عاجل للمهندس طارق والزملاء -الفيتيس الأوتومايك
السلام عليكم ورحمة الله وبركاته
المهندس / طارق - الأخوة الزملاء
لدي لانسر 98 أوتوماتيك ، حدثت عندي مشكلة بها أمس ، كنت في طريق صحراوي غير ممهد وكنت مشغل التكييف ، أثناء السير بالطريق (طريق رملي) كنت أصعد مرتفع بسيط ولما لقيت العربية عزمها ضعيف شوية ، نقلت من d إلى 3 ، وهنا سمعت صوت ذي رجّة خفيفة في العربية ثم وقفت تماما ولم تدور.
المهم قطرت العربية على N لمسافة 10كم حتى وصلت لبنزينة ، وكشف عليها الميكانيكي وقال لي ان الموتور مش واصل له كهرباء ، وأحضر كهربائي وتتبع دائرة الكهرباء من البطارية حتى الاسبراتيير ، وهنا قال ان فيه مشكلة في المشط أو الاسبراتير كله ، ونزلت الحرفيين واشتريت اسبراتير استيراد وركبته ، وبالفعل اشتغلت العربية ودارت ولكن ..............
1-لما اديت العربية R حسيت برجة لم تكن موجودة من قبل .
2-لما بدي العربية D أو 3 أو 2 أو L بحس برجة بردو لكن خفيفة شوية (مع ملاحظة أم لمبة N بتنور وتطفي باستمرار طول ما انا ماشي).
3-العربية سحبها زاد نسبيا عن ما كان قبل العطل.
4-لما العربية بتاخد D مش بتتحرك الا لما بدوس بنزين.
5-تجميع العربية من الثبات ضعيف ، ولكن بعد السحب يكون أعلى جداً.
رجاء من السيد المهندس طارق والأخوة الأفاضل افادتي باقصى سرعة
ولكم وافر الشكر والاحترام
