الموضوع: مساعدة فى مشكلة صبووفر هوم ثياتر

الرجاء المعاونة ...اين اجد مكان لتصليح الصبووفر..
او كيفية استخدام صب سيارة بديل..
او اين اجد صب منزلى فقط للشراء

لو المشكله لسه قائمه ارجو ابلاغي وسيتم الرد الوافي انشاء الله

مازالت المشكلة قائمة..
برجاء الافادة

اولاً واضح من سردك للمشكله ان السماعات كلها شغاله ماعدا الصب صح؟
ماشي لو المشكله فالصب بس وباقي العده شغاله تمام يبأه ده السيناريو السهل بحيث انك في اسوأ الاحوال حتغيير الصب وده مش الحل الاول لاني عايز اعرف تقصد ايه ان الصب بيشتتغل بيجييب هوا بس؟ اصله لو الصب نفسه باظ الرق بتاعه مش حيتحرك اصلاً عشان يجييب هوا لكن لو بيتحرك والصوت وحش مش زي الاول حتبأه المشكله فالبورده الخاصه بالصب ودي حلها بسيط برضه بمجرد تغيير بعض القطع الالكترونيه بها سيعاود العمل بنفس الاداء الماضي.
السيناريو التاني حقولهولك بناءً علي ردك انشاء الله وانا اصلاً مستبعده.
اما انك تجييب صب سياره نفس القطر وتشغله مكان الصب الاصلي للهوم ثيتر فده مستحيل لأن ليهم مقاييس مختلفه تماماً عن بعض.
بمعني انك لو حتغيير الصب لازم تجييب صب نفس قطر اللي عندك ونفس الواط ونفس الأوم watt and ohm
وده موجود طبعا في شارع الازهر بس تختار حاجه كويسه مش نوعيه رديئه مع التأكيد علي مراعاة نفس المقاييس ومتسمعش كلام اللي يقولك مش حيفرق او ده احسن منه لان في حالة البدل بواحد مش هو هو حتبوظ الريسيفر بتاعك اساساً لما حيشتغل عليه فتره.
وبعد الكلام ده كله انا شاكك من كلامك في بوردة الصب فقط وحتأكد بعد التوضيح فالرد بتاع حضرتك.

استاذ علوان ..لك جزيل الشكر على اهتمامك..
المشكلة بالفعل من الصب فقط ..هو بيشتغل بس ضعيف جدا متحسش بيه..لو حطيت ايدى على فتحة الصندوق بتاعه بحس باندفاع هوا ضعيف وقت ما باشغل اى حاجة فيها بيز..
المفروض ان الصب ده اكتيف مش باسيف و بالتالى البوردة الداخلية بتاعته هى الامبليفاير بتاعه..
انا برضه شاكك فى موضوع البوردة بتاعته..
هل من نصيحة للكشف عنها و محاولة اصلاحها.

العفو يا استاذ حفناوي وكويس ان سيادتك فاهم ان الصب باور بذاته وده بيأكد ان العيب من البورده.
الحل بسيط انشاء الله أي حد بيصلح الكترونيات تودهوله وهو حيعمله ولو متعرفش حد قولي حضرتك في أي منطقه وانا ادلك علي حد جمبك
.

متشكر جدا لحضرتك..
لو تعرف حد ثقة يقدر يكشف على الصب فى محيط دايرة عين شمس اكون ممنون لحضرتك للغاية.