استشارة عاجلة من أهل الخبرة

**deleto_2003** · 24-07-2013 12:31 AM

النهاردا كنت بتكلم مع الشركة في السعودية بيقولولي في مكتب تسفير عمالة تبعهم في القاهرة هايخلصلي الورق بتاعي. المهم كلمني واحد من المكتب دا و قاللي ان كل حاجة من توثيقات او اي حاجة بتم من خلاله و هو في القاهرة وانا في الاسكندرية. و بيقوللي انه بياخد اتعاب 500 دولار (يعني 3500 مصري) + المصاريف التانية و الكشف الطبي و بعديمن بيديني فاتورة بيهم و لما اروح السعودية ابقا استردهم من الشركة. ايه رأيك في الكلام دا عشان انا بقلق من المواضيع دي خصوصا مع تجربة صديق ليا؟
حاجة كمان بيقوللي واحد من المكتب دا ان لازم هاغير الباسبور بتاعي عشان اغير المهنة و كمان التأشيرة بتاعتي بيقوللي مش هاينفع معايا غير اخصائي تسويق عشان وظيفتي المفروض انها تخضع للسعودة و انا وظيفتي في الباسبور صاحب شركة. ايه رأيك في الموضوع دا؟
بصراحة بدأ يضايقني الموضوع عشان اللي كتبتهولكم فوق: يعني في شغلي مثلا لو حد بيتعامل معايا و طلبت منه يروح لمكتب معين بكون اول حاجة في حساب بيني و بين المكتب دا و مش بجبر حد يدفع حاجة و اقوله استردها مني بعدين ولا ايه؟
كمان اني في اسكندرية و بيقوللي لازم كل حاجة في القاهرة طيب ما في هنا قنصلية و مكاتب صحة مش الاحسن اشوف عيادتهم اللي بيعترفوا بيها ايه هنا و اخلص حاجاتي هنا؟!
موضوع اني اغير الوظيفة علي الباسبور برضو مضايقني انا عارف اني كدا كدا حاغيرها لكن مش عجباني اللي عايزني احوطه دا.
بالمناسبة المكتب بتاع التسفير اللي في القاهرة اسمه الحكمة لالحاق العمالة.
يا ريت تردوا عليا بحكم خبرتكم. شكرا ليكم و لوقتكم أحمد

**deleto_2003** · 24-07-2013 03:24 AM

لا اله الا أنت سبحانك اني كنت من الظالمين

**محمد بازيد** · 28-07-2013 01:10 PM

اخى الفاضل انت عارف ان دة سبوبة للمكتب انت المفروض المكتب بياخذ نسبة لانك شكلك مش دافع ثمن للتاشيرة هو بيقلبك فى الفلوس دى وبعين اخصائى تسويق عادى انت ممكن تشوف المهنة اللى جاى بيها التاشيرة وتغير الباسبور زيها ب الشركات هنا مش بترد فلوس انت دفعتها فى مصر اللا لوا الموضوع وارد ذكرة فى العقد

**deleto_2003** · 28-07-2013 01:40 PM

المشاركة الأصلية كتبت بواسطة محمد بازيد

اخى الفاضل انت عارف ان دة سبوبة للمكتب انت المفروض المكتب بياخذ نسبة لانك شكلك مش دافع ثمن للتاشيرة هو بيقلبك فى الفلوس دى وبعين اخصائى تسويق عادى انت ممكن تشوف المهنة اللى جاى بيها التاشيرة وتغير الباسبور زيها ب الشركات هنا مش بترد فلوس انت دفعتها فى مصر اللا لوا الموضوع وارد ذكرة فى العقد

شكرا يا محمد علي فكرة انا اتكلمت مع الشركة في موضوع التأشير ة خلاص ان شاء الله تطلع بالوظيفة بتاعتي (أرجو ذلك) و كدا كدا هاغير المهنة في البطاقة و بناءا عليه في الباسبور ان شاء الله.
بالنسبة لموضوع الفلوس بتاعت الشركة هاقولهوم لو ينفع تتضاف علي الفاتورة. ربنا يخليك.
تحياتي

**engaass** · 02-08-2013 03:32 PM

الشركات فى السعودية مش بترد عمولة المكاتب اللى فى مصر وطبعا لازم تغير المهنة فى الباسبور زى التاشيرة وبعدين تاشيرات العمل بتطلع غالبا من السويس بس

**deleto_2003** · 03-08-2013 12:54 PM

المشاركة الأصلية كتبت بواسطة engaass

الشركات فى السعودية مش بترد عمولة المكاتب اللى فى مصر وطبعا لازم تغير المهنة فى الباسبور زى التاشيرة وبعدين تاشيرات العمل بتطلع غالبا من السويس بس

شكرا لردك و مساعدتك و وقتك

**Hany Adel** · 03-08-2013 08:19 PM

مش بيدوا في السعودية
لا العمولة
او تذكرة الطيارة
او اي شئ
الا ما هو متفق عليه في العقد فقططططططط

وخدك بالك جدا من حكاية المكتوب في العقد
اي كلام شفوي لا قيييييييييييييييييييييييي ييييييييييييييييييييييييي ييييمة له نهاااااااااااااااااائيا

وما تأملش فيه ابدا
ما يعرفوش غير الورق ..

**engaass** · 04-08-2013 02:23 PM

المشاركة الأصلية كتبت بواسطة hany adel

مش بيدوا في السعودية
لا العمولة
او تذكرة الطيارة
او اي شئ
الا ما هو متفق عليه في العقد فقططططططط

وخدك بالك جدا من حكاية المكتوب في العقد
اي كلام شفوي لا قيييييييييييييييييييييييي ييييييييييييييييييييييييي ييييمة له نهاااااااااااااااااائيا

وما تأملش فيه ابدا
ما يعرفوش غير الورق ..

متنفق معاك فى كل اللى قولته بس بصراحة انا اخدت قيمة التذكرة بس هى كان المفروض المكتب يحجزلى بس قاعدو يماطلو فكلمت الشركة فى السعودية واتفقت معاهم انى احجز وبعدين اصرفها وقد كان

**deleto_2003** · 05-08-2013 02:59 PM

المشاركة الأصلية كتبت بواسطة engaass

متنفق معاك فى كل اللى قولته بس بصراحة انا اخدت قيمة التذكرة بس هى كان المفروض المكتب يحجزلى بس قاعدو يماطلو فكلمت الشركة فى السعودية واتفقت معاهم انى احجز وبعدين اصرفها وقد كان

السلام عليكم و شكرا لردودكم و كل سنة و انتم طيبين
لما واجهت الشركة في السعودية بالمصاريف اللي شركة التسفير طلبتها هنا قالولي هات فاتورة منه معاك و انت جاي. تفتكروا ممكن استرد ولا فعلا اللي في العقد بس؟ مش عارف
تحياتي لكم

**engaass** · 09-08-2013 04:12 PM

بص كل شىء جايز خد الفاتورة ومش هتخسر حاجة
كل عام وانتم بخير

الموضوع: استشارة عاجلة من أهل الخبرة

LinkBack

أدوات الموضوع

عرض

-

-

-

-

-

المواضيع المتشابهه

استشارة عاجلة

استشارة عاجلة من أهل الخبرة فى بولو عيون 2003

استشارة عاجلة

استشارة عاجلة لاصحاب الخبرة باللة عليكم

استشارة قانونية عاجلة في المرور لاصحاب الخبرة

الكلمات الدلالية لهذا الموضوع

المفضلات

المفضلات

ضوابط المشاركة