لا حول ولا قوة الا بالله كان نفسى أعملكم تقييم بس خلاص هبيع
رمضان كريم يا جماعه وكل سنه وانتو طيبين
اللهم أجرنى فى مصيبتى واخلفنى خيرا منها
بجد كان نفسى اعملكم تقييم شامل عن الفيفا بس ياخساره شكلى كده مليش نصيب
طبعا انا عملت موضوع لما استلمتها وعملت موضوع تانى لما اتخبطت وبعديها اتحكت تانى برده بس انا قلت الحمد لله وخلاص عديتها
ندخل فى الموضوع الوالد تانى خد العربيه وكان ماشى وداخل شارع فى أمان ربنا كان فى الشارع ده اتنين بيجرو بعربية حديد من اللى بيتنقل على بضاعة كراتين وحاجات وماشيين يجرو بيها ودخلو فيه
العربيه الباب اللى ورا السواق الصاج بتاعه اتفتح ودخل لجوه وهحط الصور فى الاخر
دلوقتى يا جماعه احنا كلنا متعكننين بسبب الحاجات ده يعنى العربيه يدوب لسه مكمله شهرين بس وممشيتش 1700 كيلو لسه وكنت مكسوف اصورهالكو عشان لسه مفرشتهاش وكنت حاطط فوق الاكياس فرش قديم مركبه بايدى والله
فا احنا قررنا نبيعها خلاص البلد ده حرام فيها اى حاجه
ياريت من اخواتى اللى بعزهم بجد وبثق جدا فى رايهم يعرفونى هيا بالزبط تسوى كام على الحاله
-العربيه دلوقتى مخبوطه فى الباب اللى ورا السواق ومفتوح
-عاوزه فانوس أمامى
-محكوكه فى الجنب اليمين جنب الشنطه حكه خفيفه خالص عاديه يعنى
-العربيه عامله 1700 كيلو
-اكياس الصالون والله لسه والشماسات مفتحتهاش لسه حته وباكياسها
-معاها حاجتها كامله كتالوج وكتاب الصيانه والاستبن والكريك وكله اللى مستلمه معاها فى العربيه موجود
-كل اللى عملته فيها تغيير زيت بس
-اتلينت الف كيلو
-العربيه لونها اسود
-كامله مانيوال زى اى فيفا يعنى مرايات كهرباء و4 ابواب زجاج
-سعر الشراء 68500 تمانيه وستين الف وخمسيه جنيه
كده تتسعر ازاى ويبقى اسمها كسر زيرو ولا يبقى اسمها ايه انا مش بفهم فى الحاجات ده
-
الصور
http://img184.imageshack.us/img184/7...overallwa3.jpg
الفانوس
http://img255.imageshack.us/img255/7114/lightbc6.jpg
الحكة
http://img514.imageshack.us/img514/536/scratchbe1.jpg
اخر حاجه حادثة الباب امبارح
http://img241.imageshack.us/img241/3...overallvc5.jpg
http://img511.imageshack.us/img511/4...oranglehs8.jpg
http://img181.imageshack.us/img181/6...rangle1tg6.jpg
واخيرا ادعولى ربنا يفرج همى