لا حول ولا قوة الا بالله كان نفسى أعملكم تقييم بس خلاص هبيع

**kind** · 31-08-2008 11:59 AM

رمضان كريم يا جماعه وكل سنه وانتو طيبين

اللهم أجرنى فى مصيبتى واخلفنى خيرا منها
بجد كان نفسى اعملكم تقييم شامل عن الفيفا بس ياخساره شكلى كده مليش نصيب

طبعا انا عملت موضوع لما استلمتها وعملت موضوع تانى لما اتخبطت وبعديها اتحكت تانى برده بس انا قلت الحمد لله وخلاص عديتها

ندخل فى الموضوع الوالد تانى خد العربيه وكان ماشى وداخل شارع فى أمان ربنا كان فى الشارع ده اتنين بيجرو بعربية حديد من اللى بيتنقل على بضاعة كراتين وحاجات وماشيين يجرو بيها ودخلو فيه

العربيه الباب اللى ورا السواق الصاج بتاعه اتفتح ودخل لجوه وهحط الصور فى الاخر

دلوقتى يا جماعه احنا كلنا متعكننين بسبب الحاجات ده يعنى العربيه يدوب لسه مكمله شهرين بس وممشيتش 1700 كيلو لسه وكنت مكسوف اصورهالكو عشان لسه مفرشتهاش وكنت حاطط فوق الاكياس فرش قديم مركبه بايدى والله

فا احنا قررنا نبيعها خلاص البلد ده حرام فيها اى حاجه

ياريت من اخواتى اللى بعزهم بجد وبثق جدا فى رايهم يعرفونى هيا بالزبط تسوى كام على الحاله

-العربيه دلوقتى مخبوطه فى الباب اللى ورا السواق ومفتوح
-عاوزه فانوس أمامى
-محكوكه فى الجنب اليمين جنب الشنطه حكه خفيفه خالص عاديه يعنى
-العربيه عامله 1700 كيلو
-اكياس الصالون والله لسه والشماسات مفتحتهاش لسه حته وباكياسها
-معاها حاجتها كامله كتالوج وكتاب الصيانه والاستبن والكريك وكله اللى مستلمه معاها فى العربيه موجود
-كل اللى عملته فيها تغيير زيت بس
-اتلينت الف كيلو
-العربيه لونها اسود
-كامله مانيوال زى اى فيفا يعنى مرايات كهرباء و4 ابواب زجاج
-سعر الشراء 68500 تمانيه وستين الف وخمسيه جنيه

كده تتسعر ازاى ويبقى اسمها كسر زيرو ولا يبقى اسمها ايه انا مش بفهم فى الحاجات ده

-
الصور

الفانوس

الحكة

اخر حاجه حادثة الباب امبارح

واخيرا ادعولى ربنا يفرج همى

**MOHAMED ABD EL SHAFY** · 31-08-2008 12:09 PM

بسم الله الرحمن الرحيم
السلام عليكم يا اخى العزيز
ربنا يعوضك خير إن شاء الله ويشيل العين منها
اولا نصيحة لوجه الله متبعش
الخبطات والكلام دا كله مش مشكلة انك تعمله سمكرها كويس وامشى بيها
طالما اساس العربية ومتورها سليم يبقى مفيش مشكلة إن شاء الله
اصرف عليها الف او اتنين واستمتع بيها كام سنة وبعدين بيعها هتبقى مستعملة زى اى سيارة جديدة بردة استعملت نفس المدة الزمنية واتخربشت او اتجرحت ورشت بردة هتكون نفس الموضوع
انا عارف ان الموضوع هيكون نفسى فقط انها لسا زيرو ورشت
توكل على الله وصلحها وإن شاء الله تستمتع بيها افضل ما تخسر فيها فلوس كتيير

**r0xer** · 31-08-2008 12:24 PM

الحمد لله أولاً إن أنت بخير و أهلك بخير و دا أهم شيء أصلاً طظ في الحديد.

ثانياً انا اول ما جبت اللانسر من سنتين عملت حادثة و دمرتلي البابين اليمين و الرفرف وكانت عاملة 2300 كيلو....وكنت فعلا بفكر زيك أبيعها و أكتئبت..ولكن أتصلحت و الحمد لله أخدت العين وبقت ماشية زي الفل و دلوقت أهو هحتفل بعمل 100 ألف كيلو بيها قريب :)

فيعني كبر دماغك و حاول تصرف عليها سمكرة وتتظبت و لكن لو بعتها هتخسر فيها كتير جدا و هيجيلك عقدة من العربيات كلها.

**MOHAMED ABD EL SHAFY** · 31-08-2008 12:44 PM

المشاركة الأصلية كتبت بواسطة r0xer

فيعني كبر دماغك و حاول تصرف عليها سمكرة وتتظبت و لكن لو بعتها هتخسر فيها كتير جدا و هيجيلك عقدة من العربيات كلها.

