شراء سماعات Kenwood مهم

**AbdelRa0uf** · 19-07-2013 09:39 PM

السلام عليكم عايز اشترى سماعات للعربية كلها يعنى 4 سماعات و تكون من غير GM تنصحونى بى ايه ؟
انا عايز بيييز قوى ممكن لو خليت ورا 2 كينوود 400وات ؟ و ادام 2 سونى ولا ايييه ؟
انا عايز اى حد يفيدنى ضرورى علشان مش فاهم حاجة و الكاسيت عندى 50x4 وات فا شوفو كدا و قولولى هتبقى التكلفة كام و كام وات
شكرا ..

**dr_karim** · 19-07-2013 10:39 PM

لو على قدام سونى مدور احسن حاجة على حسب مقاس عربيتك ورا بقى كينوود حلوة اوى بس عشان تجيب اخرها عايزة جى ام بس مش لازم بقى

**mdogs1979** · 20-07-2013 12:23 AM

ايوه اختيار جيد و ياريت لو سونى كومبت اللى التويتر منفصل و تحط التويتر بعيد شويه عن السماعه

و لو الكاسيت بايونير يبقى مش هتحتاج تركب امبلفير و الصوت من الكينود اللى ورا هيبقى ممتاز جدا

**AbdelRa0uf** · 20-07-2013 04:28 AM

الكاسيت اللى عندى كينوود و ايه التويتر دة لمؤخذة :d و اجيب السونى دة منين و بكام ؟ انا عربيتى نيسان صنى سوبر صالون 2010

**mdogs1979** · 20-07-2013 10:43 PM

المشاركة الأصلية كتبت بواسطة AbdelRa0uf

الكاسيت اللى عندى كينوود و ايه التويتر دة لمؤخذة :d و اجيب السونى دة منين و بكام ؟ انا عربيتى نيسان صنى سوبر صالون 2010

دى يا باشا اللى بتكلم عليها و موجوده فى التوفيقيه القطعه الصغيره هى دى التويتر

**mr_vampire** · 21-07-2013 04:11 AM

المشاركة الأصلية كتبت بواسطة mdogs1979

دى يا باشا اللى بتكلم عليها و موجوده فى التوفيقيه القطعه الصغيره هى دى التويتر

بعد اذن صاحب الموضوع ليا استفسار .....

السماعات اللي فالعلبة ده عندي مركبها ورا مكان الاستوك بس هجيبها فالابواب عشان هركب ورا كينوود 500 وات.

فايه افضل جي ام ممكن يركبلهم عشان يطلع بيز كويس مش رزع وصوت عالي وخلاص ؟؟؟؟؟؟

وهل في امكانية اركب الجي ام علي زرار باور منفصل عشان لو حابب اشغل من غير جي ام ؟؟؟؟

**eldell** · 21-07-2013 09:40 PM

المشاركة الأصلية كتبت بواسطة abdelra0uf

السلام عليكم عايز اشترى سماعات للعربية كلها يعنى 4 سماعات و تكون من غير gm تنصحونى بى ايه ؟
انا عايز بيييز قوى ممكن لو خليت ورا 2 كينوود 400وات ؟ و ادام 2 سونى ولا ايييه ؟
انا عايز اى حد يفيدنى ضرورى علشان مش فاهم حاجة و الكاسيت عندى 50x4 وات فا شوفو كدا و قولولى هتبقى التكلفة كام و كام وات
شكرا ..

ممكن فى الاول انت تحدد الميزانيه بتاعتك اد ايه ده اولا
بالنسبه للسماعات الى فى الباب انت مش هتاخد منها بيييز لاكن هتلاقى توزيع حلوووو اوى للصوت يعنى هتلاقى الصوت حلو لاكن مش هتاخد منهم بييز تمااااام بالنسبه بقى للسماعات الكينوود البيضاوى يستحسن يركبو على جى ام حتى لو سيمفونى 250 وات علشان تسمع منهم بيييييز حلو

المشاركة الأصلية كتبت بواسطة mr_vampire

بعد اذن صاحب الموضوع ليا استفسار .....

السماعات اللي فالعلبة ده عندي مركبها ورا مكان الاستوك بس هجيبها فالابواب عشان هركب ورا كينوود 500 وات.

فايه افضل جي ام ممكن يركبلهم عشان يطلع بيز كويس مش رزع وصوت عالي وخلاص ؟؟؟؟؟؟

وهل في امكانية اركب الجي ام علي زرار باور منفصل عشان لو حابب اشغل من غير جي ام ؟؟؟؟

لو بتتكلم على السماعات لكينوود تركبلهم جى ام ايه عندك الكينوود 350 وات ده كويس وعندك السيمفونى 250 واات ده هيقومهملك حلووو اوى برضه بس ارشحلك الكينوود لو انت عايز بيز جااامد من السماعه وممكن عاااادى تخلى الى يوصلك يركبلك للجى ام مفتاح خارجى تفصله منه

**mr_vampire** · 21-07-2013 11:50 PM

المشاركة الأصلية كتبت بواسطة eldell

.................................................. .................................................. ....................

لو بتتكلم على السماعات لكينوود تركبلهم جى ام ايه عندك الكينوود 350 وات ده كويس وعندك السيمفونى 250 واات ده هيقومهملك حلووو اوى برضه بس ارشحلك الكينوود لو انت عايز بيز جااامد من السماعه وممكن عاااادى تخلى الى يوصلك يركبلك للجى ام مفتاح خارجى تفصله منه

تسلم ياصاحبي.

طيب تمام اوي كدة . هل الجي ام الكينوود 500 هيعمل فرق فالاداء ولا مش هيبقي فيه فرق كتير( لان فرق السعر بينه وبين ال 350 من كبير عندي هنا ) . ولا هيبقي كتير ممكن يعمل حاجة فالسماعات مثلا ؟؟؟؟؟

ولما ييجي يركب ان شاء الله هل الافضل يوصل الاربع سماعات عالجي ام ولا يوصل البيضاوي بس ؟؟؟؟؟؟؟؟؟؟؟؟؟

معلش يامعلم تعبك معايا دايما.