الموضوع: حبيت افضفض معاكم لحالتى

السلام عليكم ورحمه الله وبركاته
وكام عام وانتم بخير ورمضان كريم على المسلمين جميعا

بدايه تردد كتير انى كاتب مشكلتى نظرا لان الناس مش ناقصه وكل واحد عندوا الى مكفيه وحال البلد وغيره

انا الموضوع طويل شويه وبعتذر لذلك والموضوع عباره عن مشكله نفسيه او عاطفيه عشان لو حد حابب يلخع من اولها

بدايه انا شاب عندى 27 سنه من حوالى 4 سنين تعرفت على بنت فى الكورس معايا على خلق ومكنش فى دماغى اى حاجه ومع الوقت ابتدتنا نتكلم اكتر زى مبيحصل بين اتنين معجبين المهم
خلال سنه كنا بنتقابل لعلم والدتها وديه كانت حاجه مريحه جدا سواء من نحيتى او من ناحيه البنت واهلها
وجه الوقت انى اسعى فى الموضوع بالحلال اكتر واتقدم ليها بعد متاكدت انها مناسبه من حيث الاخلاق والفكر وغيره اكيد كانت بتقابنا مشاكل بس مكنتش بالكبيره وكانت بتعدى

اتقدمت لخطبتها ايام الثوره واهلها قدروا الظروف والبلد ومفيش شغل
مش هنكر ان اسلوبى مكنش كويس معاها نظرا لنفسيتى سعتها انى مش لاقى شغل وكنت واخد الموضوع زيارات واكل وشرب وخناق معاها كتير
مكنتش متحمل مسئؤليه بس ارجع واقول لحالتى النفسيه وكانت البنت بتحاول تقف جمبى بس كنت ديما بحس ان فى حاجه غلط فى الموضوع بس كنت بحاول اعاملها بما يرضى الله
كان بيحصل تجاوزات مبينا زى مبيحصل بين بعض المخطوبين فى الفتره ديه وكان لازم بعدها تحصل مشكله مبينا بسبب رفضها للموضوع ده

المشاكل كانت بتوصل للاهل خصوصا اهلها وكان ديما بيحصل منقشات مبينا معاهم وكانت بتنتهى عادى وبترجع تانى لحد ميوم خلاص البنت حسب كلمها انها تعبت منى والموضوع انتهى حولت كتير بعدها ولكن بدون جدوى او اى امل

بعد مرور سنه بحاله نفسيه وحشه جدا رغم ان ربنا كرمنى بشغل واتعرفت على بنات كتير بس مكنش فى دماغى غيرها فكرت ان افتح الموضوع رسمى تانى مع اهلها مش مع البنت جايز الموضوع سعتها يكون فى كلام تانى وفعلا اهلها رحبوا بيه
ولكن بشروط جديده يعنى مكنش فى تساهل فى توضيب الشقه والمؤخر والفرح وزياده فى الشبكه وانا كنت موافق بصراحه وكنت بقول لنفسى اكيد هما خايفيين منى وبيحولوا يشوفوا رد فعلى او جايز تفكرهم يتغير بعد الخطوبه والمعلمله حصوصا انى تعلمت حجات كتير

ابتدت محولاتى لاقناع البنت بانى اتغيرت وانى كنت غلطان فى حجات كتير بدون مذكر غلطها وربنا كرمنى ورجعنا تانى وسعتها حسيت بسعاده كنت مفتدقها جدا
معايا انسانه تمنتها على خلق بقينا متفاهمين اكثر مقربين من ربنا والحمد لله علقتى باهلها وخصوصا والدها كانت كويسه نظرا لظروف مرضه الكثيره
كان فى البدايه بتقبلنى مشاكل انها ديما فاكره الوحش بس الحمد لله قدرت اغير المفاهمين الغلط عنى
وعلاقتنا كانت كويسه
وابتديت توضيب شقتى على حسب رغبتها من الوان وشكل ومكنتش بعمل حاجه غير انى ارضيها واعملها مفجاءات واشوفها ديما سعيده معاها فى الفرح والحزن والتعب وغيره وكنت مرتاح جدا وكنت ديما بفتكر السنه الكئيبه الى مريت بيها ولو كنت حسبت بانها تجاوزت معايا فى حاجه كنت بفكر نفسى ديما بالسنه ديه وكنت بكبر دماغى واكيد كنت بتكلم معاها بتفاهم بدون عصيبه
ديما بروحلها الشغل اوصلها وايام الاجازه كذلك وهيا كانت بتحاول ترضينى وتكون معايا بحبها او اهتممها

للاسف ده ماستمرش كتير ابتديت ابعد عن ربنا وبقى يحصل تجاوزات من تانى وبقيت حاسس ان الموضوع بترجع زى زمان ويحصل مشاكل مبينا بسبب العفش كان ديما اى خروجه نشترى فيها حاجه بتحصل مشاكل اختلاف اراء تجاوزات اقل فعل منى غلط بلاقى رد فعل وحش جدا كنت بتقلب قرد انى احاول ارضيها بس اى غلطه كل حاجه بتتنسى
وبرجع واقول عندها حق هيا هتفرح بالحاجه ديه مره واحده ونظرتى غير نظرتها
جهزت شقتى من دهان وعفش وللاسف والحمد لله فلوسى خلصت وابتديت اشوف جمعيات بسيطه نظرا لان مرتبى ضعيف وده كان بالنسبه لاهلها مشكله لان بكدا هنقعد فتره اطول من المفترض وكان بيقبلنى مشاكل مع والدها انوا ديما عاوزنى اتصرف فى فلوس من اى حد

