السوبر تشارجر الكهربائى هل هو فعال ام لا....

**aymansabry** · 19-07-2013 07:05 PM

السلام عليكم يا جماعه

انا الحقيقه اشتريت سوبر تشارجر كهربائى من امريكا وهو عبارة عن مروحه قويه معدن بتركب فى فلتر رياضى و بتتوصل مكان فلتر الهواء بتاع العربيه .... فكرته انه بيشتغل على البطاريه لما تدوس على المفتاح بتاعه.... و يكبس كميه هواء للمحرك قيسزيد نسبه احترلق الوقود داخل السلندر مما يزيد من قوة الموتور.

طبعا دى النظريه المكتوبه على العلبه... يعنى اللى بتسوقها الشركات ليه واللى بتقول برضه انه ممكن يزود القدرة الحصانيه ل ثلاتين حصان.

طيب انا قراءت الاتى لانى عملت بحث عليه على النت:
1 - فيه اراء بتقول ان قوه الهواء الداخل الى الموتور و المسحوب نتيجه الاحتراق بيكون اقوى من المروحه فبالتالى ملهاش اى لازمه ... و الراى دا من منتديات مواتير فى امريكا.... و هما بيهاجموا الشركات اللى بتنتجه و بتقول عليه انهم نصابين.

2. طب قراءت راى اخر بيقول انه حيكون فعال على السرعات البطيئه ..اما لما تكون العربيه ماشيه على 150 كم مثلا فكمية سحب الهواء من الموتور حيكون اكبر بكتير و بالتالى هو ممكن اصلا يكون عائق... ولو انى معتقدش لانه متوصل بفلتر رياضى زى ما قلت و المروحه كده كده بتلف.

3. فيه راى كمان بيقولك ان مصدر الكهرباء من بطاريه العربيه الى بتشغيل المروحه مش حتكون كفايه و بالتالى قالو لازم يتعمل بطاريه تانيه قويه و تكون مصدر للطاقه ليه!!!

عموما كلها نظريات ... واسأل مجرب ولا تسأل طبيب.... وانا شخصيا بفكر اركبه على الكروز الاتوماتيك عندى بس خايف من كذا حاجه و عايز استشيركو هنا فيها الاخوة الافاضل:

اولا: هل تركيبه سيرفع استهلاك البنزين؟

ثانيا: هل سيكون له صوت عالى ولا حيكون زى الفلتر السبور ؟ ( انا مش عايز دوشه من الموتور على فكرة... احب ازود السحب و على قدر الامكان اكتم الصوت)

ثالثا هل ممكن يبوظ الضفيرة و كهربه العربيه؟ علما بانه سيتم التوصيل مباشرة للبطاريه.

رابعا: تفتكروا ممكن يزود قدرة اد ايه فى القدرة الحصانيه؟ انا يكفينى ازود بس فى الكام نقله الاولانيين ..لان الكروز ما شاء الله بتوصل لل 200 عادى.... لكن طلعتها الاولانيه هىاللى ممكن تكون بطيئه نوعا.

خامسا: اذا كان حد ركبه و شاف فعلا انه عامل فرق فى السحب ياريت يقولنا عن المكان اللى ركبه فيه او اى حد تانى ممكن بيكون بيفهم كويس فى الحاجات دى.... واسف للاطاله و اتمنى اكون برضه اضفت شويه معلومات عنه مما قرءت على النت.

**magyver** · 19-07-2013 07:24 PM

ماظنش انة هايزود زي مانت متخيل لان الشارجر والكلام دة
محتاج حاجات تانية كتيير زي الاكزرست مثلا
فمش هايطلع من مكنة استوك زي مالناس متخيلة

**makarhn** · 19-07-2013 07:35 PM

ولا لية اى 30 لازمة
Electric SuperChargers Mythbusted - YouTube

**aymansabry** · 20-07-2013 05:19 AM

لاء هو انا مش متوقع منه كتير طبعا...... بس انا سمعت من ميكانيكى ان فيه ناس حاطاه و عامل فرق حلو.... و قريت برضه على النت ناس كتير بتقول ملوش 30 لازمه زى ما حضرتك بتقول كده !!! ...فانا اتمنى حد يكون فعلا حاطه فى عربيته و ينقل لينا التجربه عشان ياما سمعنا نظريات كتير شفوى بدون تجربه فعليه

**Muahmmad Honda** · 20-07-2013 05:27 AM

متابع :)

**aymansabry** · 20-07-2013 06:26 PM

متابع يا جماعه.... حد ليه تجربه عمليه فى الموضوع دا ؟

**eleanor** · 20-07-2013 09:37 PM

اولا السوبر تشارجر الكهربائى حلو فى الطلعه الاولانيه لكن بعدين وكل السرعه ماتزيد علشان تحس بيه ويزود القوه بيحتاج كهرباء اكتر فكده هيحتاج منظم كهرباء وبطاريه منفصله او دينامو اكبر