من 50 ألف ل 65 ألف .. جولف 4 .. ابيزا .. مكوه .. جراند بونتو .. سيفيك 99 ؟؟

اقتباس:

---

المشاركة الأصلية كتبت بواسطة buddha

لو هنتكلم على المكوة هتغير موتور ميفيك وعفشة كاملة الموضوع يدخل فى حسبة لا تقل عن 12 الف
على اقل تقدير
وكمان المكنة هتكون شريحة 2000 سى سى يعنى قصة ترخيص ومصاريف كبيرة وبما ان التعديل هيكونfwd الاحساس بالعربية مش هيكون زى rwd على امكانيات زى دى

بالنسبة لباقى العربيات ال حضرتك طرحت زكرها هتكون استوك na يعنى مفيش وجع قلب وكمان مثلا الهوندا هتتكلم فى ما لا يقل عن 130 حصان على اقل تقدير والفيات كذالك

بالنسبة للاسعار جولف او متسوبيشى او هوندا نفس السعر تقريبا فئة 60 الف
بونتو معرفش توصل كام
الابيزا ممكن السعر يقل 50 الى 55 على حد تقديرى الشخصى

الابيزا عربية محترمة جدا وبيركب عليها مواتير كتير جدا ذى الهوندا
بس اعيب فى العربيات الايطالى فيات وابيزا انها تلاحظ كتير منها بيكون فية بارومة

عشان تريح دماغك خليك فى (هوندا و جراند بونتو) بس ممكن السعر يجيب معاك bmw e36 حالتها كويسة جدا
يكفى انها rwd والتعديلات بتاعتها ممتازة وممكن تعملها m3 وهتبقى ركوبة ممتازة بس كدة هتعدى 60 الف بفارق ممكن 20 الف على اقل تقدير
بس العربية دى استوك جميلة جدا جدا

رائى الاخير مع جراند بونتو او هوندا

---

ما انا حسيت ان المكوه هاتبقى متعبه علشان تطلع اداء كويس فطلعتها من دماغى !!
انا فكرت فى ال bmw فعلا بس كنت بفكر فى e46 مش e36 بس طلع كلامها فى ١٠٠ الف بالميت فطلعتها من دماغى مع انى كنت عايز دفع خلفى !!
يعنى كده احسن حاجه السيفيك و الابيزا و الجراند بونتو ؟!
و معلش هل حكايه البارومه دى موال كبير ولا ايه ؟!
معلش كترت شويه .. متشكر جدا لرد حضرتك :)

طبعا انت محتاج تدور على عربية حالة الاساسيات بتاعتها تكون نمرة واحد
دة فى الاساس
واكيد فى ناس فى المنتدى ممكن يوضحوا اكتر موضوع البارومة دة وحلة اية بخصوص الفيات والابيزا


كان فى اختيارين كنت عايز اقولك عليهم (باسات او اوكتافيا a4) موديلات 2000 الى تقريبا 2002
فى رينج 60 الى 65 تقريبا العربيتين دول نضاف جدا

انا مستنى معاك تعليق الاعضاء الافاضل

اقتباس:

---

المشاركة الأصلية كتبت بواسطة buddha

طبعا انت محتاج تدور على عربية حالة الاساسيات بتاعتها تكون نمرة واحد
دة فى الاساس
واكيد فى ناس فى المنتدى ممكن يوضحوا اكتر موضوع البارومة دة وحلة اية بخصوص الفيات والابيزا


كان فى اختيارين كنت عايز اقولك عليهم (باسات او اوكتافيا a4) موديلات 2000 الى تقريبا 2002
فى رينج 60 الى 65 تقريبا العربيتين دول نضاف جدا

انا مستنى معاك تعليق الاعضاء الافاضل

---

مشكور طبغاً يا فندم على إقتراحك بس انا عايز حاجه شبابيه بحت مش عائليه خالص :)

رينو ميجان 2005 - 2006 عربية محترمة وكفاية انها فرنساوى .. وحتة ان قطع غيارها غاليه دلوقتى مفيش عربية ف مصر قطع غيارها رخيصه .. انت لو هتدفع فلوس ادفعها ف حاجه نضيفه

حضرتك ممكن تزود 20 الف علي 65 وتركب لوجان كسر زيرو او زيرو ولو فلوس مش اد كدة معاك دلوقت ممكن تقسط 10 الف مثل او 20 علي 3 سنين ونصيحة تانية لو هتجيب مستعمل انزل اسأل علي قطع الغيار قبل ماتشتري

اقتباس:

---

المشاركة الأصلية كتبت بواسطة mustfa

رينو ميجان 2005 - 2006 عربية محترمة وكفاية انها فرنساوى .. وحتة ان قطع غيارها غاليه دلوقتى مفيش عربية ف مصر قطع غيارها رخيصه .. انت لو هتدفع فلوس ادفعها ف حاجه نضيفه

---

و الله أنا أول حاجه فكرت فيها كانت الميجان الهاتشباك بس مافيش حد أعرفه راكبها إلا و بيشتكى منها علشان أصغر هفوه فيها بتطلع عطل فى الكمبيوتر .. و أنا ماعنديش أى إستعداد اقضى يوم كل إسبوع فى التوكيل :d
و شكراً لرأى حضرتك طبعاً :)

اقتباس:

---

المشاركة الأصلية كتبت بواسطة mohamed hussei

حضرتك ممكن تزود 20 الف علي 65 وتركب لوجان كسر زيرو او زيرو ولو فلوس مش اد كدة معاك دلوقت ممكن تقسط 10 الف مثل او 20 علي 3 سنين ونصيحة تانية لو هتجيب مستعمل انزل اسأل علي قطع الغيار قبل ماتشتري

---

و الله فكره برضه بس بحسها عربيه ورق كده و مش شبابيه ولا بتاعت قرص و شد و كده !
متشكر طبعاً لرأي حضرتك :)

حضرتك ممكن بردوا بيجو 406

اقتباس:

---

المشاركة الأصلية كتبت بواسطة mamo1700

حضرتك ممكن بردوا بيجو 406

---

عائليه برده يا ريس

يا جماعة الراجل عاوز حاجة شبابي بتاعة شد و جري و لما يجيلي قرشين حلوين يعرف يسقط و يعدل براحته. حضرتك ما ينفعكش غير السيفيك و لو فلوسك أكتر حبتين يبقي e36.