الموضوع: اشمعنا الجزيرة ؟

المشاركة الأصلية كتبت بواسطة ahmed_adham

طب سيبك من مديريات الامن وسيبك من الهجوم كمان على التحرير مرتين وسيبك من أي حادثه ممكن نختلف في تأويلها وزي ما بتقول صفحات الاخوان انه شغل أمن الدوله وان دول مش اخوان. تهديدات حجازي والبلتاجي وعاصم دي كمان فيها تأويل؟ دي كمان تبع أمن الدوله؟ اللي بيهدد غلطان حتى لو منفذش لأنه كده غطى على اللي هينفذ ويلبسه الجريمه وده في القانون يعني لو أنا هددتك وناس شهدو عليا وبعدين حصلك مكروه هكون أنا أول المتهمين بطبيعه الحال. هعوم على عومك وعوم المرسيين ان مش هما اللي عملو كده بس مادام هددو يتحملو مسءوليه تهديداتهم. ده برضه بافتراض انهم ملهمش يد في الحوادث اللي بتحصل كل يوم مع ان البلتاجي قالها صريحه مش هتقف العمليات في سينا الا لما مرسي يرجع الحكم واسمعها من بقه عشان متقولش اني بفتري

مش هعلق علي كلام بلتاجي او غيره لانهم بالنسبالي ملهمش اي قيمة لاني اصلا مش بايد الشرعية بناء علي كلامهم.


بالنسبه للصفحه اللي بتقول عليها. أنا عارف طبعا ان الصفحه دي فشنك وعلى فكره أنا كل ما أشوف تويته (زي بتاعت ابو الفتوح النهارده) متشيره بشكل صوره على الفيسبوك بدخل تويتر وأتأكد من وجودها ومصداقيه الاكونت اللي قالها قبد ما أعتمدها كمعلومه في تفكيري ومناقشاتي وعارف برضه ان فيه صفحات كبيره بتتسرق زي صفحه "منتدى شباب الاخوان المسلمين" اللي اتسرقت وبقى يتكتب عليها كلام غريب. طبعا مش كل الناس عندها القدره على تأكيد مصداقيه الاكونتات على تويتر ولا الفيس بوك بس النوع ده من الناس متقدرش تستشهد بيه لأن الطرف بتاعك عنده القدره على استغلاله بنفس الشكل يعني زي ما فيه ناس ضد الاخوان بتشوه فيه برضه ناس من الاخوان بتشوه وبتستقطب بنفس الطريقه بتزوير صور أطفال مقتوله في سوريا على انهم اتقتلو في احداث الحرس الجمهوري وأكيد انت شوفت من الصور دي كتير وأكيد برضه اتاكدت انها متصوره في سوريا ومنشوره في مواقع أخبار كتير بتاريخ قديم. ولو مشوفتش ممكن أشوفلك شويه يأكدو المثال.

برده الاخوان مش بالغباء المتكرر دددددده انهم يجيبو صور وهما عارفين ان اصغر عيل يقدر يطلع تاريخها ومكانها من عالنت. لا وكمان يكررو الفضيحة ده بعد ماعرفو ان الناس عرفتها. تعقلها حضرتك ؟؟؟؟؟؟؟

تعالى بقى نخرج من الدايره دي كلها ونرجع ليوم أخر خطاب لمرسي. أنا لو مكانه هخرج بشكل سلمي وموقفش جانبين من شعب أنا بحكمه يقتلو في بعض. مبارك عمل كده وانت عارف كويس جدا جدا انه لو عايز يهرب كان هرب وبدل الدوله 100 دوله كانو هيستقبلوه. مرسي والجماعه كان انانيين جدا هما كده كده عارفين انهم انتهو على الاقل سياسيا وفيه احتمال لمحاكمات وسجن زي زمان بس هما اختارو انهم ميروحوش لوحدهم ويشدو مؤيدينهم معاهم بأنانيه مفرطه واختارو يدخلو حرب هما متأكدين كويس انهم هيخسروها. مش القائد اللي يختار يدخل حرب 100% خسرانه ده يتحاسب على أوراح مؤيدينه اللي أقنعهم بأنهم يساندوه وان مساندتهم له "جهاد"؟ على أساس انه بيحارب كفار مشركين مش مسلمين زيه وربنا لوحده اعلم مين عند ربنا أحسن من مين. بيبقى اتنين واقفين في المسجد بيصلو كتفهم في كتف بعض تشوفهم تقول هياخدو نفس الثواب بس في الحقيقه ممكن واحد منهم يكون منافق بيصلي في المسجد عشان ياخد انطباع التدين من الناس يستغله في تجارته ومعاملاته وممكن حتى يكون سرحان ومش مركز في صلاته.

