الله ينور عليك ومشكور على الشرح للاستفاده
رقم العضوية : 84207
تاريخ التسجيل : 25Dec2010
المشاركات : 604
النوع : ذكر
الاقامة : Giza
السيارة: Lancer - Crystal 99
السيارة[2]: Peugeot 504
دراجة بخارية: I Don't Like
الحالة :
فى البدايه أحب أشكر اسامه و الحاج محمد الجرجاوى علي الاهتمام الشديد والمتابعه و بجد الناس دى خدومه جداً جداً ومش بيتأخروا فى أى حاجه ...
تقــرير مُدعم بالصور عن الصيانه الشامله لـ تكييف لانسر كريستاله 99 ..
من 3 ايام لقيت العربيه اتلخبطت وبقت مش مظبوطه لما التكييف بيشتغل والـ RPM بيعلي وبيفضل ثابت ومش بينزل للمستوى الطبيعى غير لما التكييف يتطفى
والكومبريسور صوته بقى غريب جداً لما التكييف بيشتغل وكل ماتدوس بنزين الصوت يعلى اكتر .
كلمت أسامه( Bonanza ) وصفلى راجل محترم جداً جداً فى ارض اللواء إسمه ( الأسطى أحمد ) ..
الراجل ده يا جماعه فنى تبريد وتكييف من زمان وفاهم شغله كويس اوى وقبل ده كله بيراعى ربنا فى شغله
المهم روحتله قولتله عايز اكشف علي التكييف كشفت قالى الكومبريسور ده بيودع
و الحل إنك تجيب واحد إستيراد و نصيحه عشان تاخد كفاءه كويسه من التكييف ويبقى الشغل مره واحده غير إكسبنشن و فلتر التكييف
كلمت الحاج محمد الله يباركله و اتصل لي بزوزا و بعتنى اخد منه الكومبريسور علي 600 جنيه طبعاً السعر ممتاز جداً مقارنة بالاسعار اللى سمعتها برا
علي سبيل المثال : سوسو بتاع المريوطيه كان بيتكلم فى 1000 جنيه ..
نزلت الحرفيين جبت الكومبريسور و إشتريت الاكسبنشن والفلتر من هناك برضوا من عند محل إسمه سكارو
صورة الكومبريسور
سعره 600 جنيه
ودى صورة الاكسبنشن
و سعره 70 جنيه
و ده الفلتر
و سعره 65 جنيه
تانى يوم روحت للأسطى أحمد عشان اوريله الحاجه اللى انا جيبتها هى ولا لا و إذا كان فى حاجه هترجع
الراجل مشكوراً كشفلى علي الكومبريسور وضغطه عشان لو فى تسريب هيحصل نفس المشكله اللى حصلت اول مره بس بعد فتره قصيره
كشف علي الكومبريسور والحمد لله طلع مش بيسرب وتمام قالى كده 50% من الكومبريسور سليم وزى الفل ناقص الجزء الخاص بالتركيب والكبس مع التشغيل :)
كان الإتفاق علي الشغل كالأتى
1- هيفك مواسير التبريد كلها وينضفها و يغير الـ Oil Seals بتاعة المواسير كلها
2- هيفك الكويل ويغسله
3-هيغير الاكسبينشن
4-هيغير الفلتر
5- وطبعاً فك و تركيب الكومبريسور والشحن والمراجعه علي مواسير التبريد لو فيها تسريب ..
وبدأنا الشغل بعد الفطار ..
فكّينا الكويل والصنايعى التانى ( حمّص ) كان شغال برّا بيفك الباليتات ( اللى هى المواسير ) بتاعة الكويل والتبريد وبيفك الكومبريسور ..
ودى صورة الكويل وهو فى الكوفر بتاعه
الكاوتشه اللى علي الشمال تحت دى بتاعة التصريف
والسلك الاصفر ده الثرموثتات ..
ودى صورة للكويل لما اتفك من الكوفر عشان يتغسل و عشان نغير الـ إكسبنشن ..
و ده الـ Oil Seal بتاع الـ إكسبنشن .