وكانت فكرتى الى اخذتها فى البدايه ان بمجرد مالناس تشوف معملتى هتغير رايها وتساعدنى بس ده محصلش
طلبت منهم مساعده زى سجاد ونجف وستاير مرفضوش واتفقنا بالنص لكن لسه فى مشكله الفرح والشبكه منين
انا اقل حاجه جايبها كانت واصله 13 الف يعنى جايب حجات كويسه عشان محدش يقول انى كذبت
كان ممكن اجيب اقل حاجه واجهزا لشقه كلها بس كنت عاوز الى هيا عاوزاه
طبعا ده كلوا مشاكل معاها برضوا انى بطلب منها تكون واقفه جمبى بس بدون فايده يمكن انا جيت على اهلى عشان امشى الموضوع كويس
معرفش هيا غلطتى انى واقفت من البدايه على الشروط لان وقتها مكنتش بفكر غير فيها ولا غلطت مين
ديما كنت ببادر انى اتكلم معاها واصفى الدنيا ومع اهلها والامور ترجع وكويس بس للاسف مكناش بنكمل ونرجع تانى زى محنا واتكلم ونرجع تانى
ورغم ان جالى فلوس الا انى رفضت انى اجيب بيهم حاجه لشقتى لان وقتها كنت حاسس باستغلال ومعرفش هوا فعلا كدا ولا انانيه منى ورجت اشتريت حاجه للعربيه

لحد مطلبت منى اننا نسيب بعض بعد كل حاجه عملتها وتجيزهات الشقه والعفش وتجهيزتها للجهاز بتعها
طلبت الانفصال وانا رفضت واتكلمت معاها بحكمه والحمد لله محصلش حاجه
بس ديما كنت بشيل جوايا انى مهما عملت مش هلقى الرد الى انا عاوزه واكيد انا بغلط كتير فى امور معاها
اخر اتصال كنت بنتخانق على حاجه نجبها فى الشقه ومعيش فلوسها وهيا اصرت وانا رفضت لانى مش حمل جمعيات ولو معايا فلوس يبقى اخليها اولى لحاجه مهمه والباقى يجى بعدين وديه كانت اخر مكالمه او اخر خناقه
بعدها باسبوعين والدتها كلمتنى وطلبوا انهم يجوا وفعلا ده حصل وكانت نيتى ان الموضوع يهدى وكان الموضوع بحضور اهلى واهلها والكلام كان بادىء كويس انا ايه طلباتى وانا مكنش ليه طلبات غير ان البنت تفهم انى بحاول ارضيها ولازم تقف جمبى اهلى كانوا شايفين انهم استغلوا رجوعى للبنت وطلبوا حجات كتير وهما شايفين ان ده عادى جدا وللاسف لاقيت نفسى بطلع غلطان فى كل حاجه من والدها بناء على الى هيا حطتوا ليهم حولت اتكلم بهدوء وابرر وافهم بس بدون جدوى ومقدرتش استحمل وقولتهم كل شىء قسمه ونصيب وفى نفس اللحظه اخذت متعلقاتى من دهب وهما اخذوا الاجهزه الكهربائيه بتعهم كانوا عاملين حسبهم بعربيه نصف نقل بس كانوا بعدنها لحد ميشوفوا الوضع
جانب من اهلى فرح وجانب زعل والموضوع اتقفل بالنسبلهم

فى لحظه الموضوع انتهى بدون رجعه ورجعت تانى انيل من الاول تفكير مستمر لمده 24 ساعه فى اليوم بدون مبالغه صبح وليل احلام بيها ديما فاتح الاكونت بتعها على الفيس بوك
كل مقرب من ربنا واكثر من الدعاء بحس ان الموضوع بيزيد اكتر وشويه ابعد وشويه اقرب مفيش اى تحسن
بقيت ديما منعزل عن الناس لاكثر من 4 شهور خصوصا اهلى
حاسس باكتئاب وضياع وتسرع وندم بنام اكتر مبصحى
مبقتش طايق شقتى ولا العفش الى فيها وللاسف لو بعتوا هخسر فى جامد
حولت انى اهرب واشوف بنت كويسه اتقدم ليها فشلت وظلمت
جربت اغير جو واتكلم مع ناس واشوف اراء واحاول ومفيش فايده فكرت فى دكتور نفسى وبحاول اشوف حد كويس
مبقتش عارف مين الصح من الغلط ولا بقيت عارف ايه السبب هل بعدى عن ربنا من تانى حب انوا يجازينى ولا هيا معدتش زى الاول ومبقتش فارقه معاها احنا كان فضلنا شهرين او 3 ونتجوز
بقيت محبط ديما ومش قادر تخيل ان الموضوع انتهى سواء كلامى معاها او معشرتى لاهلها وتفكيرنا لبكره فى شقتنا ومستقبلنا وخروجتنا وغيره

ياريت تنصوحنى اعمل ايه انا كل يوم حالتى بتسوء عن اليوم الى قبله