اريد مقارنه بين بروتون واجا و شيفروليه اوبترا ,و كيا سيراتو وbyd

**bassem_sams** · 31-08-2008 06:38 PM

اريد مقارنه بين بروتون واجا و شيفروليه اوبترا ,و كيا سيراتو وbyd
و ايهما افضل من حيث الأماكنيات و جوده تقفيل و الخامات و الأداء و اعتماديه

**bassem_sams** · 01-09-2008 10:53 AM

كل عام وانتم بخير و رمضان كريم
ونسيت اقولكم انها مانيوال مش اتوماتيك
مع شكر

**M_HaFeZ** · 01-09-2008 11:22 AM

مش عارف ليه كل الناس بتطلب مقارنات مؤخرا فيها عربيات غريبه
يعنى زى البوينتر والاسبارك
العربيات اللى انت طالب مقارنتها متقاربه وممكن المقارنه بينهم انما ايه اللى جاب Byd فى النص
دى هتدخل تخسر فى كل حاجه الا السعر ولو فى امكانيه زياده عنهم هتكون ممكن فى الفرامل ..
انما غير كده شيلها من حساباتك احسن .. انت بتتكلم فى عربيات اواخر التمانينات واوائل التسعينات وحتى فيها داخل على 100 الف

**tito2020** · 02-09-2008 01:24 PM

حضرتك عيبت على byd وحتى مقلتش ايه العربيه الكويسه من الباقى
ممكن يا جماعه تعرفونا انه الافضل الجين ولا بى واى دى شكراا

**M_HaFeZ** · 02-09-2008 01:41 PM

طالما سيادتك عايز تجيب ال Byd ومصمم على رأيك اتفضل
الموضوع مش تعييب وخلاص

اى عربيه تانيه فيها مميزات وعيوب ... انما ال Byd ايه ميزتها غير ان سعرها هيكون اقل من الباقى

اولا الجين 2 : عربيه شبابى مش لاسره .. ضيقه من وراء .. صاج ممتاز ومحمل فرامل Abs + Ebd كماليات متعدده ... عيوب ... تقفيل ليس بممتاز ولا جيد جدا .. سعر اعاده بيع قليل بالنسبه للباقى ... قطع غيار فى طريقها للانتشار .. الجين عليها مواضيع كتيره جدا جدا جدا .. ممكن تبحث فى الموضوع وتشوف مشاركات الاخ توت عمدة جين 2

ثانيا : السيراتوا : عربيه مبينه على شاسيه الالنترا ... موتور ممتاز بتاع سحب .. واسعه الى حد معقول ... توكيل محترم .. تقفيلها جيدا جدا ..مواضيع كتير عليها هنا فى المنتدى

ثالثا : الاوبترا .. اوسعهم .. شكل مميز .. تقفيل جيد جدا ... عربيه عائله .. فى برضوا مواضيع كتيره اوى

الفكره مش انى اقول كل حاجه عن كل العربيات .. انا نصحتك لوجه الله
ولو حضرتك شايف انى مجرد عيبت عليها وخلاص .. زى ماتحب
بس لو واحد عزيز على هيشترى العربيه دى من تجارب الكثير اصدقاء وزملاء فى المنتدى هنا .. بلاش صينى وانت بتقارن ايه بايه .. اى عربيه من دول احسن بفرق مش قليل ابدا

وكمان هو سعر ال Byd دى كام ؟؟؟ يعنى فى التمانينات ولا اقل ولو الموضوع فلوس يبقى تقارنها بعربيات اقل من دول شويه .. زى الفيرنا او الافيو وبرضوا ال Byd تخسر