تويو اليابانى ول بريدجيستون الاندونيسى ول ميشلان الانجليزى ؟؟

**ahmed52005** · 23-07-2013 02:22 AM

كل عام وانتم بخير
انا قررت اغير الكاوتشات ف انا استقريت على نوعين تويو اليابانى ودى سالت عليه الفرده عمله 485 او برديجستون الاندونيسى ودى الفرده عمله 525
انا اصلا كنت عايز اشترى بريدجيستون يابانى الترونزا بس للاسف كلمت التوكيل قالى مقاسى مفيش منه تورنزا ومفيش منه بريدجستون يابانى اصلا والنوع الوحيد الموجود هو الاندونيسى b250
دى اللى هو متوافق مع مقاسى اللى هو 14/70/185
ف انا طبعا قريت كتير عن النوعين لقيت ان التويو فرده كويسه ولكن يقال ان عيوبها انها بتعوم فى التسارع ومع الفرامل على السرعات العاليه لانها طريه ودى العيب الوحيد اللى قريته عنها
اما البريدجيستون الاندونيسى b250 ف انا قريت ناس كتير كانت بتشكتى منه من حيث الجوده وبيقولو الكاوتش ناشف والبريدجيستون ياما يابانى ياما بلاش وانا متفق مع الراى دى برضو
فى برضو ميشلان الانجليزى سالت عليه الفرده عامله 590 مش عارف بقا الميشلان يبقا كويس للكرولا ول بيبقا ناشف اصلى اسمع انه بيركب للعربيات ال لاند كروزر والجيب
للعلم العربيه كورولا 2004 وهيا اصلا كانت نازله ب التويو اليابانى
شكر ومنتظر ردود الناس اللى عندها فكره عن النوعين وايه افضلهم وهل فى انواع يابانى تانيه ممكن تكون افضل

**kisho55555** · 23-07-2013 03:19 AM

فى نوعين من الكاوتشات تجيبهم او متجيبش غيرهم لو انت عايز تريح دماغك ... والنوعين بري\جستون
1- اليابانى ... تجيب Turenza er 90 او Er 330 ... دول فرده جميلة جدا ..
2- الاندونيسى ... b250 اوعى تجيبه ... هات ال My-01 فردو اندونيسى نقشة سرعات ..

تدخل بعد كدا على اليوكوهاما اليانانى او الدانلوب ... بس كدا ...

كلامى عن تجربة ... كومهو - برديجستون B250 - Turenza er30 - نسر - هانكوك - ديستون - بيريلا - جى تى ..

**chiko** · 23-07-2013 04:35 AM

انا لسه جايب برجستون بالسعر القديم 425 للفرد و لما اشتريت اكتشفت انه الاصلي و موجود منه نوعين فرنساوي و ياباني و بتاخد معاه ضمان .. سعره بره 680 للفرد .. لحد تلوقتي مش عارف الراجل ده ادهوني بالسعر ده ازي .. الراجل في شارع الجزائر المعادي قبل مونجيني علي طول ..

**ahmed52005** · 23-07-2013 01:51 PM

المشاركة الأصلية كتبت بواسطة kisho55555

فى نوعين من الكاوتشات تجيبهم او متجيبش غيرهم لو انت عايز تريح دماغك ... والنوعين بري\جستون
1- اليابانى ... تجيب Turenza er 90 او Er 330 ... دول فرده جميلة جدا ..
2- الاندونيسى ... b250 اوعى تجيبه ... هات ال My-01 فردو اندونيسى نقشة سرعات ..

تدخل بعد كدا على اليوكوهاما اليانانى او الدانلوب ... بس كدا ...

كلامى عن تجربة ... كومهو - برديجستون B250 - Turenza er30 - نسر - هانكوك - ديستون - بيريلا - جى تى ..

انا معاك ان التورنزا gr 90 كاوتش هايل لكن انا زى م قولت مقاسى مفيش منه من النوع دى.
و دى اللى خلانى ابص على الاندونيسى بس شكله b250 مش كويس لان محدش قال عنه حاجه كويسه
ف انا محتار حاليا بين التويو ول الميشلان

**abo hamza** · 24-07-2013 01:04 AM

صدقني مفيش كاوتش في العالم بجوده ميشلان انه افضل كاوتش في مصر انا وكيل للشركه بالمنصوره ووكيل ايضا للبريدجستون

**ahmed52005** · 24-07-2013 01:48 AM

المشاركة الأصلية كتبت بواسطة abo hamza

صدقني مفيش كاوتش في العالم بجوده ميشلان انه افضل كاوتش في مصر انا وكيل للشركه بالمنصوره ووكيل ايضا للبريدجستون

التويو مش شغال فيه ؟؟

**gmslem** · 26-07-2013 02:01 AM

المشاركة الأصلية كتبت بواسطة abo hamza

صدقني مفيش كاوتش في العالم بجوده ميشلان انه افضل كاوتش في مصر انا وكيل للشركه بالمنصوره ووكيل ايضا للبريدجستون

انا معك تماما وعن تجارب مع اكثر من سيارة اضع الميشلان رقم 1 - بشرط انتاج حديث و دولة من ال 4 - و بعده البردجستون ...

بالتوفيق لاخونا صاحب الموضوع و اشتري ميشلان و ريح نفسك .... و ربنا يكرمك

**ahmed52005** · 29-07-2013 01:47 AM

شكرا ليكم يا جماعه
انا الحمد لله اشتريت ميشلان energy الفرده 590 كاوتش كويس وناعم بس صوته عالى شويه بس مش قوى وبيقولو انه موفر للبنزين بس لسا ملحظتش
شكرا وكل عام وانتم بخير