من 50 ألف ل 65 ألف .. جولف 4 .. ابيزا .. مكوه .. جراند بونتو .. سيفيك 99 ؟؟

**Patrickologyy** · 24-07-2013 06:32 PM

مساء الخير :)
عايز عربيه حلوه كده فى حدود 50 ل 65 ألف .. كنت بفكر فى حاجه من دول
جولف 4 .. سيات إبيزا بس موديل بعد 2004 .. لانسر مكوه .. فيات جراند بونتو .. سيفيك من 96 ل 2000 بس مش داخله دماغى قوى
و طبعاً كله مستعمل .. لو حد عنده رأى فى أى حاجه من دول يا ريت يفيدنى .. و يا ريت لو حد يقولى المبلغ ده يجيب موديل كام من أى عربيه و حالتها تبقى عامله إيه :)
و كمان أعتقد ان كل الاختيارات دى يا إما موتور 1300 يا إما موتور 1400 .. أيه منهم ممكن يتسقط فيها 1600 أو 1800 و يبقى ليها تعديلات أعملها مع الوقت !
كمان كنت بفكر أجيب حاجه من دول فاضيه و حالتها نيله فى حدود 15 أو 20 ألف و أشدها أنا شده حلوه كلها على مزاجى بقى .. ولا إيه رأيكوا ؟!
يعنى هل فيه حته أشترى منها عربيه فاضيه تماماً و رخيصه لو بفكر أجيب و أشدها أنا ولا إيه .. عايز نصايحكوا علشان الموضوع ده واكل دماغى :)
مستنى أراء الأعضاء .. شكراً :)

**mohamed hussei** · 24-07-2013 06:40 PM

الجراند بونتوا جديدة بكام

**Patrickologyy** · 24-07-2013 06:52 PM

المشاركة الأصلية كتبت بواسطة mohamed hussei

الجراند بونتوا جديدة بكام

- مانيوال .. 104 ألف
- مانيوال فول أوبشن .. 120 ألف
- اوتوماتيك فول أوبشن إيزى سبورت .. 124 ألف
- اوتوماتيك فول أوبشن لونج .. 130 ألف
- اوتوماتيك فول أوبشن لونج سقف بانوراما .. 140 الف

**mohamed hussei** · 24-07-2013 06:58 PM

شكرأ حضرتك دية الجديدة صح ؟ وهل كلاسك منها لسا بينزل

**mohamed hussei** · 24-07-2013 06:59 PM

نصيحة ابعد عن فيات دلوقت لحد ما فطيم تاخود التوكيل

**Patrickologyy** · 24-07-2013 07:03 PM

المشاركة الأصلية كتبت بواسطة mohamed hussei

شكرأ حضرتك دية الجديدة صح ؟ وهل كلاسك منها لسا بينزل

اه دى الجديده :)
على حد علمى لأ اللى بينزل الجراند بونتو و الفيات 500 و اللينيا بس

**Patrickologyy** · 24-07-2013 07:05 PM

المشاركة الأصلية كتبت بواسطة mohamed hussei

نصيحة ابعد عن فيات دلوقت لحد ما فطيم تاخود التوكيل

لأ التوكيل مش هايبقى مشكله بالنسبه لى .. ممكن رأى حضرتك فيها

**buddha** · 24-07-2013 07:36 PM

من وجهة نظرى
فيات جراند بونتو تتفوق
ويليها الجولف 4

المكوة موتور 1300 كاربراتير ضعيف جدا وانصحك تخرجها نهائى من مقارنة وسط وحوش ذى جولف وهوندا وفيات

حتة الهوندا مش دخلة دماغك...... الهوندا بالذات لها طابع خاص وتترك بصمة فى اى واحد جربها واستحالة ان الركب هوندا يغير لنوع اخر التغيير فقط هيبقى موديلات صدقنى عربية تستحق التقدير

**Patrickologyy** · 24-07-2013 07:43 PM

المشاركة الأصلية كتبت بواسطة buddha

من وجهة نظرى
فيات جراند بونتو تتفوق
ويليها الجولف 4

المكوة موتور 1300 كاربراتير ضعيف جدا وانصحك تخرجها نهائى من مقارنة وسط وحوش ذى جولف وهوندا وفيات

حتة الهوندا مش دخلة دماغك...... الهوندا بالذات لها طابع خاص وتترك بصمة فى اى واحد جربها واستحالة ان الركب هوندا يغير لنوع اخر التغيير فقط هيبقى موديلات صدقنى عربية تستحق التقدير

أنا كمان حسيت ان المكوه ضعيفه جمبهم أما دورت .. بس ممكن يتسقط فيها مكنه كبيره و إنجيكشن ولا هاتحتاج مصاريف كتير و تعب و مش هاتفرق جامد ؟!
الجراند بونتو عاجبانى فعلاً .. الجولف 4 حاسسها هاتبقى قديمه شويه فأنا بفضل عنها الجراند بونتو و الإبيزا بصراحه !
الهوندا حاسسها قديمه شويه برضه .. بس هل ممكن أجيبها فاضيه بمبلغ قليل جداً و أشدها شده حلوه ؟!
و شكراً لردك :)

**buddha** · 24-07-2013 08:59 PM

لو هنتكلم على المكوة هتغير موتور ميفيك وعفشة كاملة الموضوع يدخل فى حسبة لا تقل عن 12 الف
على اقل تقدير
وكمان المكنة هتكون شريحة 2000 سى سى يعنى قصة ترخيص ومصاريف كبيرة وبما ان التعديل هيكونfwd الاحساس بالعربية مش هيكون زى rwd على امكانيات زى دى

بالنسبة لباقى العربيات ال حضرتك طرحت زكرها هتكون استوك na يعنى مفيش وجع قلب وكمان مثلا الهوندا هتتكلم فى ما لا يقل عن 130 حصان على اقل تقدير والفيات كذالك

بالنسبة للاسعار جولف او متسوبيشى او هوندا نفس السعر تقريبا فئة 60 الف
بونتو معرفش توصل كام
الابيزا ممكن السعر يقل 50 الى 55 على حد تقديرى الشخصى

الابيزا عربية محترمة جدا وبيركب عليها مواتير كتير جدا ذى الهوندا
بس اعيب فى العربيات الايطالى فيات وابيزا انها تلاحظ كتير منها بيكون فية بارومة

عشان تريح دماغك خليك فى (هوندا و جراند بونتو) بس ممكن السعر يجيب معاك bmw e36 حالتها كويسة جدا
يكفى انها rwd والتعديلات بتاعتها ممتازة وممكن تعملها m3 وهتبقى ركوبة ممتازة بس كدة هتعدى 60 الف بفارق ممكن 20 الف على اقل تقدير
بس العربية دى استوك جميلة جدا جدا

رائى الاخير مع جراند بونتو او هوندا