مراكز الخدمة و الصيانة بالاسكندرية

**ah-gawad** · 24-05-2009 06:25 PM

المشاركة الأصلية كتبت بواسطة amrnour_d

فيه مركز خدمه كويس فى الابراهيميه

ادخل شارع لاجيتيه من ناحية شارع ابو قير

وبعدين ادخل اول شارع يمين

هوا فى اخر الشارع ومكتوب عليه مركز الامل

فى واحد هناك أسمة وائل انصحكم بالتعامل معهة وكمان شغال فى التوكيل الصبح

علي فكرة المركز ده تحس انك بتتسرق فيه و خصوصا انه بيصر ان قطع الغيار تكون من عنده و بعد ما تخلص شغلك لازم تلاقي حاجة نسوا يقفلوها او فيه مشكلة تانية ظهرت عندك نتيجة شغلهم في العربية و معلش مفيش اي حد في الورشة دي له كلمة غير صاحبها الاسطي علي و دائما يفتح شغل في العربية بلا داعي

**ah-gawad** · 24-05-2009 06:33 PM

فيه مركز كويس بجد و صاحبه راجل كويس جدا و فاهم شغله و سعره من الاخر و اسمه الاسطي عبد العزيز و مكانه عند دوران السيوف اول شارع يمين في الشارع المتجه الي يونيفرسال ( تقريبا اسم الشارع جميلة بو حريد ) و فيه كمان محل قطع غيار اسمه الشرقاوي في دوران السيوف اسعاره معقولة جدا و احسن كتير من شارع صلاح الدين و سعيد نصار

**ah-gawad** · 24-05-2009 06:46 PM

يا ريت لو حد يعرف مركز في اسكندرية بينضف الرشاشات

**HANYAZAB** · 24-05-2009 11:02 PM

مساء الخير عليكم جميعا
يوجد مركز اسمه المركز الكورى (محمد سعد)
بصراحة ناس فاهمين كويس ومتخصصين فى الدايو
وسعرهم كويس ويوجد عندهم قطع غيار اصلى
عنوان: امام مشويات حسنى فى اخر جمال عبد الناصر قرب المندرة
شمال وانت رايح على المندرة.
تقبلو تحياتى.

**aboosalma** · 26-05-2009 03:32 AM

شكرا لكل المشاركين على المعلومات الجميلة دي

أنا كدة حأشتري الجوليت اللي فى نفسي وأنا مطمئن

**osostheone** · 26-05-2009 10:07 AM

السلام عليكم

مركز أولاد أبو العزم - خالد و مصطفى أبو العزم- بشارع 45 قبلى السكة الحديد
الميزة أن أصحاب المكان هما اللى بيفحصوا العربية بإيدهم و يشخصوا العطل و الصنايعية بيركبوا و يصلحوا فقط
مابيغيروش إلا الحاجة اللى فعلا محتاجة تتغير و عندهم مخزن صغير لقطع الغيار المشاع إستخدامها زيرو و إستعمال

و السلام عليكم

**ahmedfawzy14** · 26-05-2009 01:25 PM

المشاركة الأصلية كتبت بواسطة fdido26

علي فكرة المركز ده تحس انك بتتسرق فيه و خصوصا انه بيصر ان قطع الغيار تكون من عنده و بعد ما تخلص شغلك لازم تلاقي حاجة نسوا يقفلوها او فيه مشكلة تانية ظهرت عندك نتيجة شغلهم في العربية و معلش مفيش اي حد في الورشة دي له كلمة غير صاحبها الاسطي علي و دائما يفتح شغل في العربية بلا داعي

مش معاك فى كلامك الصراحة

انا بتعامل مع الاسطى على من ايام الليجنزا بتاعة والدى يعنى من 8 سنين كده
وناس محترمة وكل عربيات العيلة بعملها عنده

ومفيش اى كلام من كلامك ده حصل معايا
ده اخر عربية عاملها عنده الفيرنا بتاعتى
غيرلى طقم سيور وبلى شداد كاتينة وتيل امامى مخدش منى غير 60 جنيه بس
وشغال فيها 4 ساعات متواصلة
ده غير جهاز الكمبيوتر الجديد اللى عنده بيسهل معرفة العطل فين

