الموضوع: فليشيا كومبى للبيع موديل 1997

المشاركة الأصلية كتبت بواسطة sherif0333

ياباشا الموضوع مش تجار الموضوع ليه علاقه ان مصر فيها سوقين سوق وهمي وسوق فعلى يعني لما عرضت عربيتك اول مره قلتلك انا شفتها اتباعت قصادي ب 20000 فيه ناس تانيه قالتلك لا 33000 و 30000 واوعي تنزل فى السعر وحاجات كده

دول السوقين سوق بيع وشراء وسوق الاحلام يعني هتلاقي كل اللى معاه نفس عربيتك بيقولك اوعى تنزل فى السعر دي تساوي كذه وكذه ده لانه هيحس براحه نفسيه لو انت بعت بسعر عالى وهيحس ان عربيته متساواش لو بعت بسعر رخيص بس ده الفرق

وطبعا موفق فى البيع

انا بقى عايز اعرف سعر 128 فى السوق الفعلى اللى حضرتك بتقول عليه تعمل كام لما الفليشيا على كلام حضرتك اتباعت ب 20.000 يبقى 128 ب 5.000 جنيه ولا انا غلطان بص انا هاقول لحضرتك على حاجة حلوة السوق الفعلى اللى حضرتك بتتكلم عليه ده هو السوق التجار اللى بينزلو العاشر واللى عندهم معارض وبيتاجرو لو رحت تشترى عربية من المعرض عنده او هو تاجر وبيجيبلك عربية هيبعيهالك ب 30.000 انما لو انت عايز تبيع هايقولك 20.000 وده توبها ومفيش حاجة اسمها علشان واحد معاه نفس العربية هيقول كذا وكذا انما لما بيجى حد عايز يبيع بننصحه بالسعر اللى يناسب حالة العربية لا اكتر ولا اقل وعموما انا تاكدت ان حضرتك تاجر وربنا يهديكم عايزين تكسبو مفيش مشكلة انما تدخلو موضوع بيع وتقولو كلام غير منطقى يبقى بجد ربنا يهديكم

المشاركة الأصلية كتبت بواسطة sherif0333

هههههههههههههههه اتاكدت انى تاجر منين باه اولا انا راجل مهندس مدني مليش لا بيع ولا شرا
اولا انا ركبت عربيتين فى حياتي لحد دلوقتى
فورد اسكورت كنت شاريها ب 33000 فابريكه بره وجوه حاله زيرو فعلا جميع الكماليات بعتها بعد سنه ب 26500 مشيت بيها بالظبط 5000 كيلو لانى كنت شغال فى الغردقه وراكنها هنا
128 مو 90 الناس بتطلب فيها 20 و 21 انا بعتها 13750 رغم انى شاريها ب 17000 وقعدت معايا سنتين ونص

طبعا واضح انى تاجر وبكسب هههههههههههه

لو كنت قريت كلامى قبل متتعصب وترمي اتهامات اونطه كنت فهمت انى بحكيلك على موقف حصل قدامى كنت رايح اتفرج على عربيه زي بتاعتك لانى بقالى 4 شهور بدور على عربيه كويسه مش لاقي واتباعت قدامي ب 20000 فعلا رغم ان العربيه كان مطلوب فيها 24000

وبرده احقاقا للحق نفس العربيه كانت مع زميلي فى الشغل وباعها ب 22000 عشان موضوع السخونه والتقل اللى فيها طبعا اكيد انت مجرب يعني ايه كل جسم العربيه دي على موتور 1300 عشان كده فى السوق المصري السكودا فيليشيا وكومبي وفيفوريت وفورمان عربيات فاشله بكل المقاييس طبعا انت هتقول كلام فارغ ومش عارف ايه رغم انك بتتطلب فى عربيه مفيهاش ريحه الكماليات سعر بيطلب فى عربيات تانيه كامله

دى الحقيقه محدش طبعا هيقتنع بالكلام بس الحكم بيننا هى هتتباع بكام وخلى بالك انت عارضها بقالك اد ايه وعمل تنزل فى السعر ازاى متجيش بعد كده وتقول على الناس المحترمه تجار

