الموضوع: شنطة البيجو301

يا جماعة المصرية عاوزة تجبلي العربية الفئة الاولي علي 130 وهي سعرها في التوكيل 124 بس بالحجز طبعا والسعر النهائي عند الاستلام والاستلام خلال من شهرين لبي شهرين ونص ايه رايكوا

وفي واحد تاني اسمه مؤمن الدسوقي في مصر الجديدة قالي موجودة علي 128 وانا مش عارف اعمل ايه

المشاركة الأصلية كتبت بواسطة mohamed handy

ده انت الى تقرره ياعنى محتاجه اوى كدا ومش قادر تصبر شهرين انا من راى التوكيل احسن وانت اولى بالفرق الكبير ده وده يرجعلك بردو فى الاول والاخر

ما المشكلة في التوكيل مش محدد وقالي السعر النهائي عند الاستلام واكيد انت عارف ان في خلال 3 شهور اكيد هتزيد الفرق ده ولا ايه

المشاركة الأصلية كتبت بواسطة mohamed handy

تمام السعر ممكن يزيد بس تقريبا مدام انت حاجز السعر ميزيدش عليك فى حالات شوفتها فعلا زاد عليها بس انت ممكن تتاكد من التوكيل فى الحته دى وبصراحه انا شايف الاوفر بريس كتير جدا تقريبا 7 عن سعرها الاصلى

السعر ممكن يزيد فعلا، أخر دفعة السعر زاد 1000 جم عن الحجز اللى كان 123 افتكر، الاوفر كتير فعلا برضة و دة استهبال من التجار عشان العربية عليها طلب، بس الدفعة الاخرانية متسلمة كلها من اكتر من اسبوعين او ثلاثة، فالعربيات اللى لسة فاضلة دية مش محجوزة، فممكن تتكلم معاهم فى الاوفر و تخلية 3 او 3.5 بالكتير اوى، عشان دية عربيات فايضة عندهم زى ما قولتلك

المشاركة الأصلية كتبت بواسطة medori

السعر ممكن يزيد فعلا، أخر دفعة السعر زاد 1000 جم عن الحجز اللى كان 123 افتكر، الاوفر كتير فعلا برضة و دة استهبال من التجار عشان العربية عليها طلب، بس الدفعة الاخرانية متسلمة كلها من اكتر من اسبوعين او ثلاثة، فالعربيات اللى لسة فاضلة دية مش محجوزة، فممكن تتكلم معاهم فى الاوفر و تخلية 3 او 3.5 بالكتير اوى، عشان دية عربيات فايضة عندهم زى ما قولتلك

فعلا حرام 7000 جنيه ليه هو الواحد بيلاقي الفلوي انا هحاول كده زي ما بتقول لو مش هينفع هغير بقي واجيب حاجة تانية بجد والله الواحد جاله احباط من اللي بيشوفه

شوف الاليزية، هى هى نفس العربية بس الطلب عليها اقل عشان سيتروين فالاوفر اقل و هى اصلا ارخص، أخر دفعة كان فى فرق 8000 جم بين الاليزية الهاى لاين و ال301 الهاى لاين