قدامي سويفت و عايز مساعدة

**MITSUKERO** · 04-08-2013 02:43 PM

انا متشكر جدا للناس اللي ردت و بأذن الله هشوف العربية في اجازة العيد و احكم عليها

و بشكر الاستاذ alzelafy علي الاسعار و التتفاصيل بجد طمنتني

**hytham79** · 17-08-2013 01:34 PM

المشاركة الأصلية كتبت بواسطة alzelafy

عيوبها ضيقه شويه من ورا عفشتها ناشفه و من ورا بالذات فراملها ضعيفه شويه فى الاحمال التقيله و دة هتلاقيه فى معظم العربيات من نفس الفئه السعريه دى انا مش شايف عيوب تانيه للعربيه
المميزات عربيه ثابته و ملمومه تركن بسهوله و غرز براحتك ابعادها حلوة و العربيه محكومه على الطريق ناعمه و سحبها حلو اوى قطع غيارها رخيصه و عمليه جدا الكوبلن ب 60 جنه و بيقعد سنه و نص و يبوظ الفانوس الامامى ب 100 استيراد و 90 جديد الموتور ب 1000 فاضى و 2000 بالفتيس و الديتامو و الكومبريسور و الدنيا كلها العفشه الاماميه كامله ( جوز الركب ب 400 جنيه ) المساعد ب 100 كومبريسور التكييف تجيبو فى الشتاء ب 200 فى الصيف ب 300 تكيفها مش حلو اوى 75 فى الميه و لما بيشتغل ربع ساعه فى العربيه بيتلجها غير العربيات الزيرو العربيه فى دقيقتين بتكون تلاجه السيور و الفلاتر و البوجيهات الموضوع اقل من انى اكتب عنو الزيت المناسب بترومين انا ماشى عليه ب 60 جنيه الاكصدامم الامامى ب 150 جديد و 400 استيراد بفوانيس الشبورة ...... عربيه ممتازة و الله و اسف متقارنهاش ابدا الاكسيل رغم انها اوسع منها كفايه انك راكب يابانى و الله الموفق

باشا معلش استفسار رفيع هوا سعر الكمبريسور بتاع التكييف ده فين بالظبط يعني في اسكندرية ولا في حتة تانية اصل انا سالت عليه لاقيتو ب 600

**samomodrek** · 17-08-2013 05:12 PM

بص يا باشا انا معايا واحده من الزيرو موديل 97 وماشي بيها 55000 كيلو على العداد والحمدلله فابريكه كلها بس واحد عرض عليا انه يشتريها مني وانا في الشارع على 35000 جنيه بالرغم من انها مش مكيفه
بس اللي اقدر اقولهولك انها عربيه ممتازه جدا وموفره جدا في البنزين واحلى حاجه تمشي ببنزين 80 عادي جدا وبالنسبه لقطع الغيار انا بجيب تيل الفرامل نوع كوري اسمه هاي تك بـ 45 جنيه جبت طرمبة مياه بـ120 جنيه ووش اشاره امامي بـ3 جنيه وده اللي انا فاكره بس متقلقش من قطع الغيار مغرقه الدنيا واي ميكانيكي بيشتغل فيها عادي وربنا يوفقك

**mtamer_fa** · 17-08-2013 08:05 PM

السلام عليكم
انا عندى سوزوكى من 93 كانت بتاعت والدى ورغم انى جبت عربية جديدة مش غاوز افرط فيها لانها عربية كويسة جدا واليابانى بس 92 الى 94 الباقى مصرى وقطع الغيار رخيصة جدا كنت لسة عامل عمة كاملة كلفت 1200 بالمصنعية العفشة كويسة بس عاوزة العربية تعلا من ورا شوية استهلاك البنزين كويس جدا التنك بيعمل حوالى 450 كيلو التكيف ضعيف جوا البلد فى الزحمة لكن على الطريق كويس
اسعار العربية الكويسة بتعمل قى 30-33 لكن 20 دة حاجة غريبة وانتا بتقول انها كويسة فدة حاجة غريبة جدا
وعلى العموم رنا يوفئك استخير ربنا واتوكل والاول اتاكد من ان اوراق العربية مظبوطة