شكرا لرد حضرتك ونورت موضوعى وشكرا انك قلت موفق فالبيع بطريقتك

المشاركة الأصلية كتبت بواسطة sherif0333

هههههههههههههههه اتاكدت انى تاجر منين باه اولا انا راجل مهندس مدني مليش لا بيع ولا شرا
اولا انا ركبت عربيتين فى حياتي لحد دلوقتى
فورد اسكورت كنت شاريها ب 33000 فابريكه بره وجوه حاله زيرو فعلا جميع الكماليات بعتها بعد سنه ب 26500 مشيت بيها بالظبط 5000 كيلو لانى كنت شغال فى الغردقه وراكنها هنا
128 مو 90 الناس بتطلب فيها 20 و 21 انا بعتها 13750 رغم انى شاريها ب 17000 وقعدت معايا سنتين ونص

طبعا واضح انى تاجر وبكسب هههههههههههه

لو كنت قريت كلامى قبل متتعصب وترمي اتهامات اونطه كنت فهمت انى بحكيلك على موقف حصل قدامى كنت رايح اتفرج على عربيه زي بتاعتك لانى بقالى 4 شهور بدور على عربيه كويسه مش لاقي واتباعت قدامي ب 20000 فعلا رغم ان العربيه كان مطلوب فيها 24000

وبرده احقاقا للحق نفس العربيه كانت مع زميلي فى الشغل وباعها ب 22000 عشان موضوع السخونه والتقل اللى فيها طبعا اكيد انت مجرب يعني ايه كل جسم العربيه دي على موتور 1300 عشان كده فى السوق المصري السكودا فيليشيا وكومبي وفيفوريت وفورمان عربيات فاشله بكل المقاييس طبعا انت هتقول كلام فارغ ومش عارف ايه رغم انك بتتطلب فى عربيه مفيهاش ريحه الكماليات سعر بيطلب فى عربيات تانيه كامله

دى الحقيقه محدش طبعا هيقتنع بالكلام بس الحكم بيننا هى هتتباع بكام وخلى بالك انت عارضها بقالك اد ايه وعمل تنزل فى السعر ازاى متجيش بعد كده وتقول على الناس المحترمه تجار

بعد إحترامي لكلام حضرتك واضح فعلا أنك مش تاجر

لالالا حضرتك زبون وزبون كويس كمان

بس هعلق على كلام حضرتك على أن الفليشيا فاشلة وكلام من دة

أولا بحترم رايك اللى أكيد بنيته على تجربة مش لطيفة مع عربية فيها مشاكل ومعرفتش تتعامل معاها ناس كتيييييييير جدا وانا أولهم بشكر جدا فى اعتمادية العربية دي وقوة تحملها ومتانة صاجها اللى بعتبرة ميزة مش عيب كفاية اقولك شاب لطيف بعربية فيرنا رمي عليا وخبطلي جمب العربية ونزل يعتذر وانا ميت على نفسي من الضحك علشان انا شوفت بوية عربيتة فى الرفرف عندي عامل خط وهوة الرفرف الخلفي بجمب العربية رايح فى داهية

بص ياباش مهندس دى حريات واعتقد لا أنا ولا أنتا هنغير مفهوم الناس عن العربية دي اللى كلها مميزات المهم مش دة موضوعنا

كلامي للاستاذ منسي لو حضرتك بتبيع علشان تجيب حاجة تانية أوصيك بالصبر

أولا سوق الزيرو مرتفع الايام دي وبالتالي سوق المستعمل مرتفع أيضا أعرض عربيتك على المواقع الاعلانية وانصحك كام صورة واضحة وحلوة للعربية ان شاء الله هتجيبلك زبون كويس

ونصيحة تانية وانا شخصيا بعمل بيها من زماااااان أوي مبحبش ابيع او اشتري وأنا متسرع ومؤمن جدا بأن اللى من نصيبك هيصيبك ومن ناحية تانية مبشتريش غير من زبون حلو زي الباش مهندس أو ببيعله يعني تبعد عن التجار نهائي لانهم حرامية الا القليل منهم

لما تيجي تبيع يحسسك أنه بيعمل فيك جميل وان العربية ملهاش سوق ويموتللك سعرها واول مايشتري ويحيب زبون حلو بيحسسو ان العربية دي مفيش زيها اتنين وانها احسن عربية فى مصر مع انها نفس العربية


خلاصة الكلام لو هتبييع علشان تجيب عربية غيرها يبقي فى التأني السلامة وان شالله متباعت واصبر لحد متجيب السعر اللى انتا عاوزة


تحياتي للجميع واعتذر للجميع عن قلة مشاركاتي بسبب الشهر الكريم

تقبلو خالص تقديري واحترامي