- اولا خلينا متفقين علي حاجة . مبارك مطلعش بسلمية. ده طلع بعد 18 يوم حصل فيهم قتل ودهس للناس فالشوارع علي ايد ناس بتحمي بقاءه فالرئاسة. ولما خرج مخرجش بمزاجه كدة والا كان عملها مع وقوع اول قتيل مادام عايز مصلحة البلد وارواح مواطنيه . والهروب مبارك اعند من انه يعملها ويظهر بصورة الهربان من بلده و خصوصا ان مكنش فالحسبان خخخخخخخالص انه يتحاكم ويترمي فالسجن. واحنا كشعب مكناش مصدقين اصلااااااااااا ان يوم محاكمته ممكن يظهر فالقفص.

أتمنى أسمع رأيك في تصرف مرسي والجماعه قدام موقف 30 يونيو ولو شايفه صح تقولي ايه الصح فيه وتتصور هينتهي الموقف لصالحهم ازاي. يعني هل العنف ده هيخلي الجيش يرجع في كلامه ويتأسف لمرسي مثلا؟ ولا تفتكر "المجاهدين" هيفضلو يحاربو لحد ما ينتصرو على الجيش عسكريا؟ ولا تفتكر تكرار العنف هيجيب تدخل اجنبي يوقف الجيش عند حده ويرجع مرسي للسلطه مثلا؟ أنا قبل 30 يونيو بفتره استبعدت في مشاركه هنا أي مواجهه بين الاخوان والجيش لأنها بالتأكيد هتنتهي بهزيمه الاخوان لأن فيه فرق شاسع بين الجيوش المنظمه وحروب الشوارع اللي بتعملها المليشيات بس نفسي أفهم ايه السيناريو اللي عايزين المؤيدين يوصلوله خصوصا المؤيدين السلميين زي المؤيدين هنا في المنتدى اللي زي حالاتي كده لو نزلو مظاهره بينزلو بدون سلاح ومعندهمش نيه لأي عنف لأن ببساطه ملهمش فيه. شايف السيناريو ايه لرجوع مرسي او الاخوان عموما للحكم؟

بصراحة بالرغم من تاييدي للشرعية وليس للشخص. بقول ان الخطا اللي حصل هو خطا تراكمي. بداية من مرسي انه تجاهل كل الحشود الرافضة ليه بس هو بنسبة كبيرة بيعتمد علي بقائه بشرعية وكمان مينفعش يخزل مؤيديه فالشارع اللي نازلين لبقائه ويقوم هو يقول انا همشي. انا اول واحد كنت هقوله عايز تمشي امشي بس لما تبقي جيت بصوتي يبقي تحترم صوتي وتكمل... تخيل نفسك مكانه كدة هتلاقيها متنفعش حضرتك ؟؟؟؟
والخطا التاني من السيسي انه تجاهل كل المؤيدين ( حتي لو المعارضين اكثر عددا ) مش دول مصريين برده وليهم طلبات ومن حقهم تتنفذ.

الحل من وجهة نظري كان هيبقي بايد السيسي مش بايد مرسي ( لان اي حلول عن طريق مرسي كانت هتبقي مرفوضة وسقف الطلبات هيعلي ... زي ماكان مبارك بيقول همشي بعد 6 شهور كدة والناس تقوله لا دلوقتي ) ... فكان الحل الامثل ان السيسي يعلن عن ( استفتاء ) علي انتخابات مبكرة ولا لاء ( نعم ----- لا ) وقبل النتيجة الكل ملتزم باحترام النتيجة ايا كانت.

( نعم ) ::: يبقي الرئاسة والحكومة تكمل تسيير اعمال واجراءات انتخابات رئاسية تتم فوراااااااا .... ومكناش هنخسر كتير لان دلوقتي اصلا ولا الرئيس المؤقت عمل حاجة ولا حكومته منتظر منها تعمل حاجة ( الوزارات اللي كان فيها مشاكل :: داخلية - بترول - كهربا - متغيروش علي فكرة )

( لا ) ::: يبقي يكمل مدته والشعب يتحمل اختياره عشان يتعلم بعد كدة يختار صح. ومحدش يفتح بقه تاني لحد مالمدة تنتهي وييجي معاد الانتخابات التالية.

