تحذير لكل من يمتلك( الياريس) وخاصة السيدات

اخوانى فى الله
السلام عليكمورحمة الله وبركاتة اليوم كنت فى توكيل تويوتا ايجيبت
كنت قاعد على مكتب احد الافاضل ال sales manager
وانا بتكلم معاه جاله تليفون استأذن وردّ
سمعت حديث دار بينه وبين المتصل بيبلغه ان تم تلافى الاضرار اللى حصلت للعربية الياريس
وتم تغيير البساتم والمكابس والشنابر والجوان
من الاخر السبيكة اللى جواها بعيد عنكم ساااااح (انصهر) نتيجة الارتفاع الشديد لحرارة السيارة
انا طبعا كنت مذهول:sorry:
ايه دا؟
شىء غريب الحرارة وصلت كام يعنى !!!!!!!!!!!
اللى حصل باختصار ان صاحبة العربية وهى من أهل مدينه السويس سافرت من السويس الى القاهرة رغم انها وجدت لمبة الحرارة لونها احمر ولم تأخذ فى اعتبارها مدى خطورة هذا
فحصل الى حصل
فرجاء خاص لكل مالكى هذه العربية الجميلة مراعاة درجة حرارة السيارة وبالذات السيدات مع احترامى لهم جميع بس فعلا سعات بتعدى عليهم اشياء ممكن فعلا تكون خطر على السيارة وعلى من بداخلها مع ان الخطء وارد اى كان رجل ام امراة بس بما ان صاحبة السيارة امرأه حبيت الوم على السيدات:laugh6:
ربنا يحفظكم ويرعاكم

اقتباس:

---

المشاركة الأصلية كتبت بواسطة ZIMOFOX

اخوانى فى الله
السلام عليكمورحمة الله وبركاتة اليوم كنت فى توكيل تويوتا ايجيبت
كنت قاعد على مكتب احد الافاضل ال sales manager
وانا بتكلم معاه جاله تليفون استأذن وردّ
سمعت حديث دار بينه وبين المتصل بيبلغه ان تم تلافى الاضرار اللى حصلت للعربية الياريس
وتم تغيير البساتم والمكابس والشنابر والجوان
من الاخر السبيكة اللى جواها بعيد عنكم ساااااح (انصهر) نتيجة الارتفاع الشديد لحرارة السيارة
انا طبعا كنت مذهول:sorry:
ايه دا؟

---

يا انهار ازرق , الموتور ساح ......
طيب هو السؤال الان , لية الحرارة ارتفعت لهذة الدرجة فى الموتور ؟؟

الكلام ده ممكن يحصل لأي عربية في نفس الظروف

اقتباس:

---

المشاركة الأصلية كتبت بواسطة wawoo

يا انهار ازرق , الموتور ساح ......
طيب هو السؤال الان , لية الحرارة ارتفعت لهذة الدرجة فى الموتور ؟؟

---

ممكن تكون فعلا قرصت على العربية جامد وهيه ناقصه مايه اوفيها عيب الله اعلم

اقتباس:

---

المشاركة الأصلية كتبت بواسطة Chicco

الكلام ده ممكن يحصل لأي عربية في نفس الظروف

---

بالفعل اخى ممكن يحصل لاى عربية بس هنا بنتكلم عن الياريس اللى ميتر الحرارة بتاعها مش امبير مدرج تدريجيا تقدر تتابع فيه الحرارة بحاساس temp grade sensor
لا ديه لمبة ليها تقريبا 3 الوان
اخضر اوكيه
برتقالى تيك كير
احمر مشكلة
واخوانى ممن يمتلكون السيارة ممكن يحكوا بتمعن اكتر فى الموضوع
يعنى ممكن تكون اخضر فجأه بقدرة قادر تلاقى نفسك اللمبة لونها اصبح احمر يعنى انت فى خطر
انا اعتبرة عيب فى العربية بالذات لمن يتكاسلون عن نقطة ارتفاع الحرارة لانه شىء خطير ومهم
---------------------------------------
-اعتذر لاسرة الاشراف انى استخدمت اللون الاحمر

