معلومة عن سماعات السيراتو

**نينو** · 20-07-2013 06:26 AM

دلوقتي انا مركب عندي سماعتين سوني كمبوننت ورا و اتنين بيونير ادام واحد صاحبي بقولو الصوت عندي مش حلو قالي نصيحة مني و هتدعيلي هات سماعتين الكيا السيراتو اللي ورا وانسي بعد كدة اي حاجة انا عاوز صوت نظيف لان السوني مش اوي انتو ايه رايكم انا مركب دي في دي و جي ام سوني

**Ahmed_Ramadan** · 20-07-2013 04:04 PM

طيب ما تشوفهم إستيراد ؟

**mdogs1979** · 20-07-2013 10:35 PM

يا ريت يا باشا توضيح الاول بس

انت بتقول مركب سونى ورا ( ورا فين قصدك الباب ولا على ابورده الخلفيه تحت البربريز الخلفى )
اكيد تقصد الباب صح عشان ديه سمعات كمبوننت مدوره ,,, رجاء التوضيح

طيب انت مركب دى فى دى سونى
و امبلفير سونى
مش فاهم انت موصل الامبلفير ده بأيه بالظبط ( بسماعات الابواب ) و هو كام وات و كام شانيل

بالنسبه لسماعات السيراتو او اى سمعات فبريكا من اى نوع عربيه عاديه
( يعنى مش سوبر كار او فئه زى البى ام او المرسيدس الجديد )
بيبقى الوات بتاع السمعات دى 15 : 25 وات بالكتير و بتبقى فى الغالب ميد رنج بس من غير بيز او تويتر
و بتبقى سماعات سيئه للغايه و لو اتوصلت بكاسيت محترم او املفير هطرقع اول ما تعلى عليها
و مينفعش اصلا تقارن المركات المتخصصه فى السمعات بسمعات الاستوك او الفبريكه

انا مش فاهم هو نصحك تركب سمعات سيراتو استوك اللى فى الباب ولا على البورده
اى كان صوتهم بالنسباله مقبول الكلام ده من غير ما تعلى الصوت عليهم او على كاسيت الفبريكا
و بتبقى على الصوت الواطى مقبول تتسمع

لاكن اللى بدور على صوت قوى و نقى مينفعش سمعات الفبريكا ابدا معاه
و تأكد اهم حاجه فى جوده الصوت هو التوزيع يعنى عدد سماعات اكثر دائما افضل عشان السروند
مثلا البى ام 500 الجديده فيها 16 سماعه متوزعه فى كل حته فى العربيه بالرغم ان حجمهم مش كبير

عشان تحقق صوت جيد محتاج طبعا سماعات بيضاوى 400 وات على الاقل مع سمعات الابواب اللى عندك
سمعات الابواب فقط بيبقى مش حلوه خالص سواء الفبريكه او الماركه ( و طبعا الماركه افضل )

**نينو** · 21-07-2013 05:27 AM

بس يا باشا
انا مركب سماعتين علي الرف الخلفي اللي ورا و طبعا البي ام فيها ستارة كهرباء مينفعش افتح في الصاج دي اول حاجة تاني حاجة الدي في دي ده بي ام اوريجنال بتاع البي ام مخصوص ومركب جي ام سوني اللي هو الصغير 300 وات او 250 سوني اكسبلود وقدام في البيبان مركب سماعتين بيونير و موصل السماعيتين السوني اللي ورا بس مع الجي ام و اللي قدام مع الدي في دي عادي بس
الصوت بقي مش حلو خالص ومفيش مكان للباب اللي ورا تركب في سماعات و مش هينفع افتح في الصاج ورا قولي بقي اعمل ايه في الحكاية دي بس معلش واحدة واحدة عشان مش فاهم في الصوت اوي

**mdogs1979** · 21-07-2013 08:57 AM

مهو يا باشا للاسف انت عندك مشكلتين الاولى و هى من كاسيت العربيه الفبريكه
ديما بيبقى صوته مش تمام و خارج البور بتاعه قليل جدا مش زى الماركات المشهوره 50 وات
و كمان اوبشن تحكم ضبط الصوت بيبقى ضعيف البيزو التربيل و فى الغالب ايكولايزر عقيم كل الفبريكه كدا