متهيالي ده اللي بيحصل في الدول اللي عايزة تحترم تفسها وتحط اسس للدولة. انما هتمشي بمبدء البقاء للاقوي وقدرة الحشد يبقي مش هنخلص.

المشاركة الأصلية كتبت بواسطة khaled_nowaihy

الظاهر حضرتك ما بتتفرجش على قناة الجزيرة والقدس خالص
ما كنتش قلت الكلام ده

ياريت حضرتك يااستاذ خالد تقولي اللي انا مشفتوش ممكن اكون مخطيء.

المشاركة الأصلية كتبت بواسطة Ahmed_Adham

مش ظاهر هنا في الاقتباس غير الجمله دي لأن الباقي انت كتبته جوه كلامي بس هرد على كله.

طبعا لازم تعلق على كلام البلتاجي وتنتقده وترفضه لأنه ضد مبادءك وهوه بيحرض على العنف بشكل واضح ميقبلش جدال ولا اقتطع من السياق ولا أي حجج واهيه. لازم ترفض ده وبشده وقت ما حصل وبدون دعوه من حد.

مع كامل احترامي لحضرتك يااستاذ احمد بس حضرتك مش مسموحلك تقولي لازم اقول ايه ومقولش ايه . زي ما انا مالزمتش حضرتك تجيب تعليق لحضرتك قديم تدين فيه اللي البلاك بلوك عملوه فالابرياء فالشوارع فقط لانهم بدقون. او حرق عساكر في مدرعاتهم. عشان من مباديء حضرتك رفض العنف في حق الابرياء وعساكر الشرطة والجيش. الا بقي لو حضرتك شايق ان السلفي او الاخواني مش مواطن. واللي اتحرقو فالمدرعات مش عساكر.

بالنسبه لانسحاب مرسي مكنش يبقى خذل لمؤيديه أكتر من انه يبقى حقن للدماء والحفاظ على ترابط البلد لكن تاخد خطوه انت متأكد انها هتسبب (أو تقوي) الانقسامات وكمان تستدعي قوى خارجيه للتدخل تبقى كده مفكرتش في الوطن والدوله. الصوره الكبيره أولى واهم. 86 مليون اولى من 13 مليون انتخبو مرسي. زي ما قلتلك مرسي والقيادات صعب عليهم يتعاقبو لوحدهم وعايزين يعاقبو البلد كلها أو على الاقل شباب الجماعه معاهم. صعب عليهم انهم يتسجنو وولادهم يشوفوهم في زيارات السجن وشباب الجماعه يكملو حياتهم عادي. أنا مش شايفها غير كده. انانيه ونرجسيه بحته.

ومين قال لحضرتك ان انسحاب مرسي كان هيبقي حقن للدماء والحفاظ علي ترابط البلد ... هو ليه حضرتك وكتير من الناس مش عايز تصدق ان كتير من اللي فالشارع نازلين دفاعا عن اصواتهم والتعب اللي تعبوه فالوقفة فالزحمة والشمس عشان يختارو بحرية لاووووووووووول مرة في عمرهم وليس دفاع عن اشخاص اشخاص.

وانا قولت لحضرتك فالتعليق السابق ( لو كان انسحب ) انا اول اللي هيقوله عايز تمشي امشي بس لازم تحترم اختياري وصوتي وتكمل رغما عنك لانك مجتش بمزاجك عشان تمشي بمزاجك.

انت لما يطلع ناس عليك وانت معاك مراتك وعيالك ويقولولك طلع محفظتك تديهالهم مقابل سلامتك وسلامه اهلك ولا تعمل بطل ويمكن تموت وتسيب اهلك بين ايدين المجرمين مش عارف هيعملو فيهم ايه؟ وقتها صوت العقل بيقولك سلامه الكيان الاكبر اهم من نفسك.

