حسبي الله ونعم الوكيل فيهم
هايفضلو طول عمرهم زباله ومش هايتغيرو ابدا حقيقي ديل ال&%%@$ عمره مايتعدل
يعوض عليك ربنا
حسبي الله ونعم الوكيل فيهم
هايفضلو طول عمرهم زباله ومش هايتغيرو ابدا حقيقي ديل ال&%%@$ عمره مايتعدل
يعوض عليك ربنا
ااااااااه يا فنوسي يانا يمه
قايم من النوم حاسس ظهري مكسور وفانوسي بينقح عليا .... رغم اني رحت المعرض الي اشتريت منو قالولي ولا يهمك ياباشا ولا محضر ولا يحزنون. سيبلنا العربية ونعملهالك واحنا هنحاسب شركة التامين. بس الشيك بيطلعلك بعد ١٠ ايام ياريت بس تبقى تسلمهولنا. ومش هيدفعوني ولا مليم. ... قلتلهم كتر خيركم. .... بس برضو فانوسي بينقح علياااا. حاسس بالظلم .... وبقيت وانا ماشي في الشارع حاسس اني دي مش بلدي دي بلدهم هما ... وقلت يعني الواحد يعمل ايه ياربي. الواحد يعمل ايه هو القانون ده في البلد دي ديكور ولا مكملات غذائية للدولة .... المهم بعد تفكير وامعان ناويت كل يوم اعزملي رتبه على الفطار اعتباراً من بكره ههههههه منها ثواب ومنها. الي ليه ظهر ما يضربش على فانوسوا هههههههه. وتحياتي
معلش يا عمدة
حصل معايا مرة لما مسكت حرامي بيسرق عربية اخويا
وعملت محضر وقصة وبدون تفاصيل
خت قرار اني مش هفكر امل محضر لحرامي قدامي
معلش لو سلبية ولكن الي تشوفه فالقسم والنيانة وقصة هيحسسك انك انت المخطئ ..
حبيبي يا بوحميد
عارفين. كل الغلب الي احنا عايشيين فيه ده .... حلو بسيط وسهل ... بس احنا الي مدوخين نفسينا ... يعني بره في اي دولة من دول العالم ومش هنقول متحضر. يعني في اي زريبة في العالم بره لو خبط عربيت حد وانتا واقف تتصل بالنجدة يبعتولك عربية اتاري يرسم رسم كروكي. للحادث. ويحاولك لنيابة خاصة بالمرور تاني يوم في ظرف ثواني بتكون النتيجة طالعه كل واحد عليه نسبة خطء قد ايه وتروح تصلح عربيتك والدولة بتجبر الطرف التاني انو يصلحلك ممعكش تمن التصليح. ياحلو بتسجن بيهم ... وتعاله اي واحد في الدنيا هتقولوا يا االحبس يا الدفع هتلاقي هوباااا الفلوس طلعت من تحت الارض زي الشاطر .
وهستعين. عبارة اخونا وحبيبنا (( مش قدها متركبهاش )
واقول ( مش قد الحادثة فتح عنيك ومتخبطهاش ) ههههه وتحياتي .
ههههههه شوارع مصر هتخليك شاعر يا حج
اولا كل سنه وانت طيب
ومبروك العربيه الجديده دى اكيد العين متزعلشى يا كبير
المهم بقى جبتوا سحور ولا لا
طيب بمناسبة الموضوع ده انا هحكيلكم قصة حصلت معايا شخصياً من اسبوع بالظبط يوم الخميس الى فات
انا ركنت عربيتي في شارع التحرير جنب الشغل تحديداً امام مركز البحوث وطبعاً الى بيعدي هناك يعرف اد ايه الشارع بيبقى زحمة دلوقتى بسبب قفل منطقة جامعة القاهرة المهم طبعاً فيه نقطة مرور اول محي الدين وونش مرور رايح جاي غير الموتسيكلات بتاعت المرور بطبيعة ان مرور بين السريات على بعد خطوتين
ووسط كل ده الشارع بيتحول رايح رايح ...