السلام عليكم انا احمد و دى اول مشاركة ليا فى المنتدى الجميل ده
انا حاليا معايا فيات سيينا 1400 و ناوى اغير بلوجان رغم ان السيينا ممتازة و سواقتها حلوة لكن شكلها وحش الصراحة و بتاكل بنزين كتيير فى الزحمة
فانا طالب رأى اصحابها و ذوى الخبرة من الموقع المتميز ده
معروض قدامى لوجان 2011 مانيوال فل اوبشن ب 60 الف , بس انا سمعت ان للوجان عيوب تكاد تكون " كارثية "

1 - صوت الموتور عالى و الكارثة دواسة البنزين بتثبت مكان ما سبتها ثوانى و ترجع مكانها تانى شوفوا الفيديو القصير ده https://www.youtube.com/watch?v=0-JjvAr5Y18
2- حرارة عند الدواسات
3- اشارة المارش واحدة بس و الناحية التانية شابورة
4- مكان الكلاكس
5-كهربتها فيها شرايح الكترونية التوكيل بس يتعامل معاها و( وانا من اسيوط يعنى شغلانة صعبة)
6-الباور تقيل شوية و ياريت اللى جرب سيينا يفيدنى بذات فى دى اصل انا مسوقتش غيرهم اتنين بيجو 504 و السيينا فمش عارف تقيل ازاى ؟
7-مفيش لمبة فى الصالون الخلفى و الشنطة
8-أقلهم ضررا الخلفية العامة للعربية البرتقالى شكلها و حش ( ممكن تتغير؟) اصل الصراحة لو منظرها كده برتقالى فاقع انا مش هبص على العدادات اصلا
9- زراير الازاز وانا فى رأيى مش مهم مكانها

بالكلام اللى سمعته دى مش عربية 2011 دى بالعافية 2002 زى السيينا تكنولوجيا حديثة من بدايتها , يعنى الرينو عشان تعمل حاجة رخيصة جابت التكنولوجيا الباور و كده بس كانها حاجة جديدة و ليها حدودها البسيطة