اعتقد ان ده مثال في غير محله . لان حضرتك خانك التعبير وبتشبه اللي نزل 30-6بالبلطجية وقطاع الطرق اللي طلعو عالرئيس وخيروه يااما تتنحي او يحصل مالا يحمد عقباه. ولازم من العقل وقتها ان الرئيس يتنحي تحت تهديد البلطجية عشان يحمي باقي الشعب.

وأيه الاخوان أغبيا ان مكنش لأنهم عملو الحوادث دي فعلا ولغو فرصه أي تعاطف من أي حد معاهم فلأن كل قيادات الجماعه بلا استثناء حرضو للعنف بشكل صريح وعلني قدام الجميع بالفيديو فميلوموش الا نفسهم لو حتى حد لبسهم جرايم مرتكبوهاش لأنهم ببساطه حطو نفسهم موضع شك يعني مينفعش واحد ينط على سور بيت مش بيته ويزعل لما الناس تتهمه بمحاوله سرقه البيت. ولا ايه؟ برضه ده كله بافتراض مني لبراءه الاخوان من الحوادث اللي بتحصل كل يوم في سينا أو القاهره والمحافظات ولو اني مش مقتنع ببرائتهم خالص.

زي مالمعارضين كانو بيقولو ان جبهة الانقاذ لا تمثلهم. برده فين مؤيدين ( للشرعيـــــــــــــــــــ ة ) ميهمهش قيادات الاخوان بتقول ايه وبتعيد ايه . ليه بتحرمو عالمؤيدين اللي بيعملوه المعارضين ؟؟؟؟؟؟؟

طب تقول ايه في وجود عاصم عبد الماجد في مؤتمر استاد القاهره وحضنه لمرسي بعد ما طلع على قناه الحافظ قال "قتلانا في الجنه وقتلاهم في النار"؟ يبقى كده عندك رئيس دوله بيدعم العنف عايزها تولع بس يفضل هوه سليم. رئيس دوله بيرعى الارهاب وبيشجعه. أنا لما شوفت مرسي لما كان بيستقبل العساكر المخطوفين بدون ما يغضب في الشاشه ولا يهدد اللي خطفوهم بانهم هياخدو جزاءهم وفي نفس الوقت افتكرت لما طلع بعد احداث الاتحاديه متعصب وبيشوح ومتشنج عشان اللي ماتو من الاخوان اتاكدت ان الراجل ده خاين وعنده اولويات تانيه غير "بلده" ككل مش جزء وجزء. ويوم ما شوفت أخر خطاب ليه كان 2 يوليو تقريبا ولما قال هدافع عن الشرعيه بدمي عرفت انها دعوه لحرب أهليه لأنه ببساطه عارف انه هيتسجن فمش هيدافع بدمه ولا حاجه انما الشباب هما اللي هيدافعو.

زي منا مش بعلق علي اي كلام من شخوص معارضة حتي لو كانت مستفزة . بطبق ده برده عالمؤيدين مهما كانت مستفزة وغير مقبولة. لانهم لا يمثلوني فمش بوجع دماغي بالرد عليهم.

بالمناسبه فين ولاد البلتاجي وعصام العريان ومحمد بديع ومحمد مرسي من الاحداث؟ ملهمش نفس يدافعو عن شرعيه الرئيس اللي انتخبوه والجماعه اللي بيقودها أبهاتهم؟

ده جانب شخصي وحياة شخصية مليش دعوة بيها ومبشغلش نفسي بيها. لان نزولهم او عدمه ولا هيزيد شيء ولا هيقلله.

وبالمناسبة برده ممكن حضرتك تسال : فين ولاد صباحي وعمرو موسي والبرادعي وبقيت الرموز المعارضة ؟؟؟؟؟

بالنسبه للصور أيوه الصور المضروبه كانت منتشره على صفحان اخوانيه كبيره ومش مسروقه زي صفحه الحزب نفسها وكان فيه ناس كتير في الكومنتات بتجيبلهم الصوره اللي في سوريا من مواقع أخبار بتاريخ قديم وتقولهم الصور مش في مصر وهما طنشو وسابوها منشوره.

بقي يبقو عارفين ان ده ضربة في مقتل ليهم فالحرب الطاحنة اللي قايمة عليهم وان ده ممكن يتسبب ان الناس تنفض من حولهم وبرده يصممو ويطنشو. ممكن برده !!!!!!!!!