ياعنى الناحيتين ماشيين في اتجاه شارع السودان طوابير من العربيات ماشيه عكس ادام كل شرطة المرور الموجودة والنتيجة وانا في الشغل اسمع صوت خبطه جامدة عربيتين واحدة نص نقل ماشية عكس تلبس في عربين نيو اكسنت بيضا في ماشية في طريقها عادي روحت وشوفت المنظر واطمن ان ما فيش اصابات في الناس ورجعت الشغل عادي وعربيتي كانت على بعد 30 متر تقريباً وشوية وظابط المرور برتبه رائد جيه وياريت ما جيه طبعاً الى سايق النص نقل عيلين اوايل العشرينات وبيمثلوا التعب والصدمة وبتاع الاكسنت مندهش وقاعد جنب العربية تصورت انه هيعمل محضر وينفخ الى جاي عكس فلما لقيت بيشيل العربيات وبينيم الدنيا عشان الشارع كله كان جاي عكس وما تبقاش عليه مسئولية هو الونش الى كان واقف ولا بيتكلموا ولا حتى مخالفة واحدة فقولت الراجل هيستعوض ربنا والظابط مش هيجبله حقه وهيطبخ الموضوع وحصل فعلاً واتفاق ودي واول ما الناس تمشي ابقى قابلني لو حد عرف يجيب مليم ...... لحد كده تمام ماليش اي دعوة تصوروا بقى بعد 10 دقايق وانا في الشغل ابص من بين العربيات الاقي ناس بتشيل عربيتي انا وبتحركها وهي راكنه سليم على الرصيف ؟؟؟؟ !!!! طبعاً عديت الشارع جري واكتشف ان البيه الظابط زق العربية النص نقل عشان يركنها على الرصيف وخبطها في عربيتي وجرح الجنب اليمين لان العربية دخلت بالجزء المخبوط عندها في جنب عربيتي وطبعاً الصاج اتخرشم ولاء وكمان بيشيل عربيتي من الرفارف هو وناس عشان يدخلوا النص نقل وبهدلوا الرفرفين ....وطبعاً روحت وزعقت وبمنتهي البرود البيه الظابط يقولي لو مش عاجبك روح اشتكيني وسابني اخبط كف بكف ...هيه ديه شرطة مصر يامحترمين ....فساد وبس
بص يا صاحبي بدون دخول في تفاصيل هي حكمة لازم تمشي بيها دلوقتي
لا يفل الصياعة الا الصياعة
مش المقصود صياعة انك تبلطج لكن تعرف ازاي تاخد حقك هي بقت ماشية كده ياما بلطجة يا صياعة فطبيعي انت كشخص محترم مش هتبلطج و تمد ايديك الا لو مد ايديه فالحل انك تفهم كل حاجة و تظبطهاله صح و ريح نفسك و متحرقش في دمك ع حقك اللي راح
هحكيلك ع موقف حصل معايا قبل الثورة عالطول كان اول مرة ادخل القسم عشان حاجة ليا
دخلت ابلغ واعمل محضر في واد بلطجي من المنشية كان عند مستشفي رابعة العدوية ورا المرور عالطول مسك فيا و ضربنا بعض و كانت هتقلب بمجزرة مش عايز اقولك ان الناس مسكته زي ما يكونوا ما صدقوا اتصل بالنجدة لا حياة لمن تنادي لقيت ظابط مرور رتبة ع اول الشارع ع ما اتذكر كان عقيد او عميد و كان ماسك الجهاز و بيتابع الحالة المرورية فبقوله يبلغ النجدة مش فاكر الرد بس كان بما يفيد انه مش تخصصه بالرغم ان واضح الكدمات و الاصابات و بقوله ماسكينه دلوقتي و مكبر دماغه
قولت خلاص اشد ع القسم هو جنبي و روحت و قالك تقرير مع ان شكلي لوحده تقرير روحت تاني و معاايا تقرير بالكدمات و الاصابات و قولتلهم مكانه و قولتلهم اسمه و منطقته اللي ساكن فيها عرفتهم من الناس اللي قاعدين في الشارع ساعتها لأنهم قرفانين منه و عايزين يخلصوا منه هو و عيلته بس قالولي متقولش اننا اللي قولنا الاسم احسن يرجعلنا هو و عيلته المهم مفيش غير ظابط شاب كان لسه ملازم قال هياخد البوكس و يطلع يجيبه رتبة اكبر منه رفض انه يطلع و اتعمل محضر و قالي هنبقي نطلع نجيبه و صباحك فل ع كده زمان الواد جري من المنطقة كلها اساسا و عرفت ساعتها ان و لا اي حاجة هتتعمل
اشتكيت في الداخلية من التهاون بعدها بكام يوم لقيتهم بيتصلوا بيا ان هيتم متابعة الموضوع من القسم اللي انا تبعه كلمني ظابط من القسم و اتفضل و روحت و شرحت اللي حصل و كل البيانات معايا و هنتابع حضرتك و السكة من ساعتها و بعدها قامت الثورة
انا رايى الحق حق ديه غلطتك انك ماشى برخصه منتهيه سعتها كل حقوقك هضيع حتى ولو الطرف التانى موجود وغلطان