فهمت قصدك يا zimofox باشا .....النقطة ديه فعلا محتاجة تركيز أكتر لأن ما فيش أمبير .....يبقى لو اللمبة نورت أحمر لا مجال للسير إطلاقا

انت فيييين يا دموع :) تعالي شوفي اللي حصل للياريس

اكيد علي طريق السفر جريت بالعربية و العربية مفهاش ميه يعني عنصر التبريد مفقود بالتالي الموتور قال خاف الله خاف و ساح :d ربنا يعوض عليها

عادي جدا جدا انه يحصل زي الدكتور هشام ما بيقول.
ممكن يكون خرطوم الكليبسات بتاعه فكت
او ساح
او فار طلع اكل خرطوم
الميه نقصت
لمبه الحراره نورت
هيا ما اخدتش بالها
الموتور راح بالسلامه
اما عاوزين ايه يعني يحصل نتيجه الاهمال؟؟

اقتباس:

---

المشاركة الأصلية كتبت بواسطة hazem_khidr

عادي جدا جدا انه يحصل زي الدكتور هشام ما بيقول.
ممكن يكون خرطوم الكليبسات بتاعه فكت
او ساح
او فار طلع اكل خرطوم
الميه نقصت
لمبه الحراره نورت
هيا ما اخدتش بالها
الموتور راح بالسلامه
اما عاوزين ايه يعني يحصل نتيجه الاهمال؟؟

---

مين دكتور هشام ده يا برنس كاظم :laugh6:
بس حلوة حكاية الفار اللي أكل الخرطوم ديه :laugh6:....
سؤال بقى باعتبارك من ملاك الياريس ....هي لمبة الحراره في الياريس بتنور أحمر بس و لا فيها تدريج زاي ما الأخ zimofox قال

اقتباس:

---

المشاركة الأصلية كتبت بواسطة hazem_khidr

عادي جدا جدا انه يحصل زي الدكتور هشام ما بيقول.
ممكن يكون خرطوم الكليبسات بتاعه فكت
او ساح
او فار طلع اكل خرطوم
الميه نقصت
لمبه الحراره نورت
هيا ما اخدتش بالها
الموتور راح بالسلامه
اما عاوزين ايه يعني يحصل نتيجه الاهمال؟؟

---

هههههههههههههه والله العظيم ضحكت بصوت عالى
يعنى الفار طلع ناصح
وذكى جدا جدا
ملاقاش الا خرطوم الماية تفتكر جوزها مسلط الفار عليها؟

اقتباس:

---

المشاركة الأصلية كتبت بواسطة Chicco

مين دكتور هشام ده يا برنس كاظم :laugh6:
بس حلوة حكاية الفار اللي أكل الخرطوم ديه :laugh6:....
سؤال بقى باعتبارك من ملاك الياريس ....هي لمبة الحراره في الياريس بتنور أحمر بس و لا فيها تدريج زاي ما الأخ zimofox قال

---

سوري
قصدي شيكو باشا
بالنسبه للتدريج مافيش:(
يا اخضر
يا احمر
اللون البرتقالي دا مش بتحبه
كان معايا ايكو في الامارات و اللمبه الحمرا نورت مني وقفت فورا زودتها مياه عاديه
و اللمبه طفت و كملت المشوار
بس كانت مستلمها من واحد مهمل و غلطتي اني سيبتها للشركه تعمل فحص ليها
و طلعت مشوار من ابو ظبي للعين لدبي لابو ظبي تاني حاجه كده قيمه 800كيلو
و نورت في ابو ظبي قبل ما اوصل السكن

اقتباس:

---

المشاركة الأصلية كتبت بواسطة ZIMOFOX

هههههههههههههه واللع العظيم ضحكت بصوت عالى
يعنى الفار طلع ناصح
وذكى جدا جدا
ملاقاش الا خرطوم الماية تفتكر جوزها مسلط الفار عليها؟

---

انا بدي مثل يا زيمو باشا
يعني اللي جه في بالي فار
ممكن تكون قطه او ما شابه ذلك من الحاجات اللي بتيجي تحت العربيه.

