار اصلية ومتهينهاش لأنها ممكن تخليك انت تخسع قبل ماهيا تخسع :d:d

**lancerevolution** · 01-09-2008 12:19 AM

شكرا يا جماعة على الرد وحكاية اللون الأحمر مكنتش أعرفها
المشكلة إنى ساكن فى بلد صعب عليا أروح التوكيل فكنت بسأل عن حكاية تخسع دى عشان أنا شوفت عربيات بتعمل مواقف سخيفة فى أوقات أسخف فصعب إنى كل شوية و التانى أجرها على التوكيل و حكاية إنى مهنهاش فممكن يبقى صعب بس ححاول
على العموم أنا حتوكل و أدور على أوبل بتنباع و أشدها لو عايزة

**ENG\AHMED** · 01-09-2008 12:33 AM

المشاركة الأصلية كتبت بواسطة lancerevolution

على العموم أنا حتوكل و أدور على أوبل بتنباع و أشدها لو عايزة

نصيحة فى الالمانى ابعد عن حكاية ادور على عربية واشدها دى
اشترى عربية نضيفة حتى لو هتدفع زيادة مش مشكلة انما هتريح نفسك , هتشترى عربية محتاجة شد انت متعرفش اية اللى فيها ولا محتاجة كام وقطع الغيار غالية وهتفتح معاك مصاريف ملهاش لزمة فاشترى حاجة نضيفة من الاول اريحلك وهتبقى ارخص فى الاخر مهما دفعت زيادة فى الاول
الالمانى كلة كدة مش اوبل بس

الاوبل هتلاقى فيها كل اللى انت عايزة (ثبات,قوة,امان,........) وهتريحك على الاخر وهتستحمل بهدلة بس يوم ميحصل حاجة عايزة ميكانيكى اوبل فاهم كويس وقطع غيار اصلية العربية مش بتاعة عك وفتى

**blazer** · 01-09-2008 12:35 AM

سؤال كدا هو اى اوبل من موديل 2000 فيما فوق ماتور ايكوتيك 2 كامه ولا الاوتوماتيك بس ولا ايه النظام؟

**ENG\AHMED** · 01-09-2008 12:38 AM

الاوتو 2 كامة والمانيوال كامة

**blazer** · 01-09-2008 12:39 AM

الف شكر يا جميل

**M.Mokhtar** · 07-09-2008 03:15 AM

انصحك تجيب حاجة حالتها نظيفه وبلاش موضوع الشد ده
شكلك عايز موتور 2000 سىسى 2 كامه
وده هيبقى الايكوتك
وسعر العربيه دى موديلات 2000 - 2003 حوالى 75000 - 110000 :)

**rabbat5** · 07-09-2008 04:26 PM

المشاركة الأصلية كتبت بواسطة NoNaMe

نصيحة فى الالمانى ابعد عن حكاية ادور على عربية واشدها دى
اشترى عربية نضيفة حتى لو هتدفع زيادة مش مشكلة انما هتريح نفسك , هتشترى عربية محتاجة شد انت متعرفش اية اللى فيها ولا محتاجة كام وقطع الغيار غالية وهتفتح معاك مصاريف ملهاش لزمة فاشترى حاجة نضيفة من الاول اريحلك وهتبقى ارخص فى الاخر مهما دفعت زيادة فى الاول
الالمانى كلة كدة مش اوبل بس

الاوبل هتلاقى فيها كل اللى انت عايزة (ثبات,قوة,امان,........) وهتريحك على الاخر وهتستحمل بهدلة بس يوم ميحصل حاجة عايزة ميكانيكى اوبل فاهم كويس وقطع غيار اصلية العربية مش بتاعة عك وفتى

ايه المقصود بقطع غيار أصلية ؟ جي ام بس ؟ و لا قطع ألماني ؟
لأن فى السوق ماركات تانية ألماني غير الجي ام زي مايلي و ميرفوردر و فيبي .