لانسر شكل جديد

**ah-elgendy** · 28-07-2013 01:55 AM

هو مفيش اخبار ان لانسر هتنزل بشكل جديد فى الفتره اللى جايه

**Maghraby1987** · 28-07-2013 02:00 AM

مش لما نخلص من البوما الاول نبقي ندور علي الجديد وللا هي الشارك تتشال و الجديدة تنزل و البوما تفضل موجوده برضو :)

**mazagngi2010** · 28-07-2013 04:58 AM

البوما زى مستر اكس

**Ahmed TRAVCO** · 30-07-2013 12:51 AM

بالنسبة للشكل الخارجي مش هيكون فيه تغيير عن الشارك الحالية... كنت قريت انهم في ميتسوبيشي لسه بيعملوا على الشكل الجديد... وكل اللي قالوه ان العربية الجديدة (اعتقد هتبقى 2015) هتكون ابعادها اصغر من الشارك الحالية... واحتمال ينزلوا منها نسخة هجينة برضه...

المشكلة اننا في مصر مفيش غير نسخة وحيدة للشارك.. انما برة بينزلوا كذا موديل بيختلفوا اختلافات طفيفة من الخارج وبيدوا احساس بالتغيير (وان كان بسيط)... عندك مثلا الGT ودي 2000CC وتقريبا 160 حصان على دفع رباعي مستمر... في كمان نسخة الSE بموتور 1600 تقريبا بس دفع رباعي... وعندك طبعا الوحش الكاسر Evolution 10 ودي بقى حاجة مستفزة... موتور مايفيك بس twin-turbo سعته 2000CC بس بيطلع 291 حصان والتساثع من 0-100 في 4.8 ثانية...

وانا في رأيي الشارك مظلومة في مصر بسبب استمرار البومة لحد دلوقتي... يعني لو كانت وقفت في 2088 كان زمانا بنشوف شارك اكتر من كده في شوارعنا...

بس شكلها كده هتيجي 2015 ونلاقي الشارك بطلت تنزل وخلاص الشكل الجديد نازل ونفاجأ ان ميتسوبيشي قررت تستمر في اصدار البومة خصيصا لمصر للمرة السابعة!!!!

**alzelafy** · 30-07-2013 01:22 AM

ميتسوبيشى مش هتنزل شكل جديد الا لما المصريين يبطلو يشترو البومه و دا صعب شويه ممكن على 2020 او ينزلو شكل جديد و يتم اصدار البومه بردو و الشكل الجديد مش هينجح فى مصر ............... يا ناس حرام عليكو الشارك احسن من البومه كتييييير فئه تانيه خالص و سعرها اقل من البومه (بتكلم على المستعمل نفس الموديل) منكرش ان البومه انجح عربيه فى مصر بس خلاص بقى مش هنقف عندها و نقول خلاص العربيات خلصت و هى دى و بس .... لازم نطور شويه دى بقت تاكسى عندنا فى المنصورة

**ahmedharon** · 05-09-2013 01:01 PM

المشاركة الأصلية كتبت بواسطة alzelafy

ميتسوبيشى مش هتنزل شكل جديد الا لما المصريين يبطلو يشترو البومه و دا صعب شويه ممكن على 2020 او ينزلو شكل جديد و يتم اصدار البومه بردو و الشكل الجديد مش هينجح فى مصر ............... يا ناس حرام عليكم الشارك احسن من البومه كتييييير فئه تانيه خالص و سعرها اقل من البومه (بتكلم على المستعمل نفس الموديل) منكرش ان البومه انجح عربيه فى مصر بس خلاص بقى مش هنقف عندها و نقول خلاص العربيات خلصت و هى دى و بس .... لازم نطور شويه دى بقت تاكسى عندنا فى المنصورة

احلى تعليق بجد

**Ralliart** · 05-09-2013 02:39 PM

حسب سياسة ميتسوبيشي أعتقد ان التغيير مش قبل 2016
بس في عربية جديدة اقتصادية أصغر من اللانسر احتمال تنزل في مصر قريب اسمها أتراج

المشاركة الأصلية كتبت بواسطة alzelafy

ميتسوبيشى مش هتنزل شكل جديد الا لما المصريين يبطلو يشترو البومه و دا صعب شويه ممكن على 2020 او ينزلو شكل جديد و يتم اصدار البومه بردو و الشكل الجديد مش هينجح فى مصر ............... يا ناس حرام عليكم الشارك احسن من البومه كتييييير فئه تانيه خالص و سعرها اقل من البومه (بتكلم على المستعمل نفس الموديل) منكرش ان البومه انجح عربيه فى مصر بس خلاص بقى مش هنقف عندها و نقول خلاص العربيات خلصت و هى دى و بس .... لازم نطور شويه دى بقت تاكسى عندنا فى المنصورة

انا معاك ان البومة بقت حاجة مستفزة بالذات مع سعرها العجيب ،بس السوق المصري مش بيمثل حاجة مهمة لأي شركة عربيات ومفيش شركة هتنتجله مخصوص والبومة مش بتنزل علشان الشعب المصري بس وهي مستمرة في النزول في بلاد كتير جداً باسم lancer classic وهي دي سياسة الشركة من زمان
نقدر نقول ان دي حاجة خاصة بالشعب المصري لما نفتحلها مصنع في مصر زي ما في مصنع في فنزويلا أخد رخصة بتصنيع الكريستالة باسم mitsubishi signo ولسة بيصنعو كريستالة 2013 !!!

**Egy_fan** · 05-09-2013 04:13 PM

اعتقد انها هتغير علشان الكورولا غيرت و ده اللى بيحصل من زمان

**د.أبونضال** · 06-09-2013 02:50 AM

المشاركة الأصلية كتبت بواسطة Ralliart

نقدر نقول ان دي حاجة خاصة بالشعب المصري لما نفتحلها مصنع في مصر زي ما في مصنع في فنزويلا أخد رخصة بتصنيع الكريستالة باسم mitsubishi signo ولسة بيصنعو كريستالة 2013 !!!

فنزويلا كمان اتضربت وقلبت على البومة أهوه

وده موقع الشركة
Lancer 1.6 M/T (GNV) - .:: Mitsubishi ::.