ارجو المساعدة .... بخصوص البطارية

**MEMOAHMED14** · 27-07-2013 02:43 PM

معايا لانوس 2007 ...
العربية كانت بتتأخر فى الدوارة معايا من فترة ... روحت للكهربائى امبارح وفك المارش ولقى الشربون متاكل .. المهم غيره وركب المارش ودور والعربية بقيت تمام... مشيت من عنده وانا مروح لسه العربية بطلت منى والانوار لقيتها بتتضعف ومش عايزة تدور ... المهم كلمته راح جايلى ودور العربية بالزق وقالى البطارية هى اللى فيها مشكلة .. طبعا الوقت كان تأخر وبتاع البطاريات قفل ... انا دلوقتى حاليا العربية النهاردة بتدور بس فى تقطيع غريب على كل غيار من الاول الى الاخير وحاسس ان فى حاجة مش مظبوطة ... ارجو الرد من فضلكوا ... يعنى اروح لبتاع البطاريات ولا ايه.......البطارية سائلة

**MEMOAHMED14** · 27-07-2013 03:34 PM

وين الردووووووووود

**Elawany13** · 27-07-2013 03:51 PM

خد بالك من قواطيش البطارية واتأكد انها نظيفة وماسكة كويس ومش مهزوه

لو العيب من البطارية ممكن تعمل محاولة وان شاء الله تبقى تمام

لما ببدأ احس بضعف فى البطارية السائلة
بشترى جركن ميه نار 4 لتر اللى لاقيته تركيز 30%
وبفك البطارية وبفضى مية النار اللى فيها
وبملاها ميه نار جديده
ولو كانت فاصلة شحن خالص بوديها للكهربائى يشحنها على التونجر
لو شغاله بركبها على طول فى العربية
هتلاقيها رجعت زى الفل تانى كإنها جديده
انا عملت الحكاية ديه فى بطاريتى السائلة مرتين
اللهم صلى على النبى ... بسم الله ماشاء الله بقالها معايا 3 سنوات ولسه تعتبر زيرو وبتدور العربية من تكة واحده
رغم انى بكرن العربية كتير جدا ومشاويرى قصيره وداخل المدينة ومعظمها بيكون ليلاً
ياعنى اعتبر بحمل كتير جدا على البطارية

**MEMOAHMED14** · 27-07-2013 07:42 PM

ياجماعة أرجو الرد على استفسارى...............

**MEMOAHMED14** · 30-07-2013 12:09 PM

ياجماعة الحمد لله تم حل المشكلة..
بعد الكشف على البطارية وجد ان المياه فيها ناقصة وبعد تزويدها وشحنها عادت الى العمل كما كانت ....
بس فى حاجة ملاحظها دلوقتى انا كنت مفول العربية قبل موضوع البطارية ديه وبعد ما انتهت المشكلة اكتشفت ان فيه استهلاك كبير للوقود يعنى لاقيت العداد عامل 195 كيلو ومؤشر البنزين عند الشرطة قبل الأخيرة...
أرجو الرد هل ضعف البطارية أثر على زيادة استهلاك الوقود..