حكاية الفار ديه ممكنة جدا يا سنيور زيموس .....حصلت معايا زمان في ال-١٢٨ ..فار أو عرسة قرقضت سلك و عملت ماس في العربية

ما انا بقولك يا باشا
لان مره كنت بضبط وش سلندر من 8 سنين كده
لقيت وش سلندر بتاع عربيه ليجانزا
الراجل قالي ان فيه فار قرقض خرطوم ميه الميه اتسربت و العربيه سخنت و الوش باظ
علشان كده افتكرت الفار

اقتباس:

---

المشاركة الأصلية كتبت بواسطة hazem_khidr

ما انا بقولك يا باشا
لان مره كنت بضبط وش سلندر من 8 سنين كده
لقيت وش سلندر بتاع عربيه ليجانزا
الراجل قالي ان فيه فار قرقض خرطوم ميه الميه اتسربت و العربيه سخنت و الوش باظ
علشان كده افتكرت الفار

---

ما لكش حل يا سنيور ....متألق دائما :laugh6:

الله يخليك يا دكتور
تشجيعك دا دائما بيدفعني للامام:)

اقتباس:

---

المشاركة الأصلية كتبت بواسطة hazem_khidr

الله يخليك يا دكتور
تشجيعك دا دائما بيدفعني للامام:)

---

ما تقولش الكلام ده يا صديقي ...أنت ما شاء الله عليك مش محتاج دفع أمامي .......4WD يعني يا مستر زوما :laugh6:

اقتباس:

---

المشاركة الأصلية كتبت بواسطة Chicco

ما تقولش الكلام ده يا صديقي ...أنت ما شاء الله عليك مش محتاج دفع أمامي .......4WD يعني يا مستر زوما :laugh6:

---

:biggrin24::biggrin24::biggrin24::biggrin24::biggr in24::biggrin24::biggrin24:
لالالالا
جامده يا دكتور
انا وقعت علي الارض من الضحك
ما تحرمش منك يا رب

عنوان الموضوع ملفت جدا فى حين ان محتواه ليس بهذه الدرجه

اى عربيه مؤشرها يبين سخونة موتورها لابد من التوقف ومعالجة السبب فورا والا عدم التحرك بها

كنا نعيب على الياريس لو ان نظام اللمبه ثبت فشله وهذا ما نسمعه عنه حتى الآن

واعتقد لو شركة تويوتا تأكدت من عدم كفاءة نظام لمبة الحراراه كانت عدلتها

اقتباس:

---

المشاركة الأصلية كتبت بواسطة ابوشريف

عنوان الموضوع ملفت جدا فى حين ان محتواه ليس بهذه الدرجه

اى عربيه مؤشرها يبين سخونة موتورها لابد من التوقف ومعالجة السبب فورا والا عدم التحرك بها

كنا نعيب على الياريس لو ان نظام اللمبه ثبت فشله وهذا ما نسمعه عنه حتى الآن

واعتقد لو شركة تويوتا تأكدت من عدم كفاءة نظام لمبة الحراراه كانت عدلتها

---

بصراحة انت لو مكان صاحبة العربية كنت هتشعر بالمأساة
انت عارف يعنى ايه البساتم تنصهر!!!!!
وكلنا معرضين لذلك صح؟
يبقى اى نصيحة ممكن توجة لينا من اى حد اكيد بنتعلم منها
كنت لازم اعمل قفيش للموضوع زي ده عشان يلفت النظر لاهمية الموضوع
تقبل تحياتى
ورمضان كريم:driving:

يا اخواني اللمبة الحمرا لما تضئ ده مش معناه ان درجة الحرارة بقت 100 وبتغلي يعني

وانما ده معناهانك دخلت في نطاق الحرارة الغير طبيعيه
انا معرفشي كام بالظبط

ولكن هما مشهبل علشان يعملوا العربيات لما تغلي تبقى تنور يعني

بدليل ان اللمبة الخضراء بتفضل منورة لفترة وانت مشغل العربيه والمفروض ان العربيه بتسخن وانت مشغلها
ولكن اللمبة بتفضل منورة لحد ما الحرارة تبقى مثلا في الوسط وساعتها بتطفي
يعني لها رينج معين مش درجة حرارة واحده تقف عليها بس

