في رمضان.. يا ترى هاتمسك لسانك و انت سايق؟

**OlaOsman** · 31-08-2008 02:07 PM

مع انه أكتر وقت المفروض ان الخناقات و الشتائم تقل فيه، اللي بيحصل هو انه بيكون أكتر شهر بتحصل فيه خناقات في الشوارع و الناس بتمسك في بعض و هاتك ياشتايم من اياها و مش بعيد كمان يحصل سب دين و العياذ بالله.. كل ده و الناس دول صايمين.

يا ترى ناوي على ايه السنة دي؟.. هاتمسك لسانك وتقول إني امرؤ صائم كما وصانا الله صلى الله عليه وسلم؟ و لا زي كل سنة؟

**mido777** · 31-08-2008 02:14 PM

والله يا عُلا لسه كُنت بفكًر فى الموضوع ده ...
مشكلتى انى لما بلاقى حدى غلط وبيكابر ومش فارقه معاه بتنرفز اكتر وبلاقى نفسى بقول ما لذ وطاب

وان شاء الله من بداية رمضان حتغًير وامسك نفسى ولسانى عن اى ذنوب وربنا يهدينى ويتقبل منى

**alaa_dash** · 31-08-2008 02:19 PM

زي كل سنة ....
لانه انا ما بشتمش اصلا :)

**Eng.Ahmed** · 31-08-2008 02:20 PM

مع الاسف بلاقى الناس برضه بتشتم عادى جدا، مره شفت خناقه بين 2 سواقين تاكسى فى رمضان الى فات واحد فيهم بيقول للتانى "حرام عليكوا هاتفطرونا يلعن ......" وراح سابب الدين ، المشكله انه شايف نفسه انه محافظ على صيامه