تانى مشكله السمعات اللى ورا دى مدوره و اكيد الوات بتاعها اقل من 400 وات
الامبلفير تمام بس السمعات دى ضعيفه جدا و مينفعش تعلى عليها حتى ان محدش بيوصلها بامبلفير اصلا

بس خلينا الاول نتأكد من حاجه و دى من خلال انك تجرب توصل ايبود مثلا على الامبلفير علطول بوصله RCA
زى اللى جايه من الكاسيت قدام بس الطرف التانى بتاعها استيريو ( الجاك الرفيع اللى بيدخل فى الايبود ) بتبقى وصله اسمها 2x1 زى دى

و هتظبط الصوت على الايبود و الايكوليزر بتاعه و تجرب اغنيه فيها كل النغمات واضحه
و تشوف الصوت طالع من السمعات السونى عامل ازاى .. طبعا البايونير مش هاسمعهم لانهم على الكاسيت
كده احنا بنشوف اداء الامبلفير مع السونى ( ملهوش علاقه بالكاسيت خالص شغله بس الغى الصوت خالص منه )

لو الصوت لاقيته افضل يبقى العيب واضح انه من كاسيت الفبريكا و ده فى الغالب اللى هتلاقيه عندك
سعتها تقدر تعتمد على اى وحده تشغيل ايبود او امبثرى مثلا و تسيبك من الكاسيت

و فى الغالب لو هى دى المشكله مفيش اى سماعات هتحسن الصوت حتى لو اغلى سماعه او سماعه سيراتو ( التعبانه - مع كامل احترامى لرئيك )

جرب الاول و بعدين نشوف ان شاء الله الخطوه التانيه فى التعديلات ,, فى انتظار النتيجه

**نينو** · 22-07-2013 04:39 AM

انا تعبك معايا يا كبير بس برضو في نقطة حضرتك مفهتهاش انا مركب دي في دي بي ام من انضف الانواع اللي في العالم ماركة اسمها داينفين و ده توكيل بي ام في السوند و المشكلة ان السماعات مش حلوة و عاوز سماعات اركبها علي الرف اللي ورا انضف من السوني الكمبوننت تفتكر اعمل ايه والسماعات دي ايه رايك فيها السوني ده ولا في حاجة تنصحني بيها اجمد من كدة و شكرا
انا تعبتك معايا بس من عشمي بقي

**mdogs1979** · 22-07-2013 05:01 AM

ولا تعب ولا حاجه برحتك احنا فى الخدمه

بالنسبه للسمعات افضل حاجه فى السوق حاليا الكينود الفيتنامى او الاندونيسى و بعديها البايونير و بعديها السونى
و طبعا المدور بتبقى مش غاليه و متوفره ( التوفيقيه المول الدور الارضى ) سعر معقول

بس يا ريت تجرب برضو الصوت زى ما قلتلك من غير الكاسيت مش هتخسر حاجه
لانك محيرنى بصراحه ازاى الصوت وحش لدرجه ان حد يقولك ركب سمعات سيراتو اكيد فى حاجه غلط
لان حتى السمعات السونى مش بالسؤ اللى انت بتوصفه ده و انا مركبه عندى ايوه هى مش حلوه قوى و الكينود احلى لاكن مش لدرجه تقارن بسمعات ستوك او سيراتو

و فى نقطه عاوز اوضحهالك مستحيل سمعات الابواب تحقق بيها جوده صوت عاليه لان اصلا هى مش متقفل حوليها زى اى سماعه فى بوكس هى متركبه فى الباب و حوليها فراغ الباب من جوه

يعنى مثلا لو السمعات المدوره راكبه وارا عند مكان الستاره تحت البربريز الخلفى ...زى ما بتركب البيضاوى
كنت هتلاقى الصوت تحفه لانها تعتبر جوه بوكس اللى هو شنطه العربيه

لذلك سمعات الابواب الهدف منها فقط السروند التكميلى للعده الرئيسيه و توزيع الصوت,, لاكن الاعتماد عليها بس صعب جدا و مستحيل تحققلك رغبتك فى سماع صوت جيد و قوى و نقى زى ما اى حد يتمنى و ده بينطبق على كافه الماركات حتى لو اغلى سماعه فى الدنيا