+111111111111111111

**kind** · 31-08-2008 02:35 PM

بسم الله الرحمن الرحيم
السلام عليكم يا اخى العزيز
ربنا يعوضك خير إن شاء الله ويشيل العين منها
اولا نصيحة لوجه الله متبعش
الخبطات والكلام دا كله مش مشكلة انك تعمله سمكرها كويس وامشى بيها
طالما اساس العربية ومتورها سليم يبقى مفيش مشكلة إن شاء الله
اصرف عليها الف او اتنين واستمتع بيها كام سنة وبعدين بيعها هتبقى مستعملة زى اى سيارة جديدة بردة استعملت نفس المدة الزمنية واتخربشت او اتجرحت ورشت بردة هتكون نفس الموضوع
انا عارف ان الموضوع هيكون نفسى فقط انها لسا زيرو ورشت
توكل على الله وصلحها وإن شاء الله تستمتع بيها افضل ما تخسر فيها فلوس كتيير

الحمد لله أولاً إن أنت بخير و أهلك بخير و دا أهم شيء أصلاً طظ في الحديد.

ثانياً انا اول ما جبت اللانسر من سنتين عملت حادثة و دمرتلي البابين اليمين و الرفرف وكانت عاملة 2300 كيلو....وكنت فعلا بفكر زيك أبيعها و أكتئبت..ولكن أتصلحت و الحمد لله أخدت العين وبقت ماشية زي الفل و دلوقت أهو هحتفل بعمل 100 ألف كيلو بيها قريب :)

فيعني كبر دماغك و حاول تصرف عليها سمكرة وتتظبت و لكن لو بعتها هتخسر فيها كتير جدا و هيجيلك عقدة من العربيات كلها.

اقتباس:
أرسل أصلا بواسطة r0xer

فيعني كبر دماغك و حاول تصرف عليها سمكرة وتتظبت و لكن لو بعتها هتخسر فيها كتير جدا و هيجيلك عقدة من العربيات كلها.

+111111111111111111

شكرا ليكم يا جماعه بس انا كنت عاوز أسعرها على الحاله وهل هتجيب اكتر لو صلحتها الأول ولا لأ ياريت حد يفيدنى وشكرا

**Ahmed Anwer** · 31-08-2008 02:49 PM

أعتقد تخصم مش اقل من عشرتلاف جنية من تمنها زيرو

**MOHAMED ABD EL SHAFY** · 31-08-2008 03:00 PM

سمكرها واسمع الكلام اوعى تبيع هتخسر كتيير اوى
ولو قافل معاك موضوع البيع بردة سمكرها هتتكلف يجى 1000 جنية وبيعها بس بردة هتخسر لكن بدرجة اقل لو بعتها وشكلها كدا

**brown-eyes** · 31-08-2008 03:18 PM

لاحول ولاقوة الا بالله
قدر الله ماشاء فعل
الحمد لله انك بخير وعموما مافيش داعي للتشاؤم لان الدين لا يدعو للتشاؤم من شيء
الحمد لله انها جت علي قد كده انا بردو كنت جايب عربية واتخبطت بعديها باسبوع وغيرت نص وراني والحمد لله وبعد كده ركبتها ومشيت بيها سنة
ربنا يصلحلك الحال ويبارك لك فيها

**mohamed_mohsen** · 31-08-2008 03:18 PM

نصيحتي ماتبيعهاش و صلحها و خلاص تبقي كده اخدت العين و خلاص
انا الفيرنا اول ما جيبتها حد ربنا يسامحه رشلي عليها مية نار خدت القابم اليمين و المرايه اليمين
بس قلت الحمد لله قدر الله و ما شاء فعل و رش الباب المحكوك و غير الفانوس و ماتبيعش لانها هتبقي احسن من الفلوس
تحياتي و ربنا يوفقك,,,,

**ahmed_su** · 31-08-2008 03:39 PM

يا أخونا العزيز ربنا يعوض عليك

اوع تفكر تبيع لان بالحالة دى منتهزى الفرص هيخسفو بتمنها الارض

وبعدين اللى فيها سهل جدا يتعالج ولن يتجاوز الالف جنيه ان شأالله وهترجع زى ماكانت

اتكل على الله وخد الخطوة وان شأالله مش هتندم

الموضوع: لا حول ولا قوة الا بالله كان نفسى أعملكم تقييم بس خلاص هبيع

LinkBack

أدوات الموضوع

عرض

لا حول ولا قوة الا بالله كان نفسى أعملكم تقييم بس خلاص هبيع - انشر الموضوع فى :

-

-

-

-

-

-

المواضيع المتشابهه

لا حول ولا قوة الا بالله .... الموتور راح خلاص

خلاص هبيع الجنوط 17

خلاص هسافر وجرب حظي وربنا يكرم ... ادعولي بالله عليكم

خلاص هبيع ابيزا 98

ارجوكم بقا انا بجد خلاص بقيت بكلم نفسى

الكلمات الدلالية لهذا الموضوع

المفضلات

المفضلات

ضوابط المشاركة