بس هوا عموما النظام الجديد في العربيات الجديدة ده مش بس الياريس

بتاع التحذير بلمبة بدلآ من مؤشر الحرارة التقليدي

فيه ناس كتير متضايقة منه

لأنها مش واخدة عليه ،،

عموما كل واحد سواء راجل او ست يخلي باله من المؤشرات دي

لأنها معمولة للحفاظ علي السيارة

يا احمد باشا
النظام دا كان في ال 128 العاده موديل 72
و برضه كنت بتخنق منه:(

اقتباس:

---

المشاركة الأصلية كتبت بواسطة hazem_khidr

يا احمد باشا
النظام دا كان في ال 128 العاده موديل 72
و برضه كنت بتخنق منه:(

---

بس هناك فرق

ال 128 كان فيها لمبه واحده حمرا وكانت بتنور نص نص فى بداية السخونه

وتزداد اضاءة اللمبه تدريجيا كلما زادت الحراره

ومعاك حق فعلا كان نظام يخنق

هتلاقوا الهانم زي كل الستات من اول الصيف ده وهي مامالتش القربة مياة وسابتها

لغاية لما المياة اتبخرت كل الستات معندهمش تفكير بضرر ده او ان العربية تملى مياة

كويس انهم بيملوها بنزين اصلاً

واحدة الى كانت سايقة مش لازم تاخد بالها و ربنا يعوض عليها

هي شكل العلامة دي ايه اصلا

مرفق صورة لشكل العلامة فى المرفقات

الجزء اللى فوق .... هذه هى العلامة ويكون لونها احمر

الجزء الاسفل العلامه دى بتنور لما بتكون العربية بارده وبيكون لونها اخضر

بس انا عايز اقول ان اللى حصل ده عيب مستخدم وليس عيب عربيه .. لان ممكن يحصل مع اى عربيه مادام السائق مكبر

فالأولى التحذير يكون عام

3 اسباب للحوادث فى مصر
العربيات النقل
الميكروباصات
الستات

مادام يا جماعة فى لمبات اقل درجة من المبة الحمراااا(حلوة اللمبة الحمرا دى ) يبقى خلاص الموضوع كدا عادى وزيها زى المؤشر الطبيعى ..لكن انا كنت فاكر انها بتنور احمر على طول ...الموضوع دا عامل زى مؤشر البنزين يبقى العداد فيه 3 شرط مثلا ومره واحدة تلاقيه بقى شرطتين...الصراحة انا كاره المؤشر بتاع البنزين (رغم انه اروش بكتير من القديم) بس بحث انه ليه دور فى ان النزين بيخلص بسرعة (انا فاهم طبعا انه ملوش علاقة احسن حد يتريق عليا)....

اقتباس:

---

المشاركة الأصلية كتبت بواسطة mohamed_elaidy

3 اسباب للحوادث فى مصر
العربيات النقل
الميكروباصات
الستات

---

صدقت القول يا عايدي و الله :laugh6::laugh6::laugh6:

ايه دا دا طلعت لمبة واحدة يعنى اما العربية فى الطبيعة ولو سخنت يبقى احمر على طول ..انا فهمت غلط وكنت فاكر ان فى الوان تانية قبل الاحمر منا مجربتش قبل كده وطبعا مش عاوز اجرب وان شاء الله محدش فيكم يجرب على الطبيعة...بس كده يبقى المؤشر القديم اكيد احسن من دا...الفكرة ان العالم دول فى اليابان العربيات عندهم نادر لما بتسخن بسبب الرفاهية الى فيها العربيات هناك (العربيات بتتزحلق هنااك)..اما هنا ربنا يكون فى عون الياريس وغيرها بهدلة واخر مرمطة..