امانة عليكم جاوبونى...شارك-كرولا-كروز ...... ؟

**Ahmed TRAVCO** · 22-07-2013 03:03 AM

المشاركة الأصلية كتبت بواسطة haitham g

بص حضرتك هو معاه السيفيك موديل 2007 وجاب الشارك 2011 الفئة قبل الهاى لاين بمعنى الكلمة قالى انا ندمان انى جبتها اولا كثبات الهوندا احسن اليابانى انا ركبت سيفيك و تيدا و امبريزا 2009 ومجرب كل دول وكاسعار قطع غيار الشارك فيها حاجات اغلى من الهوندا هو شايف انها متستاهلش الباور خفيف اوى لو ركبت البيجو حتعرف قصدى ايه وحتى التيدا اللى انا بقول عليها دركسيون خفيف الدركسيون اتقل من الشارك و العفشة مش مريحة سيبك من انها بتعمل اصوات اللى قاعد ورا بيتبهدل و كتسارع مفيش زى السيفيك فى الفئة دى للاسف مفيش وجه مقارنة مع الهوندا

بص يا هيثم باشا... انا مش هختلف معاك في ان قطع غيار الشارك غالية وده بيقلل منها... ومش هختلف معاك ان الامبريزا اثبت منها لانها ببساطة دفع رباعي... بس ادخل على المواقع الخليجية والاجنبية كدة وشوف الشارك الgt اللي هيا دفع رباعي بتعمل فيها ايه...
عموما مش قصتنا... اللي عايز اقوله اني شايف ثبات الشارك ما يقلش عن اي ياباني ويضاهي الالماني من نفس الفئة... وانت شايف ان السبفيك احسن... اوكي... بس مش لدرجة انك تقول ان الشارك لا تقارن بيها... ده يعني كأن السيفيك دي تمسحها بأستيكة... وده مش صحيح وفيه مبالغة جامدة شوية... لو هتدي السيفيك 10 في الثبات يبقى الشارك متقلش عن 9 مثلا... بس في رأيي الفرق (لو موجود) ما يستاهلش فرق الفلوس ده كله...
حاجة تانية... انا مش عارف ايه طبيعة الاصوات اللي بتقول انها في الشارك وكأنها عربية صيني مثلا بتزيق من كل حتة!!!! انا عمري ما شفت ده ولا قريت ان حد قال حاجة زي كده... وبعدين عفشة الشارك مش مريحة؟ ازاي؟؟؟ اي نعم هي مش بنعومة الكورولا انما مريحة جدا في رأيي...
بالنسبة للتسارع... اوكي معاك انها مش زي الباقي لان المايفيك اصلا بتاع عزم اكتر من تسارع... زائد الموتور لحد 2011 كان 1500 كمان!!!
بالنسبة للدريكسيون... هوه كان كهربا لحد 2011 قبل ما يرجعوه زيت بعد كده... فأكيد خفيف شوية بس ما اعتقدش انه بالخفة اللي انت بتصورها دي... لو دخلت قسم ميتسوبيشي هتلاقي نا بتسأل ينفع نغير الباور الزيت ونخليه كهربا علشان كان أنعم؟؟؟؟ صدقني... بيقولوا ان الزيت تقيل...

بصراحة وبدون زعل... انت متحيز جدا ضد الشارك... مش عارف يمكن اللي جربتها كانت فيها حاجة ولا انت اصلا قافل من العربية ومش حاببها... مش عارف... بس اللي اعرفه وقتل بحثا ان عيوب الشارك معروووفة... عزل مش اد كدة... شنطة صغيرة... قطع غيا غالية... بس كدة... انما ثباتها مش عارف ايه وعفشتها مش مريحة وفي اصوات (بتبهدل) اللي قاعد ورا والكلام ده... بصراحة اول مرة اعرف...

