هغير الكاوتش ومحتاج مساعده ضروريه

**aldesha989** · 28-07-2013 02:01 AM

السلام عليكم ورحمة الله وبركاتة

كل سنه وانتم طيبين ازيكم يا شباب ؟ ان شاء الله بخير

انا عايز اغير الكاوتش وعايز اغير المقاس علشان ازود الثبات من غير ما اشوهه شكل العربيه ومن اغير ما ادمر العفشه

انا بصيت فى موقع بيعرض مقاسات الكاوتش الجديده والقديمه وبيخليك تختار الانسب

دلوقتى انا المقاس الحالى 13/70/175
والمقاس مش عاجبنى من حيث الثبات وخصوصآ ان عربيتى خفيفه شويه تمام

والمفروض ان المقاس فى الكتالوج 14 وده انا مش مصدقه لسبب ان الجنوط الاصليه بتاعت العربيه وماركة المازدا عليها وصعب انه ما يكنش الجنط الاصلى فانا اتوقع انه الجنط الاصلى والعربيه نزل ليها كذا موديل والموديل اللى معايا هو اللى جنطها 13

انا محتار فى المقاس هل اى مقاس هيناسب على الجنط اللى عندى فى ال 13
يعنى لو اخترت حتى مثلآ 13/85/345 طبعآ ده مش هيحصل بس اللى اقصده هل الجنط 13 بيأخد اى كاوتش مقاسه 13 وعرضه وطوله متغير ؟ كبير او صغير ؟
مش موضعنا انا دلوقتى قارنت ودى الصوره

هل المقاس ده هيكون كويس معايا ومش هيشوهه شكل العربيه ؟

13/60/205 انا شايف الفرق بسيط جدآ من حيث الموصفات بس فى العرض هيكون افضل صح ؟

ياريت تساعدونى بحيث انى ازود الثبات من غير ما ابوظ اى حاجه تانيه لا شكل ولا عافشه ولا عداد السرعه

وكمان ياريت تنصحونى بكاوتش نضيف ويكون سعره معقول لان لو هجيب بيردج ستون هيبقى غالى عليا وانا عايز الاربع فرد كاوتش ما يعدوش ال 1200 جنيه لان الميزانيه زى الزفت وكمان ايه اللى بيحصل بعد كده
بيحطو بلوف ولا انا اللى بتشريها وبرصص بعد كده واظبط زوايا ؟ على طول هل فى حاجه تانيه ؟

جزاكم الله خيرآ

**aldesha989** · 28-07-2013 04:18 AM

الو ؟

**AlGazar2** · 28-07-2013 04:39 AM

بص اى عربيه بيبقى ليها كذا جنط
احنا فى مصر بنجيب اقل جنط فيهم
يعنى عربيتك 13/70/175 لو ده كلام الكتالوج يبقى انت يركب عندك 14/60/185
و ممكن فى ال 13 تشوف ال 13/65/185 او 13/60/195 دول اعتقد هيبقوا مناسبين معاك
بالنسبه للمقاس 13/60/205 مفتكرش هيكون فى المقاس ده اساسا

بس الى مناسب ليك 205 هيكون 13/55/205 بس ده هيكون صعب فى الجنط ال 13 عشان الاوفسيت بتاعه و عرض الجنط نفسة

فالافضل تشوف جنوط 14 حتى لو حديد و تجيب 14/55/195 ده هيكون مناسب فى اعتقادى ليك

بالنسبة للكاوتش بقى

احسن كاوتش قيمة مقابل سعر هو الكومهو الاكستا الكورى بس ده مفيش منه مقاس 13
13 هتلاقى الكومهو السولاس ده اقل من الاكستا فى التراكشن بتاعه

**aldesha989** · 28-07-2013 04:46 AM

المشاركة الأصلية كتبت بواسطة algazar2

بص اى عربيه بيبقى ليها كذا جنط
احنا فى مصر بنجيب اقل جنط فيهم
يعنى عربيتك 13/70/175 لو ده كلام الكتالوج يبقى انت يركب عندك 14/60/185
و ممكن فى ال 13 تشوف ال 13/65/185 او 13/60/195 دول اعتقد هيبقوا مناسبين معاك
بالنسبه للمقاس 13/60/205 مفتكرش هيكون فى المقاس ده اساسا

بس الى مناسب ليك 205 هيكون 13/55/205 بس ده هيكون صعب فى الجنط ال 13 عشان الاوفسيت بتاعه و عرض الجنط نفسة

فالافضل تشوف جنوط 14 حتى لو حديد و تجيب 14/55/195 ده هيكون مناسب فى اعتقادى ليك

بالنسبة للكاوتش بقى

احسن كاوتش قيمة مقابل سعر هو الكومهو الاكستا الكورى بس ده مفيش منه مقاس 13
13 هتلاقى الكومهو السولاس ده اقل من الاكستا فى التراكشن بتاعه

