ناوي أشتري سيفيك و ابقي هونداوي

**egyptiaaan** · 21-07-2013 03:28 PM

انا ناوي ان شاء الله يا جماعة اشتري سيفيك 2007
و شرطت علي صاحبها اني استلمها في التوكيل
للناس اللي عندها خبرة مع التوكيل ايه اهم الحاجات اللي اركز عليها و انا هناك
و هل يا تري في ورقة ممكن اخدها من التوكيل ان العربية الفلانية بالتاريخ الفولاني و عدد الكيلوهات كذا حالتها جيده و كل شئ يعمل بكفاءة؟؟؟؟؟؟؟؟؟؟؟؟
و عندي سؤال بقي لزوم الشقاوة حد جرب السبويلر العاي اللي عالشنطة؟؟؟؟؟؟؟ و حد جرب يركب مكن الابواب اللي يخليها تفتح لفوق؟؟؟؟؟
انا طولت عليكو بس من عشمي
و اتمني اسمع ردود تفدني
شكرا مقدما

**hatemfarouk** · 21-07-2013 03:50 PM

ربنا يباركلك فيها و يكفيك شرها . طالما العربيه و كيل يعني ياباني أما لو خليجي فبتبقي تركي هاتتصل بالتوكيل هاتعرف منه اخر صيانه إتعملت صيانه الكام ألف و إمتي كل ده من الاسم اللي فالرخصه . لو هاتطلب تقرير بالحاله هاتتكلف 400 جنيه و هايديك تقرير مفصل حتي بحاله الكاوتش و البطاريه (بس نصيحه سيبك من موضوع ده لان اللي بيبيع عربيه بيبعها بكاوتش مش تمام و بطاريه مش تمام و الكلام ده عن تجربه أكتر من مره) . نصيحه وفر اللي هاتدفعه في ترويش العربيه لأن ده هايقلل فرص بيعها فيما بعد و مش هاتلاقي الفلوس دي فالأفضل تزودهم علي تمن العربيه و تجيب 2009 أو 2010 لأنها أفضل من ال2007 و 2008 ووفر فلوسك و هات طقم جنط إستيراد بتاعها و فوجات بتاعتها و كده . أرجو إني أكون أفدتك.

**egyptiaaan** · 21-07-2013 04:21 PM

بص يا باشا هي فيها الجنط بتاعها و الكساحات و السبويلر الصغير و اليدات من ورا و الرينجات من قدام و فرش الجلد و مانع السرقة و زينون كلو طبعا
و الكوتش و البطارية جداد انا كده كده شاريها غالية عن السوق عشان اركب عربية تريحني
و كده كده هي ليها فايل في التوكيل و بتصين هناك
بس
فانا قلت اخد رأيكو اعمل ايه في التوكيل بس