الموضوع: الاخوه المحامين ممكن دقيقه

كليه الحقوق مش كليه صعبه زى الكليات العلميه ، وبرضه مش سهله زى الاداب ، هى كليه محتاجه تركيز كويس وحد يفهمها صح وسهل النجاح فيها جدااااا ولكن الصعب التقدير وده الاهم ، لان التقدير بيحتاج اهتمام جامد زياااده ومذاكره من اول السنه
اللى بيسقطوا دول شباب بيستهتروا بالكليه ومفكرينها لعب وهزار وقبل الامتحان فاينل يتحفظ منه سؤالين وكفايه قوى درجه النجاح ، لان اللى بيبقى عينه ع درجه النجاح بيسقط وعمره ما بيقدر يجيبها حتى
لو هتدخل حقوق ركز فيها كويس واهم شىء تكون حاببها ، انا عن نفسى مش هقولك بقا كنت بذاكر من اول السنه وكدا ، لا بس كنت مركز وحابب القانون وبقراه كانه معلومات عامه مش حفظ وكدا ، وطالما بتحبه وفهمته يبقى هتنجح فيه ان شاء الله وهتجيب كمان تقدير

بس انا مش فاكر ايه موقف نقابه المحامين مع خريجى التعليم المفتوح ، لان ف كلام كتير بيتقال وانا بصراحه معنديش معلومه موثوقه ، فيا ريت حد يرد عليك ف النقطه دى او تروح تسأل ف النقابه لو قريبه منك ، هل يسمح لك بالتسجيل بالنقابه عادى ام هناك شروط تعسفيه ، لان سمعت ان ف اصوات ف النقابه بتطالب بمنع تسجيل خريجى التعليم المفتوح وبصراحه معرفش ايه اللى حصل فيه

ربنا معاك وان شاء الله تتوفق فيها واى اسئله او مساعده ف اى شىء ، أنا تحت امرك

المشاركة الأصلية كتبت بواسطة ahmed air

متشكر جدااا ومعلش تعبت حضرتك معايا انا سألت فى النقابه وفعلا قالو مابنسجلش اصحاب الدبلومات الفنيه وانا للاسف كنت دبلوم فنى وبعدين معهد سنتين فابعيد تفكير تانى

العفو لا شكر على واجب ، وربنا يوفقك فى اختيار افضل ان شاء الله