ياريت تحرى الدقة قبل ما نتكلم فى ذمم الناس
انتا فى كلامك بتسرق وبتشكك فى ناس محترمة

**ah-gawad** · 28-05-2009 12:50 PM

المشاركة الأصلية كتبت بواسطة ahmedfawzy14

مش معاك فى كلامك الصراحة :t_thum1[1]:
انا بتعامل مع الاسطى على من ايام الليجنزا بتاعة والدى يعنى من 8 سنين كده
وناس محترمة وكل عربيات العيلة بعملها عنده

ومفيش اى كلام من كلامك ده حصل معايا
ده اخر عربية عاملها عنده الفيرنا بتاعتى
غيرلى طقم سيور وبلى شداد كاتينة وتيل امامى مخدش منى غير 60 جنيه بس
وشغال فيها 4 ساعات متواصلة
ده غير جهاز الكمبيوتر الجديد اللى عنده بيسهل معرفة العطل فين

ياريت تحرى الدقة قبل ما نتكلم فى ذمم الناس
انتا فى كلامك بتسرق وبتشكك فى ناس محترمة

انا بتكلم علي حاجة حصلت معايا بجد انا رحت اغير جوان وش سلندر لقيت نفسي مطالب بفاتورة فوق ال1000 جنيه لان الباشا حملني قطع غيار لم اكن محتاج اليها اصلا بس اهه عشان يمشي حاله و بعدين احتمال لانك بتتعامل معاه من 8 سنين ليك وضع مختلف لكن زي ما بقولك انا بتكلم عن حاجة حصلت معايا ة لازم اي حد يتعامل مع المركز ده يكون عارف بالضبط بتتكلف كام و الحاجات اللي المفروض تتغير و ميسيبش الحكاية ليهم لانه هيدبس جامد

**ahmedfawzy14** · 31-05-2009 12:42 PM

المشاركة الأصلية كتبت بواسطة fdido26

انا بتكلم علي حاجة حصلت معايا بجد انا رحت اغير جوان وش سلندر لقيت نفسي مطالب بفاتورة فوق ال1000 جنيه لان الباشا حملني قطع غيار لم اكن محتاج اليها اصلا بس اهه عشان يمشي حاله و بعدين احتمال لانك بتتعامل معاه من 8 سنين ليك وضع مختلف لكن زي ما بقولك انا بتكلم عن حاجة حصلت معايا ة لازم اي حد يتعامل مع المركز ده يكون عارف بالضبط بتتكلف كام و الحاجات اللي المفروض تتغير و ميسيبش الحكاية ليهم لانه هيدبس جامد

ويعنى اللى بيغير جوان وش سلندر
بيبقى عارف قبل ما يحل الوش انه حيغير جوان بس
ويأخد بعضه ويمشى بعدها

دى حاجة الميكانيكى هوا اللى يفهم فيها مش انا وانتا

ومعلش يعنى انتا بتقول غيرلك قطع غيار فى عربيتك
مش فى عربيته هوا وحاسبك عليها

برده مش معاك فى كلامك

وحتى لو كلامك صح ده ميدكش الحق تسرق الناس وتتكلم عنهم بالطريقة دى

**SamerBassiouny** · 31-05-2009 02:35 PM

[QUOTE=ahmedfawzy14;878785]ويعنى اللى بيغير جوان وش سلندر
بيبقى عارف قبل ما يحل الوش انه حيغير جوان بس
ويأخد بعضه ويمشى بعدها

دى حاجة الميكانيكى هوا اللى يفهم فيها مش انا وانتا

ومعلش يعنى انتا بتقول غيرلك قطع غيار فى عربيتك
مش فى عربيته هوا وحاسبك عليها

برده مش معاك فى كلامك
وحتى لو كلامك صح ده ميدكش الحق تسرق الناس وتتكلم عنهم بالطريقة دى[/

انت ليه افشت على الراجل ده

الراجل بيقول وجهه نظره و ليك الحق ان توافق او تعترض

و لولا اختلاف الاذواق لبارت السلع