تحذير لكل من يمتلك( الياريس) وخاصة السيدات

**ZIMOFOX** · 31-08-2008 04:31 AM

اخوانى فى الله
السلام عليكمورحمة الله وبركاتة اليوم كنت فى توكيل تويوتا ايجيبت
كنت قاعد على مكتب احد الافاضل ال sales manager
وانا بتكلم معاه جاله تليفون استأذن وردّ
سمعت حديث دار بينه وبين المتصل بيبلغه ان تم تلافى الاضرار اللى حصلت للعربية الياريس
وتم تغيير البساتم والمكابس والشنابر والجوان
من الاخر السبيكة اللى جواها بعيد عنكم ساااااح (انصهر) نتيجة الارتفاع الشديد لحرارة السيارة
انا طبعا كنت مذهول
ايه دا؟
شىء غريب الحرارة وصلت كام يعنى !!!!!!!!!!!
اللى حصل باختصار ان صاحبة العربية وهى من أهل مدينه السويس سافرت من السويس الى القاهرة رغم انها وجدت لمبة الحرارة لونها احمر ولم تأخذ فى اعتبارها مدى خطورة هذا
فحصل الى حصل
فرجاء خاص لكل مالكى هذه العربية الجميلة مراعاة درجة حرارة السيارة وبالذات السيدات مع احترامى لهم جميع بس فعلا سعات بتعدى عليهم اشياء ممكن فعلا تكون خطر على السيارة وعلى من بداخلها مع ان الخطء وارد اى كان رجل ام امراة بس بما ان صاحبة السيارة امرأه حبيت الوم على السيدات
ربنا يحفظكم ويرعاكم

**wawoo** · 31-08-2008 04:36 AM

المشاركة الأصلية كتبت بواسطة ZIMOFOX

اخوانى فى الله
السلام عليكمورحمة الله وبركاتة اليوم كنت فى توكيل تويوتا ايجيبت
كنت قاعد على مكتب احد الافاضل ال sales manager
وانا بتكلم معاه جاله تليفون استأذن وردّ
سمعت حديث دار بينه وبين المتصل بيبلغه ان تم تلافى الاضرار اللى حصلت للعربية الياريس
وتم تغيير البساتم والمكابس والشنابر والجوان
من الاخر السبيكة اللى جواها بعيد عنكم ساااااح (انصهر) نتيجة الارتفاع الشديد لحرارة السيارة
انا طبعا كنت مذهول

ايه دا؟

يا انهار ازرق , الموتور ساح ......
طيب هو السؤال الان , لية الحرارة ارتفعت لهذة الدرجة فى الموتور ؟؟

**Chicco** · 31-08-2008 04:42 AM

الكلام ده ممكن يحصل لأي عربية في نفس الظروف

**ZIMOFOX** · 31-08-2008 04:48 AM

المشاركة الأصلية كتبت بواسطة wawoo

يا انهار ازرق , الموتور ساح ......
طيب هو السؤال الان , لية الحرارة ارتفعت لهذة الدرجة فى الموتور ؟؟

ممكن تكون فعلا قرصت على العربية جامد وهيه ناقصه مايه اوفيها عيب الله اعلم

**ZIMOFOX** · 31-08-2008 04:51 AM

المشاركة الأصلية كتبت بواسطة Chicco

الكلام ده ممكن يحصل لأي عربية في نفس الظروف

بالفعل اخى ممكن يحصل لاى عربية بس هنا بنتكلم عن الياريس اللى ميتر الحرارة بتاعها مش امبير مدرج تدريجيا تقدر تتابع فيه الحرارة بحاساس temp grade sensor
لا ديه لمبة ليها تقريبا 3 الوان
اخضر اوكيه
برتقالى تيك كير
احمر مشكلة
واخوانى ممن يمتلكون السيارة ممكن يحكوا بتمعن اكتر فى الموضوع
يعنى ممكن تكون اخضر فجأه بقدرة قادر تلاقى نفسك اللمبة لونها اصبح احمر يعنى انت فى خطر
انا اعتبرة عيب فى العربية بالذات لمن يتكاسلون عن نقطة ارتفاع الحرارة لانه شىء خطير ومهم
---------------------------------------
-اعتذر لاسرة الاشراف انى استخدمت اللون الاحمر

**Chicco** · 31-08-2008 05:00 AM

فهمت قصدك يا zimofox باشا .....النقطة ديه فعلا محتاجة تركيز أكتر لأن ما فيش أمبير .....يبقى لو اللمبة نورت أحمر لا مجال للسير إطلاقا

**katkootaya** · 31-08-2008 05:02 AM

انت فيييين يا دموع :) تعالي شوفي اللي حصل للياريس

**mohamed ibiza** · 31-08-2008 05:02 AM

اكيد علي طريق السفر جريت بالعربية و العربية مفهاش ميه يعني عنصر التبريد مفقود بالتالي الموتور قال خاف الله خاف و ساح :d ربنا يعوض عليها

**hazem_khidr** · 31-08-2008 05:15 AM

عادي جدا جدا انه يحصل زي الدكتور هشام ما بيقول.
ممكن يكون خرطوم الكليبسات بتاعه فكت
او ساح
او فار طلع اكل خرطوم
الميه نقصت
لمبه الحراره نورت
هيا ما اخدتش بالها
الموتور راح بالسلامه
اما عاوزين ايه يعني يحصل نتيجه الاهمال؟؟

**Chicco** · 31-08-2008 05:32 AM

المشاركة الأصلية كتبت بواسطة hazem_khidr

عادي جدا جدا انه يحصل زي الدكتور هشام ما بيقول.
ممكن يكون خرطوم الكليبسات بتاعه فكت
او ساح
او فار طلع اكل خرطوم
الميه نقصت
لمبه الحراره نورت
هيا ما اخدتش بالها
الموتور راح بالسلامه
اما عاوزين ايه يعني يحصل نتيجه الاهمال؟؟

مين دكتور هشام ده يا برنس كاظم

بس حلوة حكاية الفار اللي أكل الخرطوم ديه

....
سؤال بقى باعتبارك من ملاك الياريس ....هي لمبة الحراره في الياريس بتنور أحمر بس و لا فيها تدريج زاي ما الأخ zimofox قال

الموضوع: تحذير لكل من يمتلك( الياريس) وخاصة السيدات

LinkBack

أدوات الموضوع

عرض

تحذير لكل من يمتلك( الياريس) وخاصة السيدات - انشر الموضوع فى :

-

-

-

المواضيع المتشابهه

تحذير :سرقة بالإكراه وتحرش داخل عربة السيدات بمترو الأنفاق(حدث وقد يتكرر بشدة)

تحذير :سرقة بالإكراه وتحرش داخل عربة السيدات بمترو الأنفاق(حدث وقد يتكرر بشدة)

تحذير هام لكل من يمتلك سيارة مؤمن عليها فى ظل الاحداث الحالية

سؤال لكل من يمتلك الياريس

تحذير لكل من يمتلك Gmc

الكلمات الدلالية لهذا الموضوع

المفضلات

المفضلات

ضوابط المشاركة