بالنسبه لمبارك. مين قالك انه مكنش فاكر انه هيتحاكم؟ تفتكر مشكلته كلها كانت انه يتحاكم ولا لاء؟ هوه خروجه من السلطه بالشكل ده بعد العمر ده مكنش اهانه بالنسبه له قدام نفسه كراجل جيش قديم؟ سفره كان هيبقى بعد عن احداث ملتهبه وخوف من انتقامات أو تضحيات ممكن تتعمل عشان تهدي الناس بس هوه اختار المواجهه يمكن والله أعلم هوه نفسه معليهوش حاجه وولاده اللي كانو خاربينها وخصوصا ان الراجل كان بقاله 10 سنين شايل ايده من الليله كلها ومصدر جمال وحتى مكنش بيسافر زيارات بره زي الاول. أيا كان اللي فكر فيه وهوه حسبها ازي النتيجه كانت انه خرج بدون أي تحريض للناس انها تموت من بعده. والحوادث اللي حصلت أيام المجلس العسكري كلها في نظري كانت حرب ضد المجلس العسكري عشان ميأنتخش في الحكم ويعجل بانتخابات الرئاسه عشان يخرج من الدوشه وده اللي حصل فعلا لما قدم الانتخابات من ابريل 2013 ليونيو 2012.

مش هدخل معاك في نقاش فالجزئية ده. لان تقريبا كدة حضرتك من مؤيدين مبارك. او عالاقل اللي بيلتمسوله اعذار.

بالنسبه للحل بتاع السيسي. ومين قالك ان مرسي متعرضش عليه انتخابات رئاسه مبكره او استفتاء شعبي على استمراره في الحكم من عدمه؟ مش هوه رفض ده صراحه مره على لسان واحد من المتحدثين باسم الرئاسه ومره في خطابه الاخير؟ يا راجل ده رفض بتاتا حتى تغيير الحكومه اللي حتى كتير من مؤيدينه متفقين على ضعفها بقياده هشام قنديل يبقى تقولي هيوافق على انتخابات مبكره؟

متهيالي قولت انه خطا متراكم. بدء بمرسي انه تجاهل المعارضين ليه ( حتي لو مكنش اتعرض عليه الحل ده ) وانتهي بالسيسي اللي تجاهل المؤيدين للشرعيـــــــــــــة واللي يعتبرو مواطنين مصريين ليهم حق الدفاع عن اصواتهم. واستسهل الحل اللي يمشي علي هوا الاعداد الكبيرة وخلاص.

عارف فيه مشكله كمان. تفتكر الاخوان أو مؤيديهم بما فيهم حضرتك كنت هتثق في نتيجه انتخابات زي دي هيشرف عليها القضاء الفاسد والشرطه الفاسده والجيش المنقلب لو نتيجتها كانت خروج مرسي عن الحكم؟ كنا هنوصل برضه للي موجود دلوقتي فتقدر تقول كده السيسي (او المجلس العسكري بشكل عام) وفر علينا وقت ومصاريف مكنش ليها لازمه.

اه الناس كانت هترضي بالنتيجة ايا كانت وكان ممكن مؤسسات دولية تراقب كمان. وعلي فكرة انا ولا اخوان ولا مؤيد للاخوان . في حاجة اسمها تاييد للشرعية حضرتك مصمم متخادش بالك منها مع اني كررتها كذا مرة.

وأخيرا افتكر ان اللي رسخ فكره الحشد واتباهى بيه كتير وكتير وهنا كمان في المنتدى كان الطرف المؤيد مش المعارض وبرضه اللي اخترع فكره تصوير الطيران كان الاخوان أيام مليونيه جامعه القاهره يعني الاخوان كانو ملهمين ثوره 30 يونيو بشكل كبير

فعلا الاخوان كانو بيتباهو بالقدرة عالحشد لاثبات ان مش معني ان المؤيدين ساكتين وبيتفرجو عالاحداث في صمت انهم مش موجودين. وممكن حضرتك تراجع التواريخ ( كام تجمع للمؤيدين بعد كاااااااااااام تجمع او حشد للمعارضين ). نوع من انواع الرد. او بالعربي كدة ( احنا موجودين علي فكرة ).

:d

استاذ Ahmed_Adham اشكرك انتا قولت كل كلمة كنت عايز اقولها واظن مفيش مبرر تانى لاى واحد اخونى انو يتكلم