اول حاجه جزاك الله كل خير وشكرآ على مساعدتك

تانى حاجه ياريس انا مش هقدر اغير الجنوط يبقى خلينى فى ال 13

طب انا ان شاء الله هعتمد ال 13/60/195 بس مش هيأثر على عداد السرعه او العفشه وكده ؟ مش هيفرق معايا تقل الدركسيون على قد ما هيفرق معايا الثبات كمان

وايه رائيك فى الماكسسيز ؟

وما تعرفش الالكومهو السولاس ده عامل كام ويعنى ايه التراكشن ده مش شرط بالظبط ممكن تقولى فى حدود كام الفرده الواحده

انا سواق تاكسى قالى ان الكاوتش بيقعد معاه سنه كامله ولما بيجيب نوع غير الماكسسيز بيغيره فى ست شهور ايه رائيك فى ده

وهل المقاس ده هلاقيه بسهوله ؟ وهل فى مكان معتمد لاى حاجه انتى هتوصى بيها فى اسكندريه بدل بهدله المحلات المعفنه ؟

وجزاك الله كل خير

**AlGazar2** · 28-07-2013 05:00 AM

انسب جنط ليك هو ال 14 185/60/14

ده نفس مقاس اللانوس

http://www.1010tires.com/Tools/Tire-...0R14/185-65R14

**aldesha989** · 28-07-2013 05:05 AM

طب معلش قولي علي انواع ولو في توكيل في اسكندريه

**AlGazar2** · 28-07-2013 05:07 AM

ال 13 مفيش حاجة فى الموقع ده 195/13 خالص

الماكسيس فى التاكسى حلو لانه مش بيتاكل بسرعه لكن ما تسألش فيه عن فرامل او تماسك الحاج جربه مره فى العربيه و كانت اسرع مره اشوفه بيغير كاوتش فيها الكاوتش كان سئ بدرجة كبيره جدا

سواق التاكسى ميهمهوش غير كاوتش يعمل معاه سنه يكون عمل فيها فوق ال 100 الف مثلا و يرميه و يجيب غيره

الكومهو السولاس اخر مره جبته كان ب 340 185/65/14 ممكن تلاقى الفرده ال 13 فيه عامله 280 او 300 جنية

هات المقاس بتاع 185/65/13 ده هيفرق معاك فى الارتفاع 4 مم بس بالناقص ال 195 هيفرق 11 مم بالناقص برضه
بس اسأل الاول هتلاقى لل 13 195 /60 ولا لا فى مصر لانى ملقتش المقاس ده على النت فى الموقع الى حطيته ده

و التراكشن ده هو مدى تماسك الفرده بالارض يعنى لما تقفش فرامل احتكاك العجله بالارض عامل ايه ال aa اعلى من ال a فالعربية تقف اسرع من غير ما تزحف كتير

**AlGazar2** · 28-07-2013 05:08 AM

انواع عندك الكومهو و لو 13 هيبقى السولاس

طبعا البريدج ستون غاليه فبلاش منها

الكونتيننتال بس معرفش بكام

الهانكوك

بس معرفش فى اسكندرية ايه النظام

**aldesha989** · 28-07-2013 05:12 AM

المشاركة الأصلية كتبت بواسطة algazar2

انواع عندك الكومهو و لو 13 هيبقى السولاس

طبعا البريدج ستون غاليه فبلاش منها

الكونتيننتال بس معرفش بكام

الهانكوك

بس معرفش فى اسكندرية ايه النظام

حلو يبقى انا هسئل على التلاته دول وانا للأسف مش هعرف اغير الجنط علشان كده هدور على ال 13/65/185 هو اللى كان فى دماغى من الاول بس دماغى لعبت انى اعرض اكتر على اساس الثبات بس مدام هيدينى نفس الثبات مش مشكلة

هحاول ادور على النت على اى توكيل او حاجه تابعه ليهم واسئل على السعر واحطه للافاده ان شاء الله

وجزاك الله كل خير

**فتح الباب** · 28-07-2013 07:30 AM

راجع الكتالوك جيدا اولا فربما تخرج بنتيجه ممتازه
وخصوصا فى ظل وجود جنوط وكاوتش ذو ابعاد ومقاييس مختلفه على انواعها طبعا الغير اصليه تجنبا لعدم احداث اى خلل بالعفشه والسياره عموما
ربنا يوفقك للاصح

الموضوع: هغير الكاوتش ومحتاج مساعده ضروريه

LinkBack

أدوات الموضوع

عرض

هغير الكاوتش ومحتاج مساعده ضروريه - انشر الموضوع فى :

-

-

-

-

-

المواضيع المتشابهه

هغير لنيتروجين ومحتاج نصيحتكم

هغير المساعدين ومحتاج الاراء

هغير الكاوتش والجنوط

مساعده ضروريه

هغير الكاوتش ومحتاج رايكو

الكلمات الدلالية لهذا الموضوع

المفضلات

المفضلات

ضوابط المشاركة