الي يحبس حد في قبر ... ويقلك ده هزار ياترى عقوبتوا. أية !!

**zangry** · 27-07-2013 05:45 AM

ياجدعان اكيد مش عارفين !! يعني هي هيفاء وهبي لو عارفة هتقعد تسب الدين طول الوقت وتقول الالفاظ الزبالة اللى اتقالت !! مظنش يعني !

بالنسبة للاخ رامز .. فهو هيموت موته بشعة :d

**Ahmed Nasser** · 27-07-2013 06:25 AM

تم نشر الموضوع على الفيس بوك
يمكن حد كدة ولا كدة يشوفة ويوصلة للمتخلفين اللى بيعملو البرنامج دة

**besso** · 27-07-2013 06:05 PM

ماشى ياجماعه اكيد فيه ناس بيبقوا عارفين انه مقلب على الاقل
لكن واحد زى خالد عجاج ده ده كان هايموت بجد ولو انى بردو اشك لان الناس دى بتقنعنا فى افلامها بالشخصيه اللى بتمثلها شم هايعرف يقنعنا بانه بيموت !!!!!!

لكن بجد احنا لو فى دوله محترمه تعرف يعنى ايه حقوق انسان حتى لو الناس عرافه انه مقلب بيتعمل فيها شوف كا طفل ممكن يحاول يعمل كده فى اخوه الصغير ولا حتى فى واحد صاحبه من باب انه بيهزر ماهو شاف رامز بيعمل كده

احنا لو فى دوله محترمه مكانش البرنامج ده خد تصريح بالتصوير او انه يطلع فى التليفزيون اساسا
ولو كان اتعرض كان زمان رامز ده مسجون

**mohammed dodda** · 27-07-2013 06:23 PM

اللى هتكلم عليه ويهمنى بخصوص الموضوع ده شئ واحد وهو (القدوة السيئة)...محدش ينكر ان التليفزيون دلوقتى بقى بيشاركك فى تربية عيالك غصب عنك...افرض ياسيدى ان الليلة كلها متفبركة والناس عارفة المقلب وقابضة الثمن برضه مينكرش انها جريمة اخلاقية فى حق الاطفال والنشء ومثال حى لانحطاط الاخلاق فى البلد ولا حول ولا قوة الا بالله

**Ahmed_Adham** · 27-07-2013 06:27 PM

أنا بقول انه تمثيل من أوله لأخره.

**besso** · 27-07-2013 08:17 PM

حتى التمثيل لازم يكون عليه رقابه
انت لو سبت الناس تعمل الافلام اللى على هواها المجتمع هايزيد سوء وده اللى حاصل دلوقتى

**ganash** · 27-07-2013 08:49 PM

رامز ده انسان تافه اصلا

**Y a r i s** · 27-07-2013 10:18 PM

انتوا بتقولوا فيها انا مره كنت معدي على مدرسة ثناوية اسمها مبارك كول ببص لقيت خناقه والطريق مقفول وعيل قالع الفنيلة وواقف في الشارع وماسك سلسلة في ايد ومطوة في الايد التانية فكرني بفيلم عبدو موته او فيلم بتاع احمد السقا ابراهيم الابيض ...
ده بالفعل كان بيمثل دور ابراهيم الابيض ومستعد يشرح اي حد يوقف قداموا رغم انو مجرد طفل
بس هو جسد نفسوا في دور ابراهيم الابيض البلطجي الصايع وعايش الدور

الاطفال بطبعهم بيقلدوا بالملي .اي حاجة يشوفوها او يسمعوها .. ده حتى الكلمات المصرية القبيحة. الناس اول ما تسمعها في التلفزيون تلاقي الكلمة تتقال لاي حد وفي اي وقت دون وعي لمعناها ...
المهم ماعلينا شوفتوا حلقت النهردة جالكم كلامي اهي مها احمد وقعت من طولها وسورقت. وكانت هتروح فيها لولا ستر ربنا

سلامتك يا بيضة
بس بالزمة. بالزمة. يعني جوزها لمن يعرف ان واحد بيهزر مع مراتوا وحبسها في قبر تحت الارض
هيعمل فيه ايه ياترى هيضربوا ولا هيدحك ويقول هاهاها راحت عليكي وعليكي واحد !!!