مازدا 3 هاى لاني لاين 2008

**p0o0p666** · 19-07-2013 05:50 PM

مازدا 3 هاى لاين 2008

ارجو المساعدة فى تسعير مازدا 3 موديل 2008 هاى لاين ماشية 180000 كم سفر فابريكة برة و جوة فيها الازاز الامامي فى شرخ و الفانوس الزينون اليمين مش شغال وكمان ماكينة الازاز الخلفي اليمين مش شغالة ، اشتريها ولا لأ وبكام ؟؟ وكام سعر قطع الغيار المطلوبة؟ ضرورى اليوم لو سمحتم

**p0o0p666** · 19-07-2013 06:47 PM

He wants 85000, is this ok?? or too much?

**mshmshm3** · 19-07-2013 07:37 PM

لا طبعا شوف غيرها ماشية كتير اوي و فيها حاجات كتير مش شغالة وما خفي كان اعظم
دور تاني هتلاقي حاجات استعمال نضيف

**pioneerahmed** · 19-07-2013 10:12 PM

انا عربيتي هاي لاين ٢٠٠٧ و ماشية ١٣٠ و عايز فيها ٧٥٠٠٠ بس راشة مش فابريكة
متهيالي كتير اوي ٨٥٠٠٠ بس لو عندك استعداد تدفع المبلغ دة دور علي حاجة ٢٠٠٩ احسن

**medokassem** · 21-07-2013 07:17 AM

لا ولا ماشية كتير ولا حاجة امال انا ابقي ايه ^_^
الحاجات اللي زكرتها تصليحها وتغيرها مش هيكلف اكتر من 400 جنيه باصلاح شرخ الزجاج
خليك في المهم حالة العربية ؟؟
عفشة ؟؟
صالون ؟؟؟
كهربا ؟؟؟
الصااااااااااااج ؟؟؟
موتور ؟؟
فتيس ؟؟؟
كانت بتتصين ومتحافظ عليها ولا متهانة .
ملكش دعوة بالكيلوهات
انا ممكن اجيبلك عربية ماشة 60 الف ومعدومة العافية ونفس العربية مع واحد تاني ماشية 200 ولسه زيرو
كل اللي عايز اوصلهولك احكم بالحالة
مهو صاحب العربية لو كان قلل عدادها مكنش حد عرف !
انا عربيتي ماشاء الله داخله علي 270 الف واللي يشوفها وميعرفش الماركات بيسالني موديل السنه ؟؟!!
والمكنه لسه بتعرق ميه :)
متحكمش بالكيلوهات يارب تكون فهمت قصدي

**p0o0p666** · 21-07-2013 11:55 AM

اشكركم جميعآ على الاهتمام والرد، طيب هل السعر ده كده كويس ولا غاليةً؟؟ هو طالب ٨٥٠٠٠،والعربية كحالة عامة كويسة جدا ،.

**dodo2000** · 21-07-2013 11:58 AM

المشاركة الأصلية كتبت بواسطة medokassem

لا ولا ماشية كتير ولا حاجة امال انا ابقي ايه ^_^
الحاجات اللي زكرتها تصليحها وتغيرها مش هيكلف اكتر من 400 جنيه باصلاح شرخ الزجاج
خليك في المهم حالة العربية ؟؟
عفشة ؟؟
صالون ؟؟؟
كهربا ؟؟؟
الصااااااااااااج ؟؟؟
موتور ؟؟
فتيس ؟؟؟
كانت بتتصين ومتحافظ عليها ولا متهانة .
ملكش دعوة بالكيلوهات
انا ممكن اجيبلك عربية ماشة 60 الف ومعدومة العافية ونفس العربية مع واحد تاني ماشية 200 ولسه زيرو
كل اللي عايز اوصلهولك احكم بالحالة
مهو صاحب العربية لو كان قلل عدادها مكنش حد عرف !
انا عربيتي ماشاء الله داخله علي 270 الف واللي يشوفها وميعرفش الماركات بيسالني موديل السنه ؟؟!!
والمكنه لسه بتعرق ميه :)
متحكمش بالكيلوهات يارب تكون فهمت قصدي

هو الموتور عند 270 الف و بيعرق مية على كده المواتير دى بتعيش كام الف كيلو

**Thebutcherr** · 21-07-2013 05:30 PM

سعر ال 85 معقول بالنسبة لاشتعال الاسعار كل القديم غلى !!

**WalidAdel** · 24-07-2013 05:51 AM

انا شاري عربيتي من سنه بالسعر ده و عامله 96 ألف كيلوا و مافيهاش كل الحاجات دي مش شغاله
افتكر انه كتير عليها و بخصوص الحاله مهمه طبعا بس كل ماكان عداد قليل كل ماكان مصاريف عدلتها اقل يعني انا عربيتي ماشاء الله كان الراجل اللي راكبها تقريبا مابيروحش البنزينه غير انه يحط بنزين و يغير زيت و شاكك انه كان بيغير فلتر الزيت و كان عامل بيها 96 الف و مصاريف اعادتها لحالتها الاصليه ماكانتش كبيره للدرجه الوضع هايبقي مختلف لما تشتري عربيه عامله 180 و مهمل فيها .... هاتلاقي مصاريف تقويمها و تغير حاجات فيها عاليه جداً ده غير المجهود
الموضوع كله بيتلخص في حاله + عداد = عربيه مريحه