هنا لما ركبنا الـ إكسبنشن
واضح طبعاً التراب والسدد اللى علي الكويل
و الماسوره التخينه اللى مربوط فيها النحاسه بتاعة الـ إكسبنشن مش بتتساب كده لازم تتعزل
بكاوتش, الاسطى أحمد عزله بس انا نسيت أصورها
وهنا بعد النضافه من الامام و الخلف
اختلاف تام بين قبل التنضيف و بعده ..
فى نهاية الماسورتين الموازيين لـ بعض دول مربوط شريط لحام عشان مايدخلش مياه من تنضيف الكويل
وبعد ماالكويل نضف و اتساب عشان ينزل المياه اللى فيه
إتكبس بالهوا عشان لو فى اتساخات او مياه جواه تخرج :)
نرجع للجزء الخارجى لوحدة التكييف ( الفلتر - المواسير )
الصوره دى مفكوك فيها مروحة الردياتير عشان يعرف يفك مواسير التكييف بحريه من غير مايخبط فى حاجه او يبقى فى اى نوع من الاعاقه وهو شغال
بس الشغل الخارجى اللى إشتغل فيه الاسطى حمص والراجل بصراحه تلميذ الاسطى احمد من زمان ولما خلّص شغل الاسطى أحمد راجع علي شغله تانى وتمم عليه بنفسه, بس معرفش اركز معاه فى التصوير لأنى كنت مركز مع الاسطى أحمد بشكل كبير
الكويل إتنضف والـ إكسبنشن ركب عليه وركبنا الكويل جوا وقفّلنا المواسير كلها والفلتر
جيه وقت كبس الهواء عشان إختبار التسريب
مدة الاختبار كانت 7 دقايق متثبت علي الجتش
فى حالة هبوط المؤشر عن النسبه المطلوبه يبقى كده فى تسريب فى المواسير
والحمد لله تم إجتياز الاختبار ومفيش أى تسريب حصل
الخطوه التانيه الرغاوى علي المواسير والفلتر والكومبريسور عشان لو فى تسريب برضوا يبان
و الحمد لله ماظهرش أى تسريب
إتفرغ الهواء واتكبس تانى فى المواسير بس المره دى مع شحن الفريون .
والخطوه التاليه إضافة بعض الزيت للكومبريسور تحسباً لنقصان الزيت
تم شحن الفريون وإضافة الزيت للكومبريسور
وبدأنا تشغيل العربيه وتشغيل التكييف ..
وصلنا الترمومتر جوا العربيه وشغلنا التكييف بتدرج سرعات المروحه من 1 : 4 ..
تغير ملحوظ فى الحراره فى الداخل
ودى الصورة النهائيه لدرجة حرارة العربيه من جوا علي السرعه الرابعه للمروحه .
7.3ْ C
طبعاً الدنيا كانت بليل والحراره دى ماتعتبرش مقياس لأن المقياس الحقيقى هيبقى بالنهار
بس كـ بداية انا متفائل بيها بصراحه
الشغل بدأ من 10:15 إلى 12:00
والميزه فى الموضوع إن الاسطى أحمد بيشرحلك كل حاجه فكّها و وظيفتها إيه ولو باظت إيه اللى بيحصل والشغل كله انت شايفه بعينيك خطوه بخطوه ...
تكلفة المصنعيه - 100 جنيه
تكلفة شحن الفريون 180 جنيه ( كان فى نوعيات تانى أرخص بس طالما بدأت علي نضيف يبقى تكمل لأن الفريون مهم جداً إنّه يبقى نضيف )
التكلفه الإجماليه للـ كومبريسور + الـ إكسبنشن + الفلتر + التنضيف +الشحن +المصنعيه = 1015 جنيه
و إن شاء الله هيبقى فى تقرير صغير جداً عن التجربه فى النهار و اداء التكييف
نأسف للإطاله
و لو فى إستفسار و فى إستطاعتى الرد مش هتأخر إن شاء الله
كل سنه و إنتم طيبين :)
Respect To Be Respected
رقم العضوية : 86423
تاريخ التسجيل : 20Jan2011
المشاركات : 1,661
النوع : ذكر
الاقامة : بلطيم
السيارة: ____________
السيارة[2]: ___________
دراجة بخارية: 1
الحالة :
الله ينور عليك ومشكور على الشرح للاستفاده
فتح سابقا
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
موضوع جميل تسلم ايديك
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 40467
تاريخ التسجيل : 17May2009
المشاركات : 3,058
النوع : ذكر
الاقامة : cairo-nozha
السيارة: SEPHIA 2000
السيارة[2]: Fiat Regata
دراجة بخارية: لا يوجد
الحالة :
ألف ميروك و المصنعية قليلة على الشغل اللى إتعمل ... ممكن رقمه و مكانه بالتقريب ؟
رقم العضوية : 16962
تاريخ التسجيل : 22Aug2008
المشاركات : 807
النوع : ذكر
الاقامة : Banha
السيارة: لا يوجد
السيارة[2]: Lancer 2007
دراجة بخارية: لا يوجد
الحالة :
مبروك يا باشا
بس عندى سؤال
الكويل دا اللى هو التلاجه ولا السربنتينه ؟
وايه وظيفه الاكسبنشن ؟؟
سبـحان الـلـه وبـحمـده .. سبـحان الـلـه الـعـظـيـم
رقم العضوية : 84207
تاريخ التسجيل : 25Dec2010
المشاركات : 604
النوع : ذكر
الاقامة : Giza
السيارة: Lancer - Crystal 99
السيارة[2]: Peugeot 504
دراجة بخارية: I Don't Like
الحالة :
احنا فى الخدمه
مروركـ أجمل ..
مكانه فى ارض اللواء
لو جاى من جامعة الدول هتطلع الكوبرى بتاع بولاق هيقابلك إتجاه يمين و شمال هتخليك فى اليمين وتنزل من الكوبرى تمشى بتاع كيلو وهتلاقى قهوه اسمها المماليك علي ناصيتها شارع خش في الشارع ده شمال × شمال هتلاقيه علي يمينك ( الأسطى أحمد )
الله يباركـ فيك يا ابو عمر
الكويل ده اللى هو التلاجه وبيبقى راكب ورا الطبلون
السربنتينه دى فى الجزء الخارجى
وظيفة الاكسبنشن إنه أولاً فيه إبره ضخ الفريون علي الكويل عشان يدى التبريد المناسب
و في حساس مع الابره لما بيلقى الماسوره بردت بيفصل ضخ الفريون :)
والله اعلى و اعلم :)
Respect To Be Respected
رقم العضوية : 26517
تاريخ التسجيل : 30Nov2008
المشاركات : 498
النوع : ذكر
الاقامة : cairo
السيارة: lancer 2007
السيارة[2]: Nubira II
دراجة بخارية: swsd
الحالة :
تقرير ممتاز تسلم ايدك عليه انا جربت شغل احمد فعلا بالتكيف بتاع الانسر بصراحه هو فعلا راجل محترم وعارف شغله بس كان معاي غالي شويتين بالمصنعيه بس شهاده لله الراجل لما مره اتصلت اساله علي جاجه بتكيف النوبيرا قعد قالي شوف كذا وكذا بدون اي ملل او مدايقه وده اللي خلاني اقول فاهم شغلته ومحترم بمعاملته يبقا مش مشكله الفلوس
ماكان لك فلسوف ياتيك فلو قدر لكان
WALID ADEL
رقم العضوية : 136579
تاريخ التسجيل : 15Mar2013
المشاركات : 131
النوع : ذكر
الاقامة : cairo
السيارة: lancer
السيارة[2]: ibiza
الحالة :
مبروك - كنت عايز اعرف منك حاجه هل تنظيف الكويل بيتطلب فك التابلوه
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
مبروك يا باشا
ومشكورر علي الموضوع الرائع ده ..
رقم العضوية : 84207
تاريخ التسجيل : 25Dec2010
المشاركات : 604
النوع : ذكر
الاقامة : Giza
السيارة: Lancer - Crystal 99
السيارة[2]: Peugeot 504
دراجة بخارية: I Don't Like
الحالة :
Respect To Be Respected
المفضلات