مطلوب المساعده بسرعه من فضلكم

**DR/WAFEK** · 31-08-2008 10:12 PM

:smile:كل سنه وانتم طبيبين بمناسبه شهر رمضان اعاده الله علينا جميعا باليمن والبركات
نخش فى الموضوع فى واحد عارض عليا عربيه دايو 2002 كامله اوتوماتيك رشه من بره عامله 56 الف عايز اعرف السعر كده كويس ولا ايه وايه لمشكله ان العربيه تكون رشه من بره وايه الحاجات اللى اركز عليها فى فحص العربيه وهل موديل 2002 يعنى العربيه كده مستهلكه ولا ايه اصل واحد قلى ان الدايو بالذات خيرها للمالك الاول ارجو المساعده لانى عايز اخلص فيها

**DR/WAFEK** · 31-08-2008 11:19 PM

ايه يا اخوانا محدش برد ليه

**Akram** · 01-09-2008 05:28 AM

حلمك شوية , انت اصبر و هتلاقي الناس هترد ,,,,
بس يا ريت تقول هي نوبيرا ولا لانوس ,
أعتقد انها نوبيرا علشان لو لانوس السعر ده هيكون كتير ,
و السعر ده بالنسبة للنوبيرا كويس لو حالتها تمام ,

حالة العربية و طريقة استخدام مالكها أهم من السنين ,
يعني مو2002 و استخدام كويس أحسن من مو2004 و استخدام سيئ ,

الفيصل حالة العربية ,
أهم حاجة الأساسيات و هى الحوض و القوايم و بعدين حالة الموتور و العفشة و الفرش و حتى الكاوتش , لأن أي حاجة في دول مش تمام هيبقى معناه إن مالك العربية مهمل و استخدامه سيئ ,
دا غير إن العربية ممكن تصرف فوق تمنها مبلغ مش قليل لتظبيط حاجات ممكن يكون شكلها صغير أو مش واضح فلازم تهتم بالتفاصيل ,

و طبعاً لازم يكون معاك فني سمكري و لو الاساسيات سليمة توديها عند ميكانيكي يشوف باقي الحاجات ,

و ربنا يوفقك للإختيار السليم ...