ارجو من ملاك الشارك افادتنا لو حد قابلته مشاكل من العينة اللي قالنا عليها استاذ هيثم... وانا من ناحيتي بأكد... بأكد... ان مفيش ولا حاجة من دي حصلت معايا.... وما زلت برشح الشارك تكون الافضل في الفئة دي لانها ببساطة هتديك اداء يضاهي الالماني بسعر اقل من الكوري!!"

شكرا...

**Haitham G** · 22-07-2013 03:48 AM

يا باشا انا مش متحيز ولا حاجة بس انا قلت رايى بصراحة لأن انا سوقت العربية انا مجربتش العربيتين الكورولا و الكروز عشان كده معلقتش عليهم فقلت اللى اعرفه عن الشارك وطبعا اول حاجه انا قارنتها اصلا بالعربية عندى لان هو اشترى معايا بس عشان اكون حقانى قعدت الشارك قدام احسن من السيفيك الكراسى اريح دى حاجة نسيت اقولها وانا ماقولتش ان الامبريزا احسن انا كان قصدى انى ركبتهم كلهم و بعدين الهوندا كان سعرها 157000 فرق 2000 جنيه من رأيى الشخصى الهواند احسن وطبعا كل واحد ليه رايه واحنا بنتناقش و موضوع الباور لو قدرت تركب العربية القديمة حتشوف الفرق انا ال 308 عندى كهرباء بس بييتقل كل ما السرعه تزيد زى ال اودى كده غير انه فى العادى اتقل بفرق عن اليابنى عموما

**IronHead** · 22-07-2013 11:31 AM

المشاركة الأصلية كتبت بواسطة haitham g

يا باشا انا مش متحيز ولا حاجة بس انا قلت رايى بصراحة لأن انا سوقت العربية انا مجربتش العربيتين الكورولا و الكروز عشان كده معلقتش عليهم فقلت اللى اعرفه عن الشارك وطبعا اول حاجه انا قارنتها اصلا بالعربية عندى لان هو اشترى معايا بس عشان اكون حقانى قعدت الشارك قدام احسن من السيفيك الكراسى اريح دى حاجة نسيت اقولها وانا ماقولتش ان الامبريزا احسن انا كان قصدى انى ركبتهم كلهم و بعدين الهوندا كان سعرها 157000 فرق 2000 جنيه من رأيى الشخصى الهواند احسن وطبعا كل واحد ليه رايه واحنا بنتناقش و موضوع الباور لو قدرت تركب العربية القديمة حتشوف الفرق انا ال 308 عندى كهرباء بس بييتقل كل ما السرعه تزيد زى ال اودى كده غير انه فى العادى اتقل بفرق عن اليابنى عموما

اى باور كهرباء فى الدنيا بيتقل مع السرعه, مستحيل تلاقى عربيه باور كهرباء مافيهاش كونترول مع السرعه لان ده يبقى انتحار

**Haitham G** · 22-07-2013 09:45 PM

انا عارف الكلام ده كويس بس جرب عربية تانية و حتعرف الفرق اللى انا بتكلم عليه

**sha2e** · 23-07-2013 09:54 PM

المشاركة الأصلية كتبت بواسطة adel1414

السلام عليكم ورحمة الله وبركاته,,
فى امس الحاجة لاراء قاطعة للاختيار بينهم
لانى دورت فى المنتدى عليهم وتهت برضو فى الاخر :(
انا بقارن بين الشارك 2008 اتوماتيك وكرولا اتوماتيك خليجى يابانى مش الفتيس الجديد 2008او2009 وكروز 2010 اتوماتيك
المطلوب الاعتمادية الاعتمادية كرولا
ثم قطع الغيار كرولا
ثم التكييف كرولا
والصاج كروز
واستهلاكك البنزين كرولا
والثبات الكروز لكن لو الشارك هاى لاين يبقى الشارك
اييه رايكم افيدونى ؟؟؟

لو طريقك مفهوش مطبات كتير ( مش محتاج عربيه عاليه ) ارشحلك الهوندا سيفيك