المشاركة الأصلية كتبت بواسطة Ahmad Allawy
شوفوا يا جماعه..
انا ركبت الاتنين بس مسوقتش غير الياريس بس..
السيتي ركبتها من فترة و كانت الشكل قبل الحالي..
الشكل من برة.. بصراحة و محدش يزعل مني و ده ذوقي يعني..
الاتنين زفت. :) :) :) بس السيتي ارحم شوية..
من جوة السيتي شكلها اشيك بمراااااااحل ..
و التابلوه برضه كان شيك قوي..
و الفرش خاماته القطيفة واللون الكريمي بتاعها خطير جدا..
العربية شيك جدا من جوة.. (الله اعلم الشكل الاخير بقي ايه نظامه.. ولو اني متوقع انها نفس المستوي..)
الموتور لا جدال.. موتور السيتي اكيد هيكون اقوي.. لسبب مهم.. انه معروف ان مواتير الهوندا و بعدها النيسان اقوي مواتير الياباني.. (الكلام عن قوة المواتير..بس.. )
العربية اي نعم متقفلة في تايلاند بس الموتور متقفل كله و جاي علي بعضه من اليابان..
نيجي بقي لباقي المواصفات.. الفتيس بتاع السيتي سي في تي.. و الياريس عادي
في رأيي السيتي من جوة التابلوه و الخامات و الدركسيون حتي انضف من ااياريس.. (محدش يزعل مني.. ده رأي شخصي..)
دلوقتس في فروق بسيطة جدا بين العربيتين.. طيب ايه السبب؟؟
هاقولكم.. توكيل هوندا لو كان شايف ان الطلب كتير عليها زي الياريس كان غلي سعرها.. لكن العربية الاقبال عليها اقل من الياريس طبعا..
و توكيل تويوتا طبعا ميتوصاش.. اللي تغلب به العب به.. اقبال = زيادة ف السعر..
الفروق انا شايفها في ايه بي اس و ده مش موجود غير في اعلي فئة.. و التقفيل التايلاندي..
هل ده يعمل الفرق الكبير ده اللي هو 20 الف جنيه تقريبا..؟؟ اكيد متستاهلش كل ده..
انا واحد من اللي ركبوا العربيتين بس سوقت الياريس بس.. مش هاحكم علي اداء العربيتين.
بس حكمت علي التقفيل من جوة و الخامات و الشياكة اللي انا شايفها في مصلحة السيتي بصراحة..
الفروق في قطع الغيار بسيطة برضه علي فكرة..
اللي يفرق بينهم دلوقتي سعر اعادة البيع.. و سهولة البيع مش اكتر..
غير كده كفاءة العربيتين متقاربة جدا..
و موضوع تقفيلها برة اليابان.. ده من اولها اصلا.. العربية متقفلتش ف اليابان اصلا..
كلها في تايلاند.. زي ما الكورولا اللي بتجيلنا هنا دي متقفلة في جنوب افريقيا و بعض الخليجي استرالي.. و الحاجات دي مش بتفرق نهائي.. لأنه كده كده في
حاجة اسمها كواليتي اشورانس.. بتأكد علي تقفيل العربةي